Ru’ya 14 - Kitaab al Vahd aj Jadid 1978

AL ḤAMAL WA_L 144,000

¹ Wa bavdeen vaayanta, wa shuuf! al Ḥamal waagif vala jabal Ṣihyoon, wa mavaahu miyya wa arbava wa arbaviin alf. Wa hum kaanu vindahum ismu wa ism Abuuhu maktuubiin vala jabahaatum.

² Wa simivta ṣoot min as sama zei ṣoot mooya katiira wa zei ṣoot ravd vaẓiim. Wa_ṣ ṣoot as simivtu kaan zei ṣoot al biḍrubu vala_r rabaab.

³ Wa hum rattalu tartiila jadiida giddaam al kursi wa giddaam al arbava ḥayawaanaat wa_sh shuyuux. Wa maa fih waaḥid gidir yitvallam at tartiila illa_l miyya wa_l arbava wa_l arbaviin alf al kaanu mushtariin min al arḍ.

⁴ Deel hum al maa najjasu nufuusum mava an niswaan, vashaan hum nuḍaaf. Wa hum yatbavu_l Ḥamal le aiyi maḥall al huwa yamshi leehu. Wa kaanu mushtariin min been an naas, awwal tamar le Allaah wa le_l Ḥamal.

⁵ Wa maa ligu kiḍib fi xushuumum, wa hum biduun veeb.

⁶ Wa shufta malaak taani yaṭiir fi wasiṭ as sama, wa mavaahu_l injiil al abadi vashaan yabashshir beehu as saakniin vala_l arḍ min kullu umma wa gabiila wa lugha wa shavb.

⁷ Wa yaguul be ṣoot vaali, “Xaafu Allaah wa majjiduuhu, valashaan saavat ḥukmu jaat. Avbudu Xaalig as samawa_l arḍ arḍ wa_l baḥar wa vuyuun al mooya.”

⁸ Wa malaak taani tabavu wa yaguul, “Wagavat! Wagavat Baabil al madiina_l kabiira, al vamalat kullu_l umam yashrabu min xamr ghaḍab zinaaha.”

⁹ Wa malaak aaxir, at taalit, tabavum wa yaguul be ṣoot vaali, “Iza aiyi waaḥid yavbud al waḥash wa ṣanamu wa yagbal valaamtu vala jabhatu walla vala iidu,

¹⁰ huwa kamaan bishrab min xamr ghaḍab Allaah, al itkabba biduun laxbaṭa fi finjaan ghaḍabu. Wa bitvazzab be_n naar wa_l kibriit giddaam al malaaika al giddiisiin wa giddaam al Ḥamal.

¹¹ Wa duxaan vazaabum yamshi foog le_l abad. Wa maa vindahum raaḥa nahaar walla leel, deel al biyavbudu_l waḥash wa ṣanamu, wa kullu waaḥid al yagbal valaamat ismu.”

¹² Wa fi da yaẓhar ṣabr al giddiisiin, deel al biḥfaẓu awaamir Allaah wa iimaan be Yasuuv.

¹³ Wa simivta ṣoot min as sama yaguul, “Aktib: Mubaarakiin al meyyitiin, al bimuutu fi_r Rabb min hassav!” “Aiwa,” yaguul ar Ruuḥ, “valashaanum bistariiḥu min atvaabum, vashaan avmaalum biyatbavuuhum.”

ḤAṢAAD AL ARḌ

¹⁴ Wa bavdeen vaayanta wa shufta saḥaaba beeḍa. Wa huwa_l gannab vala_s saḥaaba kaan zei ibn insaan, wa vala raasu taaj min ad dahab, wa fi iidu manjal saniin.

¹⁵ Wa malaak taani marag min al heekal yakoorik be ṣoot vaali le_l gaavid vala_s saḥaaba, “Armi manjalak wa aḥṣud, vashaan saavat al ḥaṣaad jaat, vashaan ḥaṣaad al arḍ yibis.”

¹⁶ Wa_l gaavid vala_s saḥaaba rama manjalu foog al arḍ, wa ḥaṣaad al arḍ kaan maḥṣuud.

¹⁷ Wa malaak taani marag min al heekal al fi_s sama, wa hu kamaan vindu manjal saniin.

¹⁸ Bavdeen malaak taani marag min al maḍbaḥ. Wa hu kaan vindu sulṭa vala_n naar. Wa naada_l malaak al vindu al manjal as saniin be ṣoot vaali yaguul, “Armi manjalak as saniin, wa limm vanaagiid al vinab min karm al arḍ, vashaan vinaba biga najiiḍ.”

¹⁹ Wa_l malaak rama manjalu vala_l arḍ, wa jamav vinaba, wa ramaaha fi_l vaṣaara al kabiira bitaavat ghaḍab Allaah.

²⁰ Wa daasu_l vinab fi_l vaṣaara barra min al madiina. Wa damm marag min al vaṣaara wa mala_l waaṭa lighaayat maa waṣal le ḥadiid al lijaam bitaav al ḥuṣaan le masaafat miiteen miil tagriiban.