Matta 23 - Kitaab al Vahd aj Jadid 1978

SABVA MAṢAAYIB

¹ Bavdeen Yasuuv gaal le_j jumuuv wa le talaamiizu,

² “Muvallimiin al gaanuun wa_l Farriisiyyiin yagvudu vala kursi Muusa.

³ Valashaan da, laazim tavmilu kullu shi al hum biguulu leekum, w_aḥfaẓuuhu. Wa laakin maa tavmilu zei maa hum yavmilu, vashaan hum yaguulu, wa maa yavmilu.

⁴ Hum yarbuṭu aḥmaal tagiila, wa yaxuṭṭuuha vala aktaaf an naas. Laakin hum maa vaawiziin yaḥarrikum be iidum.

⁵ Kullu shi al yavmiluuhu, yavmiluuhu vashaan an naas yashuufuuhum. Wa yalbasu valaama variiḍa fi raasum maktuuba fooga kilmaat Allaah. Wa yavmilu ṭaraf variiḍ vala hiduumum.

⁶ Wa biḥibbu_l maḥall ash shariif fi_l vazuuma, wa_l karaasi_sh shariifa fi buyuut ar Rabb,

⁷ wa yaḥibbu_s salaamaat fi_l aswaag, wa yaḥibbu_n naas yasammuuhum saiyid.

⁸ Laakin maa taxallu_n naas yasammuukum saiyid, valashaan Muvallimkum waaḥid bass, wa kullakum axwaan.

⁹ Wa maa tasammu aiyi waaḥid abu vala_l arḍ, vashaan Abuukum waaḥid bass, wa hu fi_s sama.

¹⁰ Wa kamaan maa taxallu_n naas yasammuukum ra’iis, fishaan Ra’iiskum waaḥid bass, wa huwa_l Masiiḥ.

¹¹ Wa_z zool al akbar beenkum huwa bikuun xaddaamkum.

¹² Az zool al yarfav nafsu, bixuṭṭuuhu tiḥit. Wa_l yaxuṭṭ nafsu tiḥit, bikuun marfuuv.

¹³ Wa laakin ḥuzn leekum, yaa muvallimiin al gaanuun wa_l Farriisiyyiin, yaa manaafigiin! valashaan intu bitagfilu malakuut as sama giddaam an naas. Vashaan intu nufuuskum maa tadxulu, wa laa taxallu_n naas ad daaxiliin yadxulu.

¹⁴ Ḥuzn leekum, yaa muvallimiin al gaanuun wa_l Farriisiyyiin, al manaafigiin, vashaan intu taaklu buyuut an niswaan ar rujaalum maatu, wa taṣallu ṣala ṭawiila be_l ghishsh. Valashaan kida, bitagbalu ḥukm akbar.

¹⁵ Ḥuzn leekum, yaa muvallimiin al gaanuun wa_l Farriisiyyiin, al manaafigiin! vashaan tagṭavu_l baḥar wa_l arḍ vashaan tarajjivu zool waaḥid le Allaah. Wa lamma yarjav, tavmiluuhu walad le jahannam aktar minnakum marrateen.

¹⁶ Ḥuzn leekum, yaa naas al vamyaaniin al biguudu_n naas. Intu bitguulu, Iza kaan waaḥid yaḥlif be_l maḥall al gudduus, da maa ḥaaja. Wa laakin iza yaḥlif be dahab al maḥall al gudduus, laazim yavmil zei maa ḥalafu.

¹⁷ Yaa ghushaam wa_l vaamyaaniin, yaatu akbar, ad dahab? walla_l maḥall al gudduus al yavmil ad dahab magaddas?

¹⁸ Wa bitguulu, Al yaḥlif be maḥall aḍ ḍabiiḥa, da maa ḥaaja. Laakin al yaḥlif be_l hadiyya al foog maḥall aḍ ḍabiiḥa, laazim yavmil zei maa ḥalafu.

¹⁹ Yaa vaamyaaniin! Yaatu akbar? Al hadiyya? walla maḥall aḍ ḍabiiḥa al yagaddis al hadiyya?

²⁰ Vala kida, al yaḥlif be maḥall aḍ ḍabiiḥa yaḥlif beehu, wa be kullu shi valeehu.

²¹ Wa_l yaḥlif be_l maḥall al gudduus, yaḥlif beehu wa be_s saakin fiihu.

²² Wa_l yaḥlif be_s sama, yaḥlif be kursi Allaah wa be_l gaavid valeehu.

²³ Ḥuzn leekum, yaa muvallimiin al gaanuun wa_l Farriisiyyiin, al manaafigiin! vashaan intu taddu_l waaḥid fi vashara min buhaaraatkum, an navnaav wa_sh shibitt wa_l kammoon, wa laakin taxallu_l ḥaajaat al ahamma min deel fi_l gaanuun, yavni al vadl wa_r raḥma wa_l iimaan. Laazim tavmilu di, wa maa taxallu diik.

²⁴ Yaa naas al vamyaaniin al biguudu_n naas! Intu bitgharbalu_l bavuuda wa bitablavu_j jamal!

²⁵ Ḥuzn leekum, yaa muvallimiin al gaanuun wa_l Farriisiyyiin, al manaafigiin! Intu bitnaḍḍifu_l finjaan wa_ṣ ṣahan min barra, wa laakin min juwwa hum malyaaniin ṭamav wa maḥabbat an nafs.

²⁶ Yaa Farriisi_l vamyaan, naḍḍif al finjaan wa_ṣ ṣaḥan min juwwa fi_l awwal, vashaan bavdeen hum bikuunu nuḍaaf min barra kamaan.

²⁷ Ḥuzn leekum, yaa muvallimiin al gaanuun wa_l Farriisiyyiin, al manaafigiin! Vashaaan intu zei gubuur mubeyyaḍiin. Tabeyyin jamiila min barra, laakin hiya min juwwa malyaana viḍaam an naas al maatu wa kullu wasaaxa.

²⁸ Zei da, intu kamaan min barra bitbeyyinu zei al baarriin le_n naas, wa laakinnakum min juwwa malyaaniin min nifaag, wa vamal baṭṭaal.

²⁹ Ḥuzn leekum, yaa muvallimiin al gaanuun, al manaafigiin! Vashaan intu tabnu gubuur al anbiya wa tazeyyinu_l maḥallaat al yadfinu fiihu_l baarriin.

³⁰ Wa taguulu, Iza niḥna kunna vishna fi aiyaam abahaatna, niḥna maa kunna sharakna mavaahum fi_d damm aj jara min al anbiya.

³¹ Kida, intu tash‐hadu vala nufuuskum ’innakum awlaad an naas al katalu_l anbiya.

³² Kida, amlu intu giyaas zanb abahaatkum.

³³ Yaa dabaayib, yaa awlaad al ḥayyaat, keef bitahrabu min ḥukm jahannam?

³⁴ Valashaan da, arassil leekum anbiya wa naas faahmiin wa muvallimiin al gaanuun. Wa bavḍ minnahum intu bitaktuluuhum wa bitaṣlubuuhum, wa bavḍ minnahum bitajliduuhum fi biyuut ar Rabb wa bitaṭruduuhum min balad le balad.

³⁵ Wa kida, kullu damm al baarriin aj jara vala_l arḍ biji valeekum, min damm Haabiil al baarr le damm Zakariyya ibn Baraxiyya al intu kataltuuhu been al maḥall al gudduus wa maḥall aḍ ḍabiiḥa.

³⁶ Aguul leekum al ḥagg, kullu da biji vala naas az zaman da.

³⁷ Yaa Uurushaliim, yaa Uurushaliim, al bitaktul al anbiya wa_l bitarmi ḥijaara foog an naas al murassaliin leekum. Kam marra kunta vaawiz alimm awlaadik, zei maa aj jidaada talimm aj jana bitaava tiḥit jinḥeeha. Wa laakin intu abeetu.

³⁸ Shuufu! Beetkum bikuun xarbaan.

³⁹ Aguul leekum, intu maa bitshuufuuni taani lighaayat maa taguulu, Mubaarak huwa al biji b_ism ar Rabb.”