Luuga 20 - Kitaab al Vahd aj Jadid 1978

SU’AAL VAN SULṬAT YASUUV

¹ Wa fi yoom min al aiyaam, lamma Yasuuv kaan bivallim an naas fi_l heekal wa bibashshir, al gusus al kubaar wa muvallimiin al gaanuun mava ash shuyuux jo leehu.

² Wa gaalu leehu, “Guul leena be yaata sulṭa inta bitavmil al ḥaajaat di, walla minu al addaak as sulṭa di?”

³ Wa radda wa gaal leehu, “Ana kamaan bas’alkum su’aal, wa intu taruddu valeiya.

⁴ Mavmuudiyyat Yuuḥanna kaanat min as sama walla min an naas?”

⁵ Wa itkallamu bavḍuhum mava bavḍ wa gaalu, “Iza gulna min as sama, huwa biguul, Le shinu maa ṣaddagtu beehu?

⁶ Laakin iza gulna, min an naas, kull an naas birmuuna be ḥujaar, vashaan hum mit’akkidiin ’innu Yuuḥanna nabi.”

⁷ Wa hum raddu valeehu wa gaalu, “Maa binavrif min ween.”

⁸ Wa Yasuuv gaal leehum, “Ana kamaan maa baguul leekum be yaata sulṭa bavmil al ḥaajaat di.”

MASAL AL MUZAARIVIIN AL BAṬṬAALIIN

⁹ Wa ibtada yakallim an naas be_l masal da, “Zool zarav jineenat vinab, wa ajjarooha le muzaariviin, wa saafar le mudda ṭawiila.

¹⁰ Wa fi wakit al bilimmu_t tamar, rassal xaddaam le_l muzaariviin vashaan yadduuhu tamar aj jineena. Laakin al muzaariviin jaladoohu wa rassaloohu faaḍi.

¹¹ Wa kamaan rassal xaddaam taani. Wa jaladu da kamaan, wa shatamoohu wa rassaloohu faaḍi.

¹² Wa kamaan rassal taalit zool, wa da jaraḥoohu wa ṭaradoohu.

¹³ Wa siid aj jineena gaal, Bavmil shinu? Ana barassil waladi_l ḥabiib, yimkin biḥtarimuuhu.

¹⁴ Wa laakin lamma al muzaariviin shaafoohu, gaalu bavḍahum mava bavḍ, Da huwa_l biyooris maal abuuhu. Xalluuna naktulu, vashaan naaxud al maal.

¹⁵ Wa ṭaradoohu min jineenat al vinab, wa kataloohu. Wa vala kida, siid aj jineena biyavmil leehum shinu?

¹⁶ Huwa biji wa biktul al muzaariviin deel, wa biddi_j jineena le taanyiin.” Wa lamma simivu kida gaalu, “Abadan!”

¹⁷ Wa vaayan leehum wa gaal, “Da shinu al maktuub? Al ḥajar al xalloohu al bannaayiin biga raas ar rukn.

¹⁸ Kullu waaḥid al yagav vala_l ḥajar da, bitkassar. Wa laakin kull al huwa yagav valeehu, bitkassar ḥitta ḥitta.”

DAFV ḌARIIBA LE GEEṢAR

¹⁹ Wa muvallimiin al gaanuun wa_l gusus al kubaar ṭalabu ’an yagbuḍu valeehu fi zaat as saava, wa laakin xaafu min an naas. Vashaan fihmu ’innu gaal al masal da valeehum.

²⁰ Wa kaanu biḥrasu valeehu, wa rassalu leehu naas be sirr, al biwarru nufuusum zei naas ṣaadigiin, vashaan yamsikuuhu be kilma, lighaayat maa yasallimuuhu le ḥukm al mudiir wa sulṭatu.

²¹ Wa hum sa’aloohu wa gaalu, “Yaa Muvallim, niḥna binavrif inta titkallam wa tavallim be_l vadl, wa maa tavmil farig been an naas. Laakin be_l ḥagg tavallim ṭariig Allaah.

²² Al ḥagg mavaana ’an nadfav ḍaraayib le Geeṣar walla laa?”

²³ Laakin hu virif al ghish bitaavum wa gaal leehum,

²⁴ “Warruuni girish. Ṣuurat minu valeehu, wa kitaabat minu?” Wa hum gaalu leehu, “Bitaav Geeṣar.”

²⁵ Wa gaal leehum, “Vala kida ḥaajaat Geeṣar adduuha le Geeṣar, wa ḥaajaat Allaah adduuha le Allaah.”

²⁶ Wa maa gidru yamsikuuhu be kilma giddaam an naas. Wa itvajjabu min jawaabu, wa sakatu.

VAN AL GIYAAMA

²⁷ Wa jo leehu jamaava min aṣ Ṣadduugiyyiin al biguulu maa fih giyaama min al moot. Wa sa’aloohu

²⁸ wa gaalu, “Yaa Muvallim, Muusa katab leena, iza axu zool maat wa vindu mara wa maa vindu awlaad, axuuhu laazim yaaxud maratu wa bijiib awlaad le axuuhu.

²⁹ Wa kaanu fih sabva axwaan. Al awwal axad mara wa maat biduun walad.

³⁰ Wa_t taani,

³¹ wa_t taalit axad al mara di, wa kida kamaan as sabva. Wa hum maatu wa maa xallu awlaad.

³² Wa fi_l aaxir, al mara maatat kamaan.

³³ Wa vala kida, fi_l giyaama, hiya takuun marat minu minnahum? Vashaan hiya kaanat mara le_s sabva.”

³⁴ Wa radda Yasuuv wa gaal leehum, “Awlaad az zaman da bizawwiju wa bitzawwaju.

³⁵ Wa laakin deel al yaḥsibuuhum mustaḥiggiin le_z zaman aj jaai, wa_l giyaama min al meyyitiin, maa bizawwiju walla bitzawwaju.

³⁶ Wa maa bigdaru yamuutu taani, vashaan hum zei al malaaika, wa hum awlaad Allaah, maa daam hum awlaad al giyaama.

³⁷ Laakin ’innu al meyyitiin biguumu, Muusa beyyan fi Kitaabu fi ḥikaayat ash shajara. Wa hu gaal, Ar Rabb huwa Ilaah Ibraahiim, wa Ilaah Is‐haag, wa Ilaah Yavkuub.

³⁸ Wa huwa mush Ilaah al meyyitiin, laakin Ilaah al ḥaiyiin. Vashaan al kull biviish leehu.”

³⁹ Wa bavḍ min muvallimiin al gaanuun raddu wa gaalu, “Yaa Muvallim, itkallamta kwaiyis.”

⁴⁰ Wa bavd da hum xaafu yas’aluuhu aiyi su’aal.

⁴¹ Wa gaal leehum, “Keef yaguulu_l Masiiḥ walad Daawuud?

⁴² Wa Daawuud nafsu yaguul fi Kitaab al Mazaamiir, Ar Rabb gaal le Rabbi, Agvud vala yamiini.

⁴³ Lighaayat maa axuṭṭ vadwaanak tiḥit kirveek.

⁴⁴ Iza kaan Daawuud yasammiihu Rabb, huwa bikuun ibnu keef?”

⁴⁵ Wa lamma kull an naas kaanu yasmavu, Yasuuv gaal le talaamiizu,

⁴⁶ “Xallu baalkum min muvallimiin al gaanuun al biḥibbu yamshu laabsiin jallabiyya, wa vaawziin as salaamaat fi_s suug, wa maḥallaat al iḥtiraam fi buyuut ar Rabb, wa maḥallaat al iḥtiraam fi_l vazuuma.

⁴⁷ Wa bishiilu biyuut al araamil be_l guwwa, wa be_l kiḍib yaṣallu ṣalawaat ṭawiila. Deel biyaaxudu ḥukm shadiid jiddan.”