Ru’ya 19 - Kitaab al Vahd aj Jadid 1978

¹ Wa bavd al ḥaajaat di, simivta zei ṣoot vaali min naas kutaar fi_s sama yaguulu: “Halliluuya! Al xalaaṣ wa_l majd wa_l gudra le Ilaahna,

HALLILUUYA

² Vashaan aḥkaamu ḥagg wa vaadila. Huwa daan az zaanya_l vaẓiima, al xarabat al arḍ be zinaaha, wa intagam le damm xaddaamiinu min iida.”

³ Wa gaalu taani marra: “Halliluuya! Duxaana yaṭlav le_l abad.”

⁴ Wa_l arbava wa vishriin sheex wa_l arbava ḥayawaanaat wagavu wa vabadu Allaah al gaavid vala_l kursi wa gaalu, “Aamiin, halliluuya!”

⁵ Wa ṣoot marag min al kursi al yaguul, “Aḥmadu Ilaahna, yaa kullu xaddaamiinu, intu_l bixaafuuhu, aṣ ṣughaar wa_l kubaar.”

⁶ Wa bavdeen simivta zei ṣoot naas kutaar, wa zei ṣoot mooya katiira wa zei ṣoot ruvuud shadiida, al biguulu, “Halliluuya! Vashaan ar Rabb Ilaahna al gaadir vala kullu shi yamlik.

⁷ Xalluuna nafraḥ wa nakuun mabsuuṭiin xalaaṣ wa namajjidu! Vashaan viris al Ḥamal ja, wa varuustu jahhazat nafsa.

⁸ Wa addooha ’an talbas tiil laamiv wa naḍiif.” Vashaan at tiil huwa avmaal al birr bitaavat al giddiisiin.

⁹ Wa hu gaal leiya, “Aktib: Mubaarakiin deel an naadoohum le vasha viris al Ḥamal.” Wa gaal leiya kamaan, “Di kilmaat Allaah aṣ ṣaḥiiḥa.”

¹⁰ Wa wagavta vind kirveenu vashaan avbudu. Laakin hu gaal leiya, “Maa tavmil da abadan! Vashaan ana xaddaam mavaak wa mava axwaanak al biḥfaẓu shahaadat Yasuuv. Avbud Allaah! Vashaan shahaadat Yasuuv, hiya ruuḥ an nubuwwa.”

AR RAAKIB FOOG AL ḤUṢAAN AL ABYAḌ

¹¹ Wa bavdeen shufta_s sama maftuuḥa. Wa shuuf! ḥuṣaan abyaḍ, wa_r raakib foogu ismu, Al Amiin wa_ṣ Ṣaadig. Wa huwa yaḥkum wa yaḥaarib be_l vadl.

¹² Wa veeneehu zei lahiib naar, wa vala raasu tiijaan katiira. Wa vindu isim maktuub foogu, maa fih waaḥid yavrifu illa huwa.

¹³ Wa huwa laabis toob maghaṭṭas be_d damm, wa ismu, Kilmat Allaah.

¹⁴ Wa juyuush as sama tabavu, raakbiin ḥuṣun buyuḍ, laabsiin tiil abyaḍ wa naḍiif.

¹⁵ Wa seef saniin yamrug min xashmu vashaan yaḍrub beehu_l umam. Wa huwa biyaḥkum valeehum be vaṣaaya min ḥadiid. Wa huwa biduus vaṣaarat al vinab bitaavat shiddat xamr ghaḍab Allaah al gaadir vala kullu shi.

¹⁶ Wa maktuub vala toobu wa faxdu al isim, Malik al Muluuk wa Rabb al Arbaab.

¹⁷ Wa shufta malaak waagif fi_sh shamish. Wa hu koorak be ṣoot vaali, wa gaal le kull aṭ ṭuyuur al biṭiir fi wasiṭ as sama, “Tavaalu, itlammu le vasha Allaah al vaẓiim.

¹⁸ Vashaan taaklu laḥam al muluuk wa laḥam ru’asaa aj juyuush wa laḥam ar rujaal al gawwiyyiin, wa laḥam al ḥuṣun wa_n naas al birkabu foogum, wa laḥam kullu_n naas, ḥurriin wa vabiid, ṣughaar wa kubaar.”

¹⁹ Wa shufta_l waḥash wa muluuk al arḍ wa juyuushum itlammu vashaan yaḥaaribu_r raakib foog al ḥuṣaan wa juyuushu.

²⁰ Wa_l waḥash kaan magbuuḍ, wa mavaahu an nabi al kaḍḍaab aṣ ṣanav al valaamaat giddaamu. Wa be_l valaamaat di hu ghashsha deel, al gibilu valaamat al waḥash wa vabadu ṣanamu. Wa hum al itneen itramu wa hum ḥaiyiin fi birkat an naar, al mawallava be_l kibriit.

²¹ Wa baagi_n naas kaanu maktuuliin be seef ar raakib foog al ḥuṣaan. Wa_s seef da kaan bimrug min xashmu. Wa kullu_ṭ ṭuyuur shabavu min al laḥam bitaavum.