Ru’ya 18 - Kitaab al Vahd aj Jadid 1978

¹ Wa bavd da ana shufta malaak taani naazil min as sama. Hu kaanat vindu sulṭa vaẓiima. Wa_l arḍ itnawwarat min majdu.

² Wa hu koorak be ṣoot vaali wa gaal, “Wagavat! Wagavat Baabil al Vaẓiima! Hiya bigat beet le_sh sheyaaṭiin, wa sijin le kullu ruuḥ najis, wa sijin le kullu ṭeer najis wa makruuh,

WUGUUV BAABIL

³ Vashaan kullu_l umam shiribu min xamr ghaḍab zinaaha. Wa muluuk al arḍ zanu mavaaha, wa tujjaar al arḍ bigu ghaniyyiin min guwwat ḥaajaata an naavima.”

⁴ Wa simivta ṣoot taani min as sama yaguul: “Amrugu minnaha, yaa shavbi, valashaan maa tashtariku fi xaṭaayaaha, wa valashaan maa bitagbalu min ḍarabaata.

⁵ Vashaan xaṭaayaaha wiṣlat le_s sama, wa Allaah itzakkar zunuuba.

⁶ Rajjivu leeha zei maa hiya addat, wa rajjivu leeha marrateen le kull al vamalatu. Laxbiṭ leeha marrateen fi_l finjaan al hiya laxbaṭatu.

⁷ Be gadur maa hiya majjadat nafsa wa vaashat ḥayaat naavima, adduuha vazaab wa ḥuzn. Valashaan fi galba hiya taguul, Ana gaavida malika, ana mush armala, wa ana maa babki abadan.

⁸ Valashaan kida, fi yoom waaḥid bitaji leeha ḍarabaata, al moot wa_l bika wa_j juuv. Wa biḥraguuha be_n naar. Vashaan ar Rabb al Ilaah al yadiina, huwa gawwi.”

⁹ Wa muluuk al arḍ, az zanu wa vaashu ḥayaat naavima mavaaha, lamma yashuufu duxaan ḥariiga, hum biyabku wa bikuunu ḥaznaaniin.

¹⁰ Wa bigiifu baviid, xaayifiin min vazaaba wa yaguulu: “Yaa muṣiiba! Yaa muṣiiba! Yaa al madiina_l vaẓiima! Baabil al madiina_l gawwiyya! Vashaan deenuunatik jaat fi saava waaḥda!”

¹¹ Wa tujjaar al arḍ biyabku wa bikuunu ḥaznaaniin valeeha, valashaan maa fih waaḥid yashtari buḍaavatum bavd da.

¹² Maa fih waaḥid yashtari buḍaavatum min ad dahab wa_l fiḍḍa wa_l ḥujaar al ghaalya wa_l luuli, wa_t tiil wa gumaash banafsaji wa_l ḥariir wa gumaash aḥmar wa kullu nuuv xashab ṭaiyib ar riiḥa, wa kullu ḥaajaat maṣnuuva min sinn al fiil, wa min xashab ghaali wa_n niḥaas al aṣfar, wa_l ḥadiid wa_r rixaam,

¹³ buḍaava min al girfa, wa_l buhaaraat, wa_l baxuur, wa_l lubaan, wa_l xamr, wa_z zeet, wa_d dagiig an naavim wa_l gamiḥ, wa_l bahaayim wa_l xirfaan, wa_l ḥuṣun wa_l varabiyyaat, wa vabiid wa nufuus an naas.

¹⁴ “Wa tamar shahwat nafsik al inti kunti vaawizaaha masha minnik. Wa kullu ghinaaki wa majdik biga xasaara leeki, wa_n naas maa yalguuha abadan bavd da.”

¹⁵ Wa_t tujjaar al baavu_l ḥaajaat di wa bigu ghaniyyiin minnaha bigiifu baviid xaayifiin min vazaaba. Hum biyabku wa bikuunu ḥaznaaniin,

¹⁶ wa yaguulu: “Yaa muṣiiba! Yaa muṣiiba le_l madiina_l vaẓiima. Hiya kaanat talbas at tiil wa_l gumaash al banafsaji wa_l aḥmar, wa_l mazeyyana be_d dahab wa_l ḥujaar al ghaalya wa_l luuli!

¹⁷ Wa fi saava waaḥda, al ghina_l vaẓiim da biga xaraab!” Wa kullu ra’iis murkab wa kullu waaḥid al bisaafir fi murkab, al baḥḥara wa kullu shaghghaaliin al baḥar wagafu min baviid.

¹⁸ Wa lamma hum shaafu duxaan ḥariiga, kooraku wa gaalu: “Ween al madiina zei al madiina di?”

¹⁹ Wa ramu_t turaab vala ruuseenum, wa ibtadu yakooriku wa yabku wa yaguulu: “Yaa muṣiiba! Yaa muṣiiba le_l madiina_l vaẓiima! vashaan kull al vindahum maraakib fi_l baḥar bigu ghaniyyiin min ghinaaha. Vashaan xaraaba ja fi saava waaḥda!

²⁰ Afraḥi beeha, yaa sama! Afraḥu, yaa giddiisiin wa rusul wa anbiya! Vashaan Allaah ḥakam valeeha fishaan xaaṭirkum.”

²¹ Wa bavdeen malaak gawwi rafav ḥajar zei murḥaka kabiira, wa ramaahu fi_l baḥar, wa gaal: “Kida be shidda Baabil al madiina_l vaẓiima marmiya, wa maa bilguuha bavd da abadan.

²² Wa aṣwaat an naas al biḍrubu_r rabaaba, wa_l birattilu, wa_l biḍrubu_z zumbaara wa_l buug, maa bismavuuha fiiki bavd da abadan. Wa shaghghaaliin min aiya ṣunva maa bilguuhum fiiki bavd da abadan. Wa ṣoot al mirḥaka maa bismavuuhu fiiki bavd da abadan.

²³ Wa nuur al faanuus maa binawwir fiiki bavd da abadan. Wa ṣoot al variis wa_l varuusa maa bismavuuhu fiiki bavd da abadan. Vashaan tujjaarik kaanu_l kubaar fi_l arḍ, Wa be siḥrik kull al umam ḍallu.

²⁴ Wa itlaga fiiha damm al anbiya wa_l giddiisiin, wa damm kullu_l maktuuliin vala_l arḍ.”