Matta 8 - Kitaab al Vahd aj Jadid 1978

AR RAAJIL AL VINDU JIZAAM

¹ Wa lamma nazal min aj jabal, naas katiiriin tibivoohu.

² Wa shuuf! waaḥid vindu_j jizaam garrab leehu wa rakav giddaamu wa gaal, “Yaa Rabb, iza vaawiz, tagdar tanaḍḍifni.”

³ Wa Yasuuv madda iidu wa lamasu wa gaal: “Ana vaawiz. Kuun naḍiif.” Wa ṭawwaali biga naḍiif min jizaamu.

⁴ Wa Yasuuv gaal leehu, “Shuuf maa taguul ḥaaja le aiyi waaḥid. Wa laakin amshi, warri nafsak le_l gassiis, wa gaddim al hadiyya al amar beeha Muusa zei shahaada leehum.”

IIMAAN RA’IIS AJ JEESH

⁵ Wa lamma daxal Kafranaaḥuum, ra’iis aj jeesh garrab leehu wa ṭalab minnu

⁶ wa gaal, “Yaa Rabb, xaddaami raagid fi_l beet wa hu mafluuj, wa vindu wajav shadiid.”

⁷ Wa Yasuuv gaal leehu, “Ana baji wa bashfiihu.”

⁸ Wa laakin ra’iis aj jeesh radda valeehu wa gaal, “Yaa Rabb, ana maa vindi sharaf kifaaya vashaan inta tadxul tiḥit raas beeti. Laakin guul kilma bass, wa xaddaami bikuun ṭaiyib.

⁹ Vashaan ana kamaan raajil tiḥit as sulṭa, wa vindi vasaakir tiḥit sulṭati. Aguul le da, Amshi, wa hu yamshi, wa le taani, Tavaal, wa hu yaji, wa le xaddaami, Avmil da, wa hu yavmilu.”

¹⁰ Wa lamma Yasuuv simivu, istaghrab, wa gaal le_n naas al kaanu yatbavuuhu, “Al ḥagg aguul leekum, ana maa ligiit wa laa waaḥid fi Israa’iil vindu iimaan zei da.

¹¹ Wa aguul leekum, naas kutaar biju min ash sharg wa min al gharb wa biyagvudu mava Ibraahiim wa Is‐ḥaag wa Yavkuub fi malakuut as sama.

¹² Wa laakin awlaad al malakuut, birmuuhum barra fi_ḍ ḍulumma. Hinaak biyabku wa bivaḍḍu_l asnaan.”

¹³ Bavdeen Yasuuv gaal le ra’iis aj jeesh, “Amshi. Bikuun leek zei maa ṣaddagta.” Wa_l xaddaam biga ṭaiyib fi nafs al wakit da.

¹⁴ Wa lamma Yasuuv ja le beet Buṭrus, shaaf umm al mara bitaavat Buṭrus raagda fi_s sariir wa vindaha ḥumma.

¹⁵ Wa lamas iida, wa_l ḥumma xallata. Wa hiya gaamat wa bigat taxdimu.

¹⁶ Wa fi_l misa jaabu leehu katiiriin kaanu beehum sheyaaṭiin. Wa hu ṭallav ash sheyaaṭiin be kilma, wa shafa kull al vaiyaaniin,

¹⁷ vashaan yatimm al kalaam al gaal an nabi Ishavyaa, “Hu axad kullu ḥaaja al bitxalliina ḍaviifiin, wa shaal al vaya bitaavatna.”

¹⁸ Wa lamma Yasuuv shaaf naas kutaar ḥawlu, amarum yamshu le ṭarf al baḥar be jaai.

¹⁹ Wa muvallim al gaanuun garrab leehu wa gaal, “Yaa Muvallim, ana batbavak le aiyi maḥall al inta tamshi leehu.”

²⁰ Wa Yasuuv gaal leehu, “At tavaalib vindahum maḥallaat an noom, wa ṭuyuur as sama vindahum maḥallaat kamaan, laakin Ibn al insaan maa vindu maḥall yaxuṭṭ raasu fiihu.”

²¹ Wa zool taani min talaamiizu gaal leehu, “Yaa Rabb, xalliini amshi fi_l awwal w_adfin abuui.”

²² Wa laakin Yasuuv gaal leehu, “Atbavni, wa xalli_l meyyitiin yadfinu meyyitiinum.”

YASUUV YASAKKIT AL HABUUB

²³ Bavdeen daxal al murkab, wa talaamiizu tibivoohu.

²⁴ Wa shuuf! jaat habuub shadiida fi_l baḥar lighaayat maa al mooya mashat foog al murkab. Laakin Yasuuv kaan naayim.

²⁵ Wa_t talaamiiz garrabu leehu wa gawwamu min an noom wa gaalu, “Xalliṣna, yaa Rabb. Niḥna maashiin namuut!”

²⁶ Wa hu gaal leehum, “Yaa naas al iimaankum naagiṣ, intu xaayfiin le shinu?” Bavdeen gaam wa amar al habuub wa_l baḥar be shidda, wa hum sakatu be_t tamaam.

²⁷ Wa_n naas istaghrabu wa gaalu, “Minu al insaan da! Lighaayat al habuub wa_l baḥar yasmavu le kalaamu!”

²⁸ Wa lamma wiṣil le_ṭ ṭarf at taani fi balad aj Jadariyyiin, raajleen al kaanu fiihum sheyaaṭiin gaabaloohu, wa hum jaaiyiin min al gubuur. Wa kaanu mitwaḥḥishiin xaaliṣ. Valashaan kida, maa fih waaḥid kaan bigdar bifuut be_s sikka diik.

²⁹ Wa shuuf! kooraku wa gaalu, “Inta vaawiz shinu mavaana? yaa Ibn Allaah. Jiit hina vashaan tatavvibna gubbaal al wakit?”

³⁰ Wa kaan baviid minnahum muraaḥ kadaariik katiira biyaakul.

³¹ Wa_sh sheyaaṭiin ṭalabu min Yasuuv wa gaalu, “Iza kaan taṭrudna, rassilna le muraaḥ al kadaariik.”

³² Wa gaal leehum, “Amshu!” Vashaan kida, ṭalavu wa daxalu fi_l kadaariik. Wa shuuf! al muraaḥ kullu wagav min aṭ ṭarf le_l baḥar, wa maat fi_l mooya.

³³ Laakin ar ruvaat harabu, wa mashu le_l madiina wa xabbaru be kullu shi, wa be kullu shi al ḥaṣal le_r rujaal al kaanu fiihum ash sheyaaṭiin.

³⁴ Wa shuuf! kullu naas al balad maragu vashaan yagaabilu Yasuuv. Wa lamma shaafoohu, ṭalabu minnu yasiib baladum.