Matta 11 - Kitaab al Vahd aj Jadid 1978

YASUUV WA YUUḤANNA AL MAVMADAAN

¹ Wa lamma Yasuuv xiliṣ tavliimu le talaamiizu_l iṭnaashar, marag min hinaak vashaan yavallim wa yabashshir fi bilaadum.

² Wa Yuuḥanna kaan fi_s sijin. Wa lamma simiv be avmaal al Masiiḥ rassal leehu talaamiizu

³ yaguulu leehu, “Inta huwa aj jaai, walla nantaẓir waaḥid taani?”

⁴ Wa radda Yasuuv wa gaal leehum, “Amshu wa xabbiru Yuuḥanna be_l ḥaajaat al bitasmavuuha wa bitshuufuuha:

⁵ al vamyaaniin bishuufu, wa_n naas al vuruj bimshu, wa_n naas al vindahum vayat aj jizaam bigu nuḍaaf, wa naas ṭurush bismavu, wa_l meyyitiin biguumu, wa_l masaakiin bismavu_l xabar al kwaiyis.

⁶ Wa mubaarak al maa yagav vashaanni.”

⁷ Wa wakit maa kaanu maashiin, Yasuuv biga yakallim an naas al katiir van Yuuḥanna, “Maragtu fi_l xala tashuufu shinu? Geshsh bithazzu_l habuub?

⁸ Laakin maragtu tashuufu shinu? Zool laabis hiduum samiḥ? Shuufu! al laabsiin hiduum samiḥ, hum fi buyuut al muluuk.

⁹ Wa laakin le shinu maragtu? Vashaan tashuufu nabi? Aiwa, aguul leekum, wa aḥsan min nabi.

¹⁰ Da huwa al maktuub vannu, Shuuf! Ana barassil mursaali giddaamak, al biḥaḍḍir leek ṭariigak giddaamak.

¹¹ Al ḥagg aguul leekum, maa fih been al mawluudiin min an niswaan zool akbar min Yuuḥanna al Mavmadaan. Wa laakin al aṣghar fi malakuut as sama akbar minnu.

¹² Wa min aiyaam Yuuḥanna al Mavmadaan lighaayat hassav, malakuut as sama bitgaddam be guwwa. Wa_n naas ash shudaad yamsikuuhu be guwwa.

¹³ Vashaan kull al anbiya wa kutub al gaanuun itnabbu lighaayat Yuuḥanna.

¹⁴ Wa iza vaawziin tagbaluuhu, da huwa Iiliyya al maashi yaji.

¹⁵ Al vindu iḍneen, xalliihu yasmav.

¹⁶ Wa laakin naas az zaman da, hum zei shinu? Hum zei awlaad gaavidiin fi_s suug, wa binaadu_l awlaad at taanyiin, wa biguulu,

¹⁷ Ḍarabna leekum wa maa ragaṣtu. Wa bakeena leekum wa maa bakeetu.

¹⁸ Vashaan Yuuḥanna ja maa yaakul wa laa yashrab, wa hum biguulu, Vindu sheeṭaan.

¹⁹ Wa Ibn al insaan ja yaakul wa yashrab, wa hum biguulu, Da raajil ṭammaav wa marraasi, wa biḥibb al bilimmu_ḍ ḍariiba wa_l xaaṭyiin. Wa_l vindu fahm, avmaalu biwarriihu.”

²⁰ Bavdeen biga yawabbix al mudun al hu vamal fiihum aktar guwwaatu, vashaanum maa taabu.

²¹ “Ḥuzn leeki, yaa Kuuraziin, ḥuzn leeki, yaa Beetṣaida. Vashaan iza kaan al guwwaat al vamalooha fiikum, vamalooha fi Ṣuur wa Ṣeedaa, kaanu taabu min zamaan wa labasu_sh shawaal, wa xaṭṭu_r ramaad foog raasum.

²² Wa laakin aguul leekum, fi yoom al ḥukm, ḥaalat Ṣuur wa Ṣeedaa bitkuun aḥsan min al ḥaala al bitkuun leekum.

²³ Wa inti, yaa Kafranaaḥuum, birfavuuki le_s sama? Binazziluuki tiḥit le_l Haawiya. Vashaan iza kaan al avmaal al gawwiyya al kaanu vamalooha fiiki, vamalooha fi Saduum, Saduum kaanat gavadat lighaayat al yoom da.

²⁴ Wa laakin aguul leekum, fi yoom al ḥukm ḥaalat arḍ Saduum bitkuun aḥsan min al ḥaala al bitkuun leeki.”

RAAḤA IE_T TAVBAANIIN

²⁵ Fi_l wakit daak Yasuuv gaal, “Ashkurak, yaa Abu, Rabb as sama wa_l arḍ, vashaanak inta dasseet al ḥaajaat di min al faahmiin wa_l mitvallimiin, wa warreeta le_l aṭfaal.

²⁶ Aiwa, yaa Abu, vashaan da ṭaiyib giddaamak.

²⁷ Kullu shi musallam leiya min Abuui. Maa fih waaḥid yavrif al Ibn illa_l Abu. Wa laa waaḥid yavrif al Abu illa_l Ibn, wa aiyi waaḥid al Ibn vaawiz yawarriihu leehu.

²⁸ Tavaalu leiya, yaa kullu_t tavbaaniin wa_l bishiilu ḥaajaat tagiila, wa ana baddiikum raaḥa.

²⁹ Shiilu niiri valeekum, wa itvallamu minni, vashaanni leyyin, wa galbi mitwaaḍiv, wa bitalgu raaḥa le nufuuskum.

³⁰ Vashaan niiri maa ṣavb, wa ḥimli xafiif.”