Matta 6 - Kitaab al Vahd aj Jadid 1978

AL HADAAYA, AṢ ṢALA WA_Ṣ ṢOOM

¹ Xallu baalkum vashaan maa tavmilu ash shughl al kwaiyis giddaam an naas vashaan bishuufuukum, vashaan kaan tavmilu kida, maa bitkuun vindakum ujra min Abuukum al fi_s sama.

² Wa kida, lamma taddi le_l masaakiin, maa taḍrub giddaamak be_l buug zei maa yavmilu_l manaafigiin fi biyuut ar Rabb wa fi_s sikak, vashaan an naas bishkuruukum. Be_l ḥagg aguul leekum, hum axadu_l ujra bitaavatum.

³ Wa laakin inta lamma taddi ḥaaja le_l masaakiin, maa taxalli shimaalak tavrif ash shughl al yamiinak bitavmil,

⁴ valashaan al inta taddiihu yakuun be_s sirr. Wa Abuuk al yashuuf fi_s sirr birajjiv leek kwaiyis.

⁵ Wa lamma taṣallu, maa takuunu zei al manaafigiin, valashaan hum biḥibbu yaṣallu waagfiin fi biyuut ar Rabb wa fi maḥall faaḍi jamb as sikak vashaan an naas yashuufuuhum. Be_l ḥagg aguul leekum, hum axadu_l ujra bitaavatum.

⁶ Wa laakin inta lamma taṣalli, adxul beetak, w_agfil baabak, wa ṣalli le Abuuk al fi_s sirr. Wa Abuuk al yashuuf fi_s sirr birajjiv leek kwaiyis.

⁷ Wa fi ṣalawaatkum, maa titkallamu kalaam katiir saakit zei maa yavmilu naas ad dunya, valashaan yaftakiru Allaah yasmavum be kalaamum al katiir.

⁸ Maa takuunu zeiyahum, vashaan Abuukum yavrif at taḥtaaju leehu gubbaal maa taṭlubuuhu.

⁹ Vashaan kida ṣallu zei da: Abuuna_l fi_s sama, Xalli ismak yakuun gudduus.

¹⁰ Xalli malakuutak biji. Xalli iraadatak takuun fi_d dunya zei maa takuun iraadatak fi_s sama.

¹¹ An nahaar da addiina al veesh al yoomi bitaavna.

¹² W_aghfir leena xaṭaayaana zei maa niḥna kamaan ghafarna le_l yaxṭu leena.

¹³ Wa maa tadaxxilna fi tajriba, wa laakin xalliṣna min ash sharriir.

¹⁴ Valashaan iza taghfiru le_n naas xaṭaayaahum, Abuukum al fi_s sama bighfir leekum kamaan.

¹⁵ Wa laakin iza maa taghfiru le_n naas xaṭaayaahum, Abuukum kamaan maa bighfir leekum xaṭaayaakum.

¹⁶ Wa lamma taṣuumu, maa tawarru nufuuskum zei naas tavbaaniin, zei maa yavmilu_l manaafigiin, vashaanum bighayyiru washshum vashaan an naas bishuufu ’innahum yaṣuumu. Be_l ḥagg aguul leekum, vindahum ujratum.

¹⁷ Wa laakin lamma inta taṣuum, amsaḥ raasak wa ghassil washshak,

¹⁸ vashaan an naas maa bishuufu inta taṣuum, wa laakin Abuuk al fi_s sirr bishuuf. Wa abuuk al bishuuf fi_s sirr biddiik ujra.

KUNUUZ FI_S SAMA

¹⁹ Maa taxzinu le nufuuskum ḥaajaat ghaalya vala_l arḍ, al bakaan al fiihu as suus wa_ṣ ṣada yaakluuha, wa_l ḥaraamiyya yadxulu be_l guwwa wa yasrigu.

²⁰ Wa laakin axzinu le nufuuskum ḥaajaat ghaalya fi_s sama, al bakaan al fiihu, as suus wa_ṣ ṣada maa yaakluuha, wa_l ḥaraamiyya maa yadxulu be_l guwwa wa yasrigu.

²¹ Vashaan al bakaan al fiihu ḥaajaatkum al ghaalya, hinaak galbak bikuun fih kamaan.

²² Lambat aj jism, hiya_l veen. Vashaan kida iza kaan veenak basiiṭa, jismak kullu yakuun malyaan nuur.

²³ Wa laakin iza kaan veenak maa basiiṭa, jismak kullu yakuun malyaan ḍalaam. Wa kida, iza kaan an nuur al vindak bikuun ḍalaam, kam bikuun aḍ ḍalaam.

²⁴ Waaḥid maa yagdar yaxdim saiyideen, vashaan yaa bikrah al waaḥid wa biḥibb at taani, walla bimsik al waaḥid wa biyaaba at taani. Maa tagdaru taxdimu Allaah wa_l maal.

²⁵ Valashaan kida aguul leekum, maa tafakkiru katiir le ḥayaatkum, bitaaklu shinu wa bitashrabu shinu, walla le ajsaamkum, bitalbasu shinu. Al ḥayaat mush aḥsan min al akl? Wa_j jism mush aḥsan min al hiduum?

²⁶ Shuufu ṭuyuur as sama, hum maa bizravu wa maa bigṭavu_d dura, wa maa bilimmu fi_l maxaazin, wa laakin Abuukum al fi_s sama yaddiihum akil. Intu maa aḥsan minnahum be katiir?

²⁷ Wa minu minnakum iza bifakkir katiir yagdar yaziid ṭuul ḥayaatu be dagiiga waaḥda?

²⁸ Wa le shinu tafakkiru katiir fi_l hiduum? Shuufu zuhuur al xala keef biguumu. Maa bitvabu wa maa yaxayyiṭu.

²⁹ Wa laakin aguul leekum, Suleemaan nafsu fi kullu majdu maa kaan yalbas hiduum zei waaḥda min deel.

³⁰ Wa laakin iza kaan Allaah yalabbis zei da geshsh al xala, al yakuun fih an nahaar da wa bukra birmuuhu fi_l furn, keef maa daayir aktar ’an yalabbiskum intu, yaa galiiliin al iimaan?

³¹ Valashaan kida, maa tafakkiru katiir wa taguulu, Naakul shinu? walla, Nashrab shinu? walla, Nalbas shinu?

³² Valashaan naas ad dunya yafattishu vala kull al ḥaajaat deel. Wa Abuukum al fi_s sama biyavrif intu taḥtaaju le deel kullu.

³³ Laakin fi_l awwal, aṭlubu malakuut Allaah wa birru, wa kull al ḥaajaat deel bijuukum ziyaada.

³⁴ Valashaan kida maa tafakkiru katiir be bukra, vashaan bukra bititfakkar be nafsa. Xalli humuum al yoom takuun kifaaya le_l yoom.