Ru’ya 10 - Kitaab al Vahd aj Jadid 1978

AL MALAAK WA_L KITAAB AṢ ṢAGHAIYIR

¹ Wa bavdeen shufta malaak taani gawwi naazil min as sama. Hu kaan malfuuf be saḥaaba, wa vala raasu goos saḥaab. Wa washshu zei ash shamish, wa kirveehu zei vamuudeen min naar.

² Wa fi iidu kitaab ṣaghaiyir maftuuḥ. Wa hu xaṭṭ kiraavu_l yamiin vala_l baḥar, wa_sh shimaal vala_l arḍ.

³ Wa koorak be ṣoot vaali zei ṣoot al asad. Wa lamma hu koorak, as sabva ruvuud itkallamu be aṣwaatum.

⁴ Wa lamma_s sabva ruvuud itkallamu, ana garrabta aktib. Laakin simivta ṣoot min as sama yaguul, “Xuṭṭ xitim vala_l ḥaajaat as sabva ruvuud itkallamu beeha, wa maa taktiba.”

⁵ Wa_l malaak al ana shuftu waagif vala_l baḥar wa vala_l arḍ rafav iidu_l yamiin le_s sama.

⁶ Wa hu ḥalaf beehu al biviish le_l abad, al xalag as sama wa kullu_l fiiha, wa_l arḍ wa kullu_l fiiha, wa_l baḥar wa kullu_l fiihu. Wa gaal, “Maa bikuun fih zaman bavd da!

⁷ Laakin fi_l aiyaam lamma al malaak as saabiv yagarrib yaḍrub be_l buug, fi_l wakit da, sirr Allaah bitimm, zei maa hu bashshar beehu xaddaamiinu_l anbiya.”

⁸ Bavdeen aṣ ṣoot al kunta simivtu min as sama kallamni marra taanya wa gaal, “Amshi wa uxud al kitaab al maftuuḥ fi iid al malaak al waagif vala_l baḥar wa vala_l arḍ.”

⁹ Wa masheet le_l malaak, wa sa’altu ’an yaddiini_l kitaab aṣ ṣaghaiyir. Wa hu gaal leiya, “Uxdu wa uklu, wa huwa biyavmil baṭnak murr, laakin fi xashmak bikuun ḥilu zei al vasal.”

¹⁰ Wa axadta_l kitaab aṣ ṣaghaiyir min iid al malaak wa akaltu. Wa fi xashmi kaan ḥilu zei al vasal, wa bavd maa akaltu, biga murr fi baṭni.

¹¹ Wa bavd da gaal leiya, “Waajib valeek titnabba taani marra van shuvuub wa umam wa lughaat wa muluuk kutaar.”