Matta 9 - Kitaab al Vahd aj Jadid 1978

YASUUV YASHFI AL MAFLUUJ

¹ Wa Yasuuv daxal murkab wa gaṭav al baḥar wa ja le madiinatu.

² Wa shuuf! jaabu leehu zool mafluuj, wa hu raagid fi birish. Wa lamma Yasuuv shaaf iimaanum, gaal le_l mafluuj, “Shidd ḥeelak, yaa waladi, xaṭaayaak maghfuura leek.”

³ Wa shuuf! bavḍ min muvallimiin al gaanuun gaalu fi nufuusum, “Ar raajil da yaguul kalaam baṭṭaal wa maa yaḥtarim Allaah.”

⁴ Laakin Yasuuv virif afkaarum wa gaal, “Le shinu titfakkaru fikr baṭṭaal fi guluubkum?

⁵ Yaatu haiyin, ’an yaguul, Xaṭaayaak maghfuura leek? walla yaguul, Guum, w_amshi?

⁶ Wa laakin ḥatta bitavrifu Ibn al insaan vindu sulṭa vala_l arḍ ’an yaghfir al xaṭaaya” . . . Bavdeen gaal le_l mafluuj, “Guum, shiil birshak, w_amshi le beetak.”

⁷ Wa_r raajil gaam wa masha le beetu.

⁸ Wa lamma_n naas shaafu da, istaghrabu wa majjadu Allaah al adda le_n naas sulṭa zei di.

IXTIYAAR MATTA

⁹ Wa wakit maa Yasuuv kaan yamshi min hinaak, shaaf raajil ismu Matta, wa hu gaavid fi_l makaan al bilimm fiihu_ḍ ḍariiba. Wa gaal leehu, “Atbavni.” Wa hu gaam wa tibivu.

¹⁰ Wa wakit maa kaan gaavid fi_ṭ ṭarabeeza fi_l beet, shuuf! naas bilimmu_ḍ ḍariiba wa xaaṭyiin kutaar jo wa gavadu mava Yasuuv wa mava talaamiizu.

¹¹ Wa lamma_l Farriisiyyiin shaafu da, gaalu le talaamiizu, “Le shinu Muvallimkum yaakul mava_n naas al bilimmu_ḍ ḍariiba wa_l xaaṭyiin?”

¹² Wa laakin lamma Yasuuv simiv, gaal leehum, “Ash shudaad maa yaḥtaaju le ḥakiim, laakin al vaiyaaniin.

¹³ Amshu wa itvallam al mavna da: Ana daayir raḥma, maa ḍabiiḥa. Vashaanni maa jiit vashaan anaadi_l kwaiyisiin laakin al xaaṭyiin.”

¹⁴ Bavdeen talaamiiz Yuuḥanna jo leehu wa gaalu, “Le shinu niḥna wa_l Farriisiyyiin naṣuum, wa laakin talaamiizak maa biṣuumu?”

¹⁵ Yasuuv gaal leehum, “(?) Naas al viris bigdaru yabku wakit maa al variis mavaahum? Al aiyaam bitaji lamma yashiilu_l variis minnahum. Fi_l wakit daak biṣuumu.

¹⁶ Maa fih zool bixuṭṭ ḥittat gumaash jadiid vala toob gadiim, fishaan ar rugvataaxud min at toob, wa_sh sharṭ bikuun akbar.

¹⁷ Wa kamaan maa bixuṭṭu xamra jadiida fi girba gadiima. Iza yavmilu kida, al girba titsharraṭ, wa_l xamra titdaffag wa_l girba taxsar. Laakin bixuṭṭu xamra jadiida fi girba jadiida, wa kida kullaha bitkuun maḥfuuẓa.”

BINT MEYYITA WA MARA VAIYAANA

¹⁸ Wa wakit maa kaan yakallimum be da, shuuf! waaḥid ra’iis garrab leehu wa rakav giddaamu wa gaal, “Binti maatat hassav di. Laakin tavaal wa xuṭṭ iidak valeeha wa hi bitaḥya.”

¹⁹ Wa Yasuuv gaam wa tibivu, hu wa talaamiizu.

²⁰ Wa shuuf! mara, ad damm kaan binzil minnaha le muddat iṭnaashar sana wa hiya kaanat tavbaana, jaat le Yasuuv min waraahu wa limsat ṭaraf toobu.

²¹ Vashaan gaalat fi nafsaha, “Iza balmas toobu bass, abga shadiida.”

²² Yasuuv itlafat wa shaafa wa gaal, “Shiddi ḥeelik, yaa binti, bigiiti ṭaiba vashaan iimaanik.” Wa_l mara bigat shadiida min as saava diik.

²³ Wa lamma Yasuuv ja le beet ar ra’iis wa shaaf al mizammiriin wa kooraak aj jamaava,

²⁴ gaal leehum, “Amshu, vashaan al bint maa meyyita laakin naayima.” Wa hum ḍiḥiku valeehu.

²⁵ Laakin lamma marragu_j jamaava, Yasuuv daxal wa axada be iida, wa_l bint gaamat.

²⁶ Wa_l xabar da shattat fi_l arḍ diik kullaha.

YASUUV YASHFI AL VAMYAANEEN WA_L ABKAM

²⁷ Wa wakit maa Yasuuv kaan maashi min hinaak, vamyaaneen tibivoohu yakooriku wa yaguulu, “Warriina raḥmatak, yaa Ibn Daawuud.”

²⁸ Wa lamma daxal al beet, al vamyaaneen garrabu leehu. Wa Yasuuv gaal leehum, “Taṣaddigu ana bagdar avmil da?” Gaalu leehu, “Aiwa, yaa Rabb.”

²⁹ Bavdeen limis vuyuunum wa gaal, “Zei iimaankum yakuun leekum.”

³⁰ Wa vuyuunum infataḥu. Wa Yasuuv kallamum be guwwa wa gaal, “Shuufu, maa taxallu waaḥid bivrif da.”

³¹ Laakin hum maragu wa xabbaru beehu fi kull al arḍ di.

³² Wa wakit maa kaanu maashiin, shuuf! zool maa bigdar yitkallam wa kaan fiihu sheeṭaan, jaaboohu le Yasuuv.

³³ Wa bavd maa ṭallav ash sheeṭaan, al abkam itkallam. Wa_n naas istaghrabu wa gaalu, “Ḥaaja zei di maa shaafooha abadan fi Israa’iil.”

³⁴ Laakin al Farriisiyyiin gaalu, “Hu biṭalliv ash sheyaaṭiin be ra’iis ash sheyaaṭiin.”

³⁵ Wa Yasuuv kaan bimshi fi kull al mudun wa_l bilaad, wa yavallim fi biyuut ar Rabb wa yabashshir be bishaarat al malakuut, wa yashfi kullu vaya wa kullu maraḍ fi_n naas.

³⁶ Wa lamma shaaf aj jumuuv, kaan vindu raḥma leehum fi galbu, vashaan kaanu tavbaaniin wa kaanu biduun musaavada zei xirfaan biduun raavi.

³⁷ Bavdeen gaal le talaamiizu, “Fih dura katiir fi_z ziraava jaahza, laakin ash shaghghaaliin galiiliin.

³⁸ Wa vala kida, aṭlubu min Rabb az ziraava vashaan yarassil shaghghaaliin le ḥaṣaadu.”