Matta 7 - Kitaab al Vahd aj Jadid 1978

ḤUKM VALA_T TAANYIIN

¹ Maa taḥkumu vala naas taanyiin, vashaan hum kamaan maa yaḥkumu valeekum.

² Valashaan be zaat al ḥukm al intu taḥkumu vala_t taanyiin, hum kamaan biyaḥkumu valeekum. Wa_l keela_l intu tadduuha, bitkuun al keela al hum bidduukum.

³ Le shinu bitshuuf al ḥitta_ṣ ṣaghaira al fi veen axuuk, wa laakin maa bitshuuf al xashaba_l kabiira al fi veenak?

⁴ Walla, keef taguul le axuuk, Xalliini aṭalliv al ḥitta_ṣ ṣaghaira min veenak, lamma takuun fih al xashaba_l kabiira fi veenak?

⁵ Yaa manaafig, fi_l awwal ṭalliv al xashaba_l kabiira min veenak, wa bavdeen bitshuuf kwaiyis keef taṭalliv al ḥitta_ṣ ṣaghaira min veen axuuk.

⁶ Maa taddu le_l kilaab al ḥaaja_l magaddasa, wa maa tarmu luuliikum giddaam al kadruuk, vashaan maa yaduusuuha be agdaamum wa yitlafatu wa yasharriṭkum.

⁷ As’alu wa hu biddiikum. Aṭlubu wa bitalgu. Duggu wa hu biftaḥ al baab leekum.

⁸ Vashaan kull al bis’al biyaaxud, wa_l biṭlub bilga, wa_l bidugg hu biftaḥ leehu.

⁹ Walla, yaatu fiikum iza waladu yaṭlub minnu veesh, yaddiihu ḥajar?

¹⁰ Walla iza biṭlub minnu samaka, biddiihu dabiiba?

¹¹ Kida iza intu al baṭṭaaliin tavrifu keef taddu awlaadkum hadaaya kwaisa, (?) kam yakuun Abuukum al fi_s sama aḥsan, al yaddi hadaaya katiira leekum al yas’aluuhu?

¹² Vashaan kida, kull al intu vaawiziin an naas biyavmilu leekum, avmilu intu zei da leehum, vashaan da huwa al gaanuun wa kalaam al anbiya.

¹³ Adxulu min al baab aḍ ḍaiyig, vashaan al baab waasiv, wa_s sikka maa ṣavba al bisuugu le_l xaraab, wa hum al bidxulu minnu katiiriin.

¹⁴ Vashaan al baab ḍaiyig wa_s sikka ṣavba al bisuugu le_l ḥayaat, wa hum al bilguuha galiiliin.

SHAJARA WA TAMARA

¹⁵ Xallu baalkum min al anbiya al kaḍḍaabiin, al bijuukum be hiduum al xirfaan, wa laakinnahum min juwwa marfaviin javaaniin jiddan.

¹⁶ Min tamarum bitavrifuuhum. An naas yalimmu_l vinab min shajar ash shook? walla yalimmu_t tiin min shajar al ghaaba?

¹⁷ Kida, kullu shajara kwaisa tajiib tamar kwaiyis, wa laakin ash shajara al baṭṭaala tajiib tamar baṭṭaal.

¹⁸ Shajara kwaisa maa tagdar tajiib tamar baṭṭaal, wa shajara baṭṭaala maa tagdar tajiib tamar kwaiyis.

¹⁹ Kullu shajara maa tajiib tamar kwaiyis yagṭavuuha wa yarmuuha fi_n naar.

²⁰ Wa kida, bitavrifuuhum min at tamar bitaavum.

²¹ Mush kullu waaḥid al biguul leiya, Yaa Rabb, yaa Rabb, bidxul malakuut as sama, laakin bass hu al biyavmil zei maa vaawiz abuui al fi_s sama.

²² Fi_l yoom daak, naas katiiriin biguulu leiya, Yaa Rabb, yaa Rabb, maa bashsharna b_ismak? wa maa ṭallavna sheyaaṭiin b_ismak? wa maa vamalna avmaal katiira be gudra b_ismak?

²³ Wa bavdeen bakallimum, Maa viriftakum abadan. Amshu minni, intu_l bitavmilu_l xaṭiyya.

AL BANNAAYIIN ASH SHAAṬRIIN WA_L BALIIDIIN

²⁴ Kull al bismav kalaami da wa biyavmil beeha, bikuun zei raajil shaaṭir bana beetu vala_l ḥajar.

²⁵ Wa_l maṭar nazal wa mala_l waaṭa. Wa_l habuub habbat wa ḍarabat al beet daak. Wa laakin al beet maa wagav, vashaan kaan asaasu vala_l ḥajar.

²⁶ Wa kull al bismav kalaami da wa maa biyavmil beeha, bikuun zei zool baliid bana beetu vala_r ramla.

²⁷ Wa_l maṭar nazal wa mala_l waaṭa. Wa_l habuub habbat wa ḍarabat al beet daak, wa_l beet wagav, wa_l wuguuv kaan kabiir.”

²⁸ Wa lamma Yasuuv xallaṣ al kalaam da, an naas istaghrabu min tavliimu,

²⁹ vashaannu kaan bivallimum zei al kaan vindu sulṭa, wa maa zei muvallimiin al gaanuun.