Matta 4 - Kitaab al Vahd aj Jadid 1978

TAJRIBAT YASUUV

¹ Bavdeen ar Ruuḥ saag Yasuuv le_l xala valashaan Ibliis yajarribu.

² Wa bavd maa ṣaam arbaviin yoom wa arbaviin leela, hu kaan jaavaan.

³ Wa_l mujarrib garrab leehu wa gaal, “Iza inta Ibn Allaah, addi amr le_l ḥujaar deel ’an yabgu veesh.”

⁴ Laakin hu radda wa gaal leehu, “Maktuub fi_l Kitaab, Al insaan maa yaviish be_l veesh bass, laakin be kullu kilma al bitaṭlav min xashm Allaah.”

⁵ Bavdeen Ibliis axadu le_l madiina al magaddasa, wa xaṭṭaahu foog maḥall vaali fi_l heekal.

⁶ Wa gaal leehu, “Iza inta Ibn Allaah, armi nafsak le tiḥit, valashaan maktuub, Yaamur malaaikatu be xuṣuuṣak, wa maktuub, Hum birfavuuk vala iideehum, vashaan rijlak maa tadugg ḥajar.”

⁷ Yasuuv gaal leehu, “Maktuub kamaan, Maa tajarrib ar Rabb Ilaahak.”

⁸ Marra taanya Ibliis axadu le jabal vaali jiddan wa warraahu mamaalik ad dunya kullaha wa_l majd bitaavta.

⁹ Wa gaal leehu, “Baddiik kullu da iza bitarkav wa bitavbudni.”

¹⁰ Bavdeen Yasuuv gaal leehu, “Amshi, yaa Sheeṭaan, vashaan maktuub, Avbud ar Rabb Ilaahak, W_ishtaghil leehu bass.”

¹¹ Bavdeen Ibliis saabu. Wa shuuf, malaaika jo wa saavadoohu.

YASSUUV YABTADI YABASHSHIR

¹² Wa lamma Yasuuv simiv ’an Yuuḥanna kaan maḥbuus, masha minnahum le_j Jaliil.

¹³ Wa xalla_n Naaṣira, wa masha wa gavad fi Kafranaaḥuum aj jamb al baḥar fi ṭarf Zabuuluun wa Naftaali,

¹⁴ vashaan yatimm al kalaam al gaal an nabi Ishavyaa,

¹⁵ “Arḍ Zabuuluun wa arḍ Naftaali, Ṭariig al baḥar, aṭ ṭarf at taani min al Urdunn, Jaliil naas ad dunya.

¹⁶ An naas al kaanu gaavidiin fi_ḍ ḍalaam shaafu nuur kabiir, wa le_l gaavidiin fi maḥall al moot wa ḍullu, an nuur itnawwar.”

¹⁷ Min al wakit daak Yasuuv ibtada yabashshir, wa yaguul, “Tuubu, valashaan malakuut as sama gariib.”

IXTIYAAR AT TALAAMIIZ AL AWWALAANIYYIIN

¹⁸ Wa wakit maa Yasuuv kaan maashi vind baḥar aj Jaliil, shaaf axween, Simvaan al ismu Buṭrus, wa Andaraawus axuuhu. Kaanu yarmu shabaka fi_l baḥar, fishaan kaanu ṣaiyaadeen.

¹⁹ Wa hu gaal leehum, “Tavaalu waraai, wa ana bavmilkum ṣaiyaadeen an naas.”

²⁰ Ṭawwaali xallu shabakaatum wa tibivoohu.

²¹ Wa masha min hinaak wa shaaf axween taanyiin, Yavkuub ibn Zabadi wa Yuuḥanna axuuhu, fi_l murkab mava Zabadi abuuhum. Kaanu gaavidiin biṣalliḥu shabakaatum. Wa hu naadaahum.

²² Ṭawwaali xallu murkabum wa abuuhum, wa tibivoohu.

YASUUV YASHFI AL AIYAANIIN

²³ Wa Yasuuv kaan maashi fi kull aj Jaliil, wa bivallim fi biyuut ar Rabb, wa bibashshir bishaarat al malakuut, wa yashiil kullu vaya minnahum wa kullu ḍuvf fi wasṭ an naas.

²⁴ Wa_l xabar vannu masha le kullu Suuriyya. Wa jaabu leehu kull al vaiyaaniin, wa_l vindahum amraaḍ min kullu nuuv, wa awjaav, wa_l fiihum sheyaaṭiin, wa_n naas al vindahum al vaya al birmuuhum, wa_l mafluujiin. Wa vamalum ṭaiyibiin.

²⁵ Wa naas katiiriin tibivoohu min aj Jaliil wa_l Vashara Mudun, wa Uurushaliim wa_l Yahuudiyya wa min foog al Urdunn.