Ru’ya 17 - Kitaab al Vahd aj Jadid 1978

AL MARA AL GAAVIDA VALA WAḤASH

¹ Wa waaḥid min as sabva malaaika al vindahum as sabva ḥilal ja wa kallamni wa gaal, “Tavaal wa bawarriik deenuunat az zaanya_l kabiira al bitagvud vala mooya katiira.

² Wa muluuk al arḍ vamalu zina mavaaha, wa_s saakniin vala_l arḍ sakaru min xamr zinaaha.”

³ Wa_l malaak shaalni be_r Ruuḥ le_l xala. Wa shufta mara gaavida vala waḥash aḥmar. Wa_l waḥash kaan malyaan usuum tajdiif, wa vindu sabva ru’uus wa vashara guruun.

⁴ Wa_l mara kaanat laabisa banafsaji wa aḥmar, wa mazeyyana be_d dahab wa_l ḥujaar al ghaalya wa_l luuli. Wa vindaha finjaan min dahab fi iida, malyaan min al ḥaajaat ash sharriira wa_n najisa bitaavat zinaaha.

⁵ Wa maktuub vala jabhata ism sirri, “Baabil al Vaẓiima, Umm az zaanyiin wa_l Ḥaajaat al Makruuha fi_l Arḍ.”

⁶ Wa shufta_l mara kaanat sakraana min damm al giddiisiin wa min damm shaahidiin Yasuuv. Wa lamma shuftaha, kunta mustaghrab jiddan.

⁷ Wa_l malaak gaal leiya, “Tistaghrab le shinu? Ana baxabbirak be sirr al mara wa_l waḥash al bishiila, al vindu as sabva ru’uus wa_l vashara guruun.

⁸ Wa_l waḥash al inta shuftu, huwa kaan mawjuud wa hassav maa mawjuud. Wa huwa maashi yaṭlav min al ḥufra_l ghariiga jiddan wa yamshi le_l xaraab. Wa _s saakniin vala_l arḍ bistaghrabu, deel al usuumum maa maktuubiin fi kitaab al ḥayaat min xaliigat ad dunya. Hum bistaghrabu lamma yashuufu_l waḥash, valashaan hu kaan mawjuud wa hassav maa mawjuud wa biji.

⁹ Wa da vaawiz al fahm mava_l ḥikma. As sabva ru’uus, hum sabva jibaal al foogum al mara bitagvud. Wa hum kamaan sabva muluuk.

¹⁰ Xamsa minnahum wagavu, wa waaḥid mawjuud, wa_t taani lissav maa ja. Wa lamma biji, laazim yistanna wakit galiil.

¹¹ Wa_l waḥash al kaan mawjuud wa maa mawjuud hassav, huwa taamin malik. Wa huwa min as sabva, wa yamshi le_l xaraab.

¹² Wa_s sabva guruun al inta shuftum, hum vashara muluuk, al lissav maa gibilu mamlaka. Laakin biyaaxdu sulṭa zei al muluuk le saava waaḥda mava_l waḥash.

¹³ Wa deel vindahum fikir waaḥid wa yaddu le_l waḥash gudratum wa sulṭatum.

¹⁴ Wa deel biḥaaribu_l Ḥamal. Wa_l Ḥamal bighlibum, valashaan huwa Rabb al Arbaab wa Malik al Muluuk. Wa deel an naadaahum, muxtaariin wa umana, bikuunu mavaahu.”

¹⁵ Wa_l malaak gaal leiya, “Al mooya al inta shuftaha, al maḥall az zaanya bitagvud foogu, hiya shuvuub wa jamaavaat wa umam wa lughaat.

¹⁶ Wa_l vashara guruun al inta shuftaha, wa_l waḥash, hum biyakrahu_z zaanya. Wa hum bixrabuuha wa yaxalluuha varyaana, wa biyaakulu laḥama wa yaḥraguuha be_n naar.

¹⁷ Vashaan Allaah xaṭṭ fi guluubum ’an yakammilu fikru. Wa hum yattafigu ’an yaddu le_l waḥash sulṭat mamlakatum lighaayat maa kilmat Allaah tatimm.

¹⁸ Wa_l mara_l inta shuftaha, hiya al madiina_l vaẓiima wa hiya bitaḥkkum vala muluuk al arḍ.”