Ru’ya 15 - Kitaab al Vahd aj Jadid 1978

AS SABVA MALAAIKA MAVAAHUM AS SABVA ḌARABAAT

¹ Wa shufta fi_s sama valaama taanya vaẓiima wa vajiiba: sabva malaaika wa mavaahum as sabva ḍarabaat al axiira. Wa ghaḍab Allaah tamma beeha.

² Wa shufta ḥaaja zei baḥar min gizaaz malaxbaṭ be_n naar. Wa shufta deel, al ghalabu_l waḥash wa ṣanamu wa vadad ismu, waagfiin vala baḥar min gizaaz, wa vindahum rabaab Allaah.

³ Wa hum yarattilu tartiilat Muusa, xaddaam Allaah, wa tartiilat al Ḥamal, wa yaguulu: “Avmaalak vaẓiima wa vajiiba, yaa Rabb, al Ilaah al gaadir vala kullu shi! Ṭurugak vadl wa ḥagg, yaa Malik al umam!

⁴ Minu al maa bixaaf ismak, yaa Rabb, wa maa bimajjidu? Valashaan inta bass gudduus. Wa kullu_l umam biju wa yavbudu giddaamak, vashaan aḥkaamak al vaadila ẓaharu.”

⁵ Wa bavd da, vaayanta, wa heekal xeemat ash shahaada infataḥat fi_s sama.

⁶ Wa_s sabva malaaika al vindahum as sabva ḍarabaat maragu min al heekal. Wa hum kaanu laabsiin tiil naḍiif wa laamiv, wa marbuuṭiin ḥawl ṣuduurum be ḥuzum min dahab.

⁷ Wa waaḥid min al arbava ḥayawaanaat adda le_s sabva malaaika sabva ḥilal min dahab malyaana min ghaḍab Allaah, al biviish le_l abad.

⁸ Wa_l heekal itmala min duxaan majd Allaah wa min gudratu. Wa waaḥid maa gidir yadxul al heekal lighaayat maa kimil as sabva ḍarabaat bitaavat as sabva malaaika.