Ru’ya 16 - Kitaab al Vahd aj Jadid 1978

¹ Wa simivta ṣoot vaali min al heekal yaguul le_s sabva malaaika, “Amshu wa kubbu as sabva ḥilal bitaavat ghaḍab Allaah vala_l arḍ.”

AS SABVA ḤILAL BITAAVAT GHAḌAB ALLAAH

² Wa_l malaak al awwal masha wa kabba ḥallatu vala_l arḍ. Wa_n naas al vindahum valaamat al waḥash wa_l biyavbudu ṣanamu kaanu maḍruubiin be dabar baṭṭaal, wa fiihu wajav.

³ Wa_l malaak at taani kabba ḥallatu vala_l baḥar, wa_l baḥar biga damm zei damm al meyyit. Wa kullu ḥaaja ḥaiya maat fi_l baḥar.

⁴ Wa_l malaak at taalit kabba ḥallatu vala_l biḥaar wa vala vuyuun al mooya, wa bigu damm.

⁵ Wa simivta malaak al mooya yaguul: “Inta vaadil fi aḥkaamak deel, yaa al mawjuud wa_l kaan mawjuud, yaa Gudduus.

⁶ Valashaan hum kabbu damm al giddiisiin wa_l anbiya, wa inta addeetum damm vashaan yashrabu, valashaanum mustaḥiggiin!”

⁷ Wa simivta ṣoot min al maḍbaḥ yaguul: “Aiwa, yaa Rabb al Ilaah al gaadir vala kullu shi, aḥkaamak ḥagg wa vaadila!”

⁸ Wa_l malaak ar raabiv kabba ḥallatu vala_sh shamish, wa addu le_sh shamish ’an taḥrag an naas be_n naar.

⁹ Wa_n naas inḥaragu be ḥarr shadiid wa jaddafu vala ism Allaah al vindu sulṭa vala_ḍ ḍarabaat di. Wa hum maa taabu vashaan yamajjiduuhu.

¹⁰ Wa_l malaak al xaamis kabba ḥallatu vala kursi_l waḥash. Wa mamlaktu bigat ḍulumma. Wa_n naas vaḍḍu vala lisaanaatum min al wajav.

¹¹ Wa hum jaddafu vala Ilaah as sama be sabab awjaavum wa min dabarum. Wa maa taabu min avmaalum.

¹² Wa_l malaak as saadis kabba ḥallatu vala_l baḥar al kabiir, al Furaat. Wa_l baḥar biga yaabis, vashaan yajahhiz sikka le_l muluuk al biju min ash sharg.

¹³ Wa shufta talaata arwaaḥ najisa manẓarum zei gavoonja. Wa hum ṭalavu min xashm at tinniin wa min xashm al waḥash wa min xashm an nabi_l kaḍḍaab.

¹⁴ Vashaan hum arwaaḥ sheyaaṭiin biyavmilu valaamaat. Wa yamrugu le muluuk ad dunya kullaha vashaan yalimmuuhum le kitaal al yoom al kabiir, yoom Allaah al gaadir vala kullu shi.

¹⁵ “Shuuf! ana baji zei al ḥaraami! Mubaarak huwa_l biḥras wa biḥfaẓ hiduumu valashaan maa yamshi varyaan wa yawarri veebu.”

¹⁶ Wa lammoohum le_l bakaan al ismu be_l Vibraaniyya, Harmajadduun.

¹⁷ Wa_l malaak as saabiv kabba ḥallatu vala_l hawa, wa ja ṣoot vaali min al heekal, min al kursi, yaguul: “Huwa xalaaṣ!”

¹⁸ Wa bavdeen ḥaṣalu buruug wa aṣwaat wa ruvuud wa zalzala kabiira. Wa maa ḥaṣalat zeiyaha abadan min wakit an naas kaanu vala_l arḍ, zalzala shadiida zei di.

¹⁹ Wa_l madiina_l vaẓiima ingasamat le talaata agsaam, wa mudun al umam wagavu. Wa Allaah itzakkar Baabil al vaẓiima vashaan yaddiiha finjaan xamr bitaav shiddat ghaḍabu.

²⁰ Wa kullu jaziira harabat, wa_j jibaal maa kaanu mawjuudiin.

²¹ Wa barad kabiir min as sama nazal vala_n naas, wazan kullu ḥajar kaan miyyat roṭl tagriiban. Wa_n naas jaddafu vala Allaah be sabab ḍarbat al barad, valashaan aḍ ḍarba kaanat mixawwifa jiddan.