Matta 20 - Kitaab al Vahd aj Jadid 1978

MASAL ASH SHAGHGHAALIIN FI_J JINEENA

¹ Vashaan malakuut as sama zei siid beet. Wa hu marag badri fi_ṣ ṣabaaḥ vashaan ya’ajjir shaghghaaliin vashaan yashtaghilu fi_j jineena bitaavat al vinab.

² Wa ittafag mava_sh shaghghaaliin vashaan bidfav diinaar fi_l yoom, wa rassalum le jineentu.

³ Wa_s saava tisva tagriiban, marag, wa shaaf naas taanyiin waagfiin saakit fi_s suug.

⁴ Wa gaal leehum, Amshu intu kamaan le jineenti, wa ana baddiikum ujra tamaam. Wa hum mashu.

⁵ Wa marag marra taanya as saava iṭnaashar wa kamaan as saava talaata wa vamal nafs al vamal.

⁶ Wa marag as saava xamsa tagriiban wa liga taanyiin waagfiin. Wa gaal leehum, Le shinu intu waagfiin hina saakit ṭuul an nahaar?

⁷ Wa gaalu leehu, Vashaan maa fih waaḥid ajjarna. Gaal leehum, Amshu intu kamaan le jineenti.

⁸ Wa fi_l misa, siid aj jineena gaal le wakiilu, Naadi_sh shaghghaaliin w_adfav al ujra. W_ibtadi min an naas al fi_l aaxir lighaayat an naas al fi_l awwal.

⁹ Wa_sh shaghghaaliin al kaanu ma’ajjariin as saava xamsa jo wa axadu diinaar diinaar.

¹⁰ Wa lamma_l ma’ajjariin al fi_l awwal jo, iftakaru biyaaxudu aktar. Laakin hum kamaan axadu diinaar diinaar.

¹¹ Wa wakit maa kaanu yaaxduuhu, bigu yashtaku vala siid al beet,

¹² wa gaalu, An naas al fi_l aaxir deel ishtaghalu saava waaḥda bass, w_inta vamaltahum sawa mavaana niḥna, at tivibna tavb ash shughl wa fi ḥaraarat an nahaar.

¹³ Wa radda vala waaḥid minnahum wa gaal leehu, Yaa ṣaaḥib, ana maa vamalta leek shi maa vadiil. (?) Maa ittafagta mavaai tishtaghilu le diinaar?

¹⁴ Uxud maalak w_amshi. Ana vaawiz addi le_z zool al aaxir da zei maa addeetak.

¹⁵ (?) Maa be_l gaanuun ’an avmil zei maa ana vaawiz be maali? Walla inta vindak galb baṭṭaal vashaan ana raajil kariim?

¹⁶ Kida, an naas al fi_l aaxir bikuunu fi_l awwal, wa_n naas al fi_l awwal bikuunu fi_l aaxir.”

¹⁷ Wa wakit maa Yasuuv kaan biṭlav le Uurushaliim, axad al iṭnaashar tilmiiz baraahum, wa fi_s sikka gaal leehum,

¹⁸ “Shuufu! Niḥna naṭlav le Uurushaliim. W_Ibn al insaan, bisallimuuhu le_l gusus al kubaar wa muvallimiin al gaanuun, wa hum biḥkumu valeehu be_l moot,

¹⁹ wa yasallimuuhu le naas ad dunya vashaan yaḍḥaku valeehu, wa yajliduuhu, wa yaṣlubuuhu. Wa hu biguum fi_l yoom at taalit.”

TALAB UMM AWLAAD ZABADI

²⁰ Bavdeen umm awlaad Zabadi garrabat leehu mava awlaada, wa rakavat giddaamu wa ṭalabat minnu ḥaaja.

²¹ Wa gaal leeha, “Inti vaawza shinu?” Gaalat leehu, “Addi amr van awlaadi_l itneen deel vashaan yagvudu, al waaḥid vala yamiinak, wa_t taani vala shimaalak fi malakuutak.”

²² Wa laakin Yasuuv radda wa gaal, “Intu maa tavrifu al intu taṭlubu. Intu bitagdaru tatvabu zei maa ana batvab?” Gaalu leehu, “Binagdar.”

²³ Wa gaal leehum, “Ṣaḥiiḥ, bitashrabu min kubbaayati bitaavat at tavb, wa laakin al guvaad vala yamiini wa vala shimaali, maa leiya vashaan addiihu. Al maḥallaat deel fishaan an naas al Abuui jahhaz leehum min zamaan.”

²⁴ Wa lamma al vashara talaamiiz simivu da, kaanu zavlaaniin min al axwaan al itneen.

²⁵ Wa Yasuuv naadaahum leehu wa gaal, “Intu vaarfiin ru’asaa naas ad dunya yavmilu zei as saiyid valeehum, wa_l kubaar yaaxudu sulṭa valeehum.

²⁶ Wa laakin maa bikuun zei da beenkum. Laakin al vaawiz yakuun kabiir beenkum laazim yakuun xaddaamkum.

²⁷ Wa_l vaawiz yakuun al awwal beenkum laazim yakuun leekum vabd.

²⁸ Zei maa Ibn al insaan maa ja vashaan an naas yaxdimuuhu, laakin vashaan yaxdim an naas, wa vashaan yaddi nafsu fidaa le naas kutaar.”

²⁹ Wa wakit maa mashu min Ariiḥa, jamav kabiir tibivoohu.

³⁰ Wa shuuf! raajleen vaamyaaneen kaanu gaavidiin jamb as sikka. Wa lamma simivu Yasuuv yamurr be_s sikka, kooraku wa gaalu, “Yaa Rabb, yaa Ibn Daawuud, arḥamna!”

³¹ Wa_n naas kallamoohum shadiid vashaan yaskutu. Wa laakin kooraku aktar wa gaalu, “Yaa Rabb, yaa Ibn Daawuud, arḥamna.”

³² Wa Yasuuv wagaf wa naadaahum wa gaal, “Vaawiziinni avmil leekum shinu?”

³³ Gaalu leehu, “Yaa Rabb, aftaḥ vuyuunna.”

³⁴ Wa Yasuuv be raḥma limis vuyuunum, wa ṭawwaali gidru yashuufu, wa tibivoohu.