Matta 22 - Kitaab al Vahd aj Jadid 1978

MASAL VAZUUMAT AL VIRS

¹ Wa Yasuuv kallamum marra taanya be amsaal wa gaal,

² “Malakuut as sama zei malik jahhaz vazuumat virs le waladu.

³ Wa rassal xaddaamiinu yanaadu_l mavzuumiin le_l vazuuma. Wa laakin hum abu yaju.

⁴ Wa hu rassal xaddaamiin taanyiin, wa gaal leehum, Guulu le_l mavzuumiin, Shuufu, ana jahhazta al ghada. Ḍabaḥta teeraani wa_l bagar as samiin, wa kullu shi jaahiz. Tavaalu le_l virs.

⁵ Wa laakin maa xallu baalum min al kalaam, wa mashu, waaḥid le ziraavatu, wa taani le shughlu.

⁶ Wa_l baagiin masaku xaddaamiinu wa shatamoohum wa kataloohum.

⁷ Wa_l malik biga zavlaan jiddan, wa rassal jeeshu wa katal an naas deelaak al katalu xaddaamiinu, wa ḥarag madiinatum.

⁸ Bavdeen gaal le xaddaamiinu, ‘Vazuumat al virs jaahiza, wa laakin al mavzuumiin maa mustaḥiggiin.

⁹ Vashaan kida, amshu le_s sikak al kabiira, wa kull al bitalguuhum hinaak, naaduuhum.’

¹⁰ Wa_l xaddaamiin deelaak maragu le_s sikak, wa lammu kull an naas al ligoohum, al baṭṭaaliin wa_l kwaiyisiin. Wa maḥall al virs kaan malyaan be_ḍ ḍuyuuf.

¹¹ Wa laakin lamma_l malik daxal vashaan yashuuf aḍ ḍuyuuf, shaaf zool hinaak maa kaan laabis hiduum al virs.

¹² Wa gaal leehu, ‘Yaa ṣaaḥib, keef daxalta hina biduun maa talbas hiduum al virs?’ Wa hu sakat.

¹³ Bavdeen al malik gaal le_l xaddaamiin, Arbuṭu iideehu wa kirveehu, wa armuuhu barra fi_ḍ ḍulumma. Hinaak biyabku wa bivaḍḍu_l asnaan.

¹⁴ Vashaan hu yanaadi naas kutaar, laakin yaxtaar naas galiiliin.”

AḌ ḌARIIBA LE GEEṢAR

¹⁵ Bavdeen al Farriisiyyiin mashu wa itkallamu mava bavḍ keef yamsikuuhu be kalaamu.

¹⁶ Wa hum rassalu leehu talaamiizum mava al Hiiruudiisiin. Wa hum gaalu, “Yaa Muvallim, niḥna vaarfiin inta taguul al ḥagg, wa tavallim sikkat Allaah be_l ḥagg. Wa inta maa taghayyir kalaamak vashaan fikr an naas, valashaanak maa tavmil farig been an naas.

¹⁷ Vashaan da, kallimna. Taftakir shinu? Huwa be_l gaanuun ’an nadfav aḍ ḍariiba le Geeṣar walla laa?”

¹⁸ Laakin Yasuuv virif fikrum al baṭṭaal, wa gaal, “Yaa manaafigiin, le shinu tajarribuuni?

¹⁹ Warruuni girish aḍ ḍariiba.” Jaabu leehu girish.

²⁰ Wa sa’alum wa gaal, “Ṣuurat minu valeehu? Wa kitaabat minu?”

²¹ Gaalu leehu, “Bitaavat Geeṣar.” Bavdeen gaal leehum, “Addu le Geeṣar ḥaajaat Geeṣar, w_addu le Allaah ḥaajaat Allaah.”

²² Wa lamma simivu da, istaghrabu. Wa xalloohu wa maragu.

AZ ZAWAAJ FI_L GIYAAMA

²³ Fi nafs al yoom, aṣ Ṣadduugiyyiin garrabu leehu, hum al biguulu maa fih giyaama. Wa sa’aloohu wa gaalu,

²⁴ “Yaa Muvallim, Muusa gaal, iza zool bimuut wa maa vindu awlaad, axuuhu laazim yitzawwaj maratu wa yajiib awlaad le axuuhu.

²⁵ Wa kaanu fih sabva axwaan beenana. Wa_l awwal itzawwaj wa maat, wa maa kaan vindu awlaad. Vashaan kida, axuuhu axada.

²⁶ Wa zei maa ḥaṣal le_l axu_l awwal, kida ḥaṣal le_t taani wa_t taalit, lighaayat as saabiv.

²⁷ Wa bavd maa kullahum maatu, al mara maatat kamaan.

²⁸ Wa fi_l giyaama, hiya bitkuun marat minu min as sabva? Vashaan kullahum itzawwaju beeha.”

²⁹ Wa Yasuuv radda valeehum wa gaal, “Intu ghalṭaaniin vashaan maa vaarfiin al Kutub wa laa guwwat Allaah.

³⁰ Vashaan fi_l giyaama, an naas maa bizawwiju wa laa bitzawwaju, laakin bikuunu zei malaaika fi_s sama.

³¹ Wa fi xuṣuuṣ al giyaama min been al meyyitiin, maa gareetu_l kalaam al gaal leekum Allaah?

³² Ana Ilaah Ibraahiim, wa Ilaah Is‐ḥaag, wa Ilaah Yavkuub. Hu maa Ilaah naas meyyitiin laakin Ilaah naas ḥaiyiin.”

³³ Wa lamma_n naas al kutaar simivoohu, istaghrabu min tavliimu.

AL AMR AL AKBAR

³⁴ Wa laakin lamma_l Farriisiyyiin simivu ’innu sakkat aṣ Ṣadduugiyyiin, itlammu sawa.

³⁵ Wa waaḥid minnahum, wa hu gaaḍi_l gaanuun, sa’alu vashaan yajarribu.

³⁶ Wa gaal leehu, “Yaa Muvallim, yaatu amr huwa_l akbar fi_l gaanuun?”

³⁷ Wa gaal leehu, “Ḥibb ar Rabb Ilaahak be kullu galbak, wa be kullu nafsak, wa be kullu fikrak.

³⁸ Da_l amr al akbar wa_l awwal.

³⁹ Wa_l amr at taani zeiyu, Ḥibb jaarak zei maa bitḥibb nafsak.

⁴⁰ Be_l awaamir deel, kull al gaanuun wa_l anbiya bivalligu.”

⁴¹ Wa wakit maa al Farriisiyyiin itlammu, Yasuuv sa’alum

⁴² wa gaal, “Taftakiru shinu fi_l Masiiḥ? Hu ibn minu?” Gaalu leehu, “Hu ibn Daawuud.”

⁴³ Gaal leehum, “Vala kida, keef Daawuud be_r Ruuḥ bisammiihu Rabb, wa yaguul,

⁴⁴ Ar Rabb gaal le Rabbi, Agvud vala yamiini, lighaayat maa axuṭṭ vudwaanak tiḥit kirveek?

⁴⁵ Iza Daawuud yasammiihu Rabb, keef hu yakuun ibnu?”

⁴⁶ Wa maa fih waaḥid gidir yarudd valeehu kilma waaḥda. Wa min al yoom daak maa fih waaḥid gidir yas’alu su’aal taani.