Matta 16 - Kitaab al Vahd aj Jadid 1978

ṬALAB AL VALAAMA

¹ Wa_l Farriisiyyiin wa_ṣ Ṣadduugiyyiin garrabu leehu wa jarraboohu. Wa sa’aloohu vashaan yawarriihum valaama min as sama.

² Wa radda valeehum wa gaal, “Lamma yabga_l misa, taguulu, Aṭ ṭags bikuun kwaiyis, vashaan as sama ḥamra.

³ Wa fi_ṣ ṣabaaḥ taguulu, Habuub bitaji, vashaan as sama ḥamra wa_l waaṭa ḍulumma. Intu tavrifu keef tafhamu washsh as sama, laakin maa bitagdaru tafhamu valaamaat az zaman.

⁴ Naas zaman baṭṭaal wa_l biyavmilu_z zina biṭlubu valaama. Wa laakin maa bidduuhum valaama illa valaamat Yuunaan.” Wa hu saabum wa masha.

IVTIRAAF BUṬRUS BE_L MASIIḤ

⁵ Wa lamma_t talaamiiz wiṣlu le_j jamb at taani, kaanu nisu yaaxudu veesh.

⁶ Wa Yasuuv gaal leehum, “Xallu baalkum wa aḥrusu min xamiirat al Farriisiyyiin.”

⁷ Wa itkallamu van da been nufuusum wa gaalu, “Vashaan maa axadna veesh.”

⁸ Wa laakin Yasuuv virif kalaamum wa gaal, “Yaa galiiliin al iimaan, le shinu bititkallamu been nufuuskum, wa bitguulu maa vindakum veesh?

⁹ Intu lissav maa faahmiin? Maa bititzakkaru_l xamsa rughfaan le_l xamsat alaaf, wa kam guffa intu rafavtu?

¹⁰ Walla_s sabva rughfaan le_l arbavat alaaf, wa kam guffa intu rafavtu?

¹¹ Keef maa tafhamu ana maa kallamtakum fi xuṣuuṣ al veesh? Laakin xallu baalkum min xamiirat al Farriisiyyiin wa_ṣ Ṣadduugiyyiin.”

¹² Fi_l wakit daak, fihmu ’innu maa gaal leehum yaxallu baalum min xamiirat al veesh, laakin min tavliim al Farriisiyyiin wa_ṣ Ṣadduugiyyiin.

¹³ Wa lamma Yasuuv ja le gism Geeṣariyya Fiilibbus, sa’al talaamiizu wa gaal, “An naas biguulu Ibn al insaan minu?”

¹⁴ Wa gaalu, “Bavḍ min an naas biguulu Yuuḥanna al Mavmadaan, wa taanyiin yaguulu Iiliyya, wa taanyiin yaguulu Irmiya walla waaḥid min al anbiya.”

¹⁵ Wa gaal leehum, “Laakin intu bitguulu ana minu”

¹⁶ Simvaan Buṭrus radda valeehu wa gaal, “Inta_l Masiiḥ, Ibn Allaah al Ḥai!”

¹⁷ Wa Yasuuv gaal leehu, “Mubaarak inta, yaa Simvaan ibn Yuuna. Vashaan naas maa warroohu leek, laakin Abuui al fi_s sama.

¹⁸ Wa ana aguul leek, inta Buṭrus, wa ana babni kaniisati vala_l ḥajar da, wa gudrat al moot maa bitaghlibuuha.

¹⁹ Wa baddiik mafaatiiḥ malakuut as sama. Wa kull al inta bitarbuṭu vala_l arḍ, bikuun al kaan marbuuṭ fi_s sama. Wa kull al inta bitfikk vala_l arḍ, bikuun al fakkoohu fi_s sama.”

²⁰ Bavdeen amar talaamiizu maa yaguulu le aiyi waaḥid huwa_l Masiiḥ.

YASUUV YAVALLIM VAN MOOTU

²¹ Min al wakit da, Yasuuv al Masiiḥ bada yawarri talaamiizu huwa laazim yamshi le Uurushaliim wa bitvab katiir min ash shuyuux wa_l gusus al kubaar wa muvallimiin al gaanuun, wa biyaktuluuhu, wa fi_l yoom at taalit biguum.

²² Wa Buṭrus axad Yasuuv leehu wa bada yakallimu shadiid wa gaal, “Maa mumkin, yaa Rabb! Da maa bikuun leek abadan!”

²³ Wa laakin itlafat wa gaal le Buṭrus, “Amshi minni, yaa Sheeṭaan! Inta sabab wuguuv leiya, vashaan inta maa bitfakkir fi ḥaajaat Allaah laakin fi ḥaajaat an naas.”

²⁴ Bavdeen Yasuuv gaal le talaamiizu, “Iza kaan aiyi zool daayir yaji waraai, xalliihu yankir nafsu, wa yashiil ṣaliibu, wa yatbavni.

²⁵ Vashaan kull ad daayir yaxalliṣ nafsu, biwaddira. Wa kull al biwaddir nafsu vashaanni, bilgaaha.

²⁶ Vashaan shinu al faaida le_z zool iza bilga faaidat ad dunya kullaha, wa laakin yawaddir nafsu! Walla_z zool bibaddil shinu be nafsu?

²⁷ Vashaan Ibn al insaan biji mava malaaikatu fi majd Abuuhu. Wa bavdeen biddi maahiyya le kullu zool zei avmaalu.

²⁸ Al ḥagg aguul leekum, bavḍ min an naas al waagfiin hina maa bimuutu lighaayat maa bishuufu Ibn al insaan yaji fi malakuutu.”