Luuga 18 - Kitaab al Vahd aj Jadid 1978

AL ARMALA WA_L GAAḌI_L MUSH VADIIL

¹ Wa gaal leehum masal ’innu laazim yaṣallu daaiman wa yistamirru.

² Wa gaal, “Kaan fih gaaḍi fi madiina waaḥda, maa bixaaf Allaah wa maa biḥtarim zool.

³ Wa kaanat fih armala fi_l madiina diik, wa kaanat bitaji leehu marraat wa bitguul, ‘Aḥfaẓni min vaduuwi.’

⁴ Wa aba le mudda galiila, laakin bavdeen gaal le nafsu, ‘Wa law maa baxaaf Allaah wa laa aḥtarim an naas,

⁵ laakin vashaan al armala di taḥayyirni, ana baḥfaẓa min vaduuwa, vashaan maa taji wa tatavvibni daaiman.’”

⁶ Wa_r Rabb gaal, “Asmavu kalaam al gaaḍi al maa vadiil.

⁷ Wa Allaah maa yaḥfaẓ muxtaariinu min vaduuwum? wa hum bikooriku leehu leel wa nahaar? Wa law hu bixalliihum le mudda ṭawiila?

⁸ Wa ana baguul leekum, Huwa biddi jiza le vudwaanum be surva. Wa laakin lamma Ibn al insaan biji, hu bilga_l iimaan vala al arḍ?”

MASAL AL FARRIISI WA_L BILIMM AḌ ḌARIIBA

⁹ Wa gaal al masal da le_n naas al mit’akkidiin ’innahum baarriin, wa yakrahu_n naas at taanyiin.

¹⁰ “Itneen rujaal mashu le_l heekal vashaan yaṣallu, waaḥid Farriisi wa_t taani waaḥid min al bilimm aḍ ḍariiba.

¹¹ Wa_l Farriisi wagaf yaṣalli fi nafsu kida, Yaa Allaah, ashkurak vashaan ana maa zei baagi_n naas, al ḥaraamiyya, wa_ẓ ẓaalimiin, wa_z zaanyiin, wa laa zei ar raajil da, al bilimm aḍ ḍariiba.

¹² Baṣuum marrateen fi_l usbuuv, wa baddi waaḥid fi vashara min kullu maali.

¹³ Wa laakin al bilimm aḍ ḍariiba wagaf min baviid, wa maa kaan daayir yarfav vuyuunu le_s sama, wa ḍarab ṣadru wa gaal, Yaa Allaah, arḥamni. Ana_l xaaṭi.

¹⁴ Baguul leekum, az zool da masha le beetu mabarrar van at taani, vashaan kullu waaḥid al yarfav nafsu yaxuṭṭuuhu tiḥit, wa_l yaxuṭṭ nafsu tiḥit yarfavuuhu.”

¹⁵ Wa gaddamu leehu kamaan awlaad ṣughaar vashaan yalmasum. Wa wakit talaamiizu shaafu kida, waggafoohum.

¹⁶ Laakin Yasuuv naadaahum wa gaal leehum, “Xallu_l awlaad yaju leiya, wa maa tamnavuuhum. Vashaan malakuut Allaah le awlaad zei deel.

¹⁷ Al ḥagg aguul leekum, aiyi waaḥid al maa bigbal malakuut Allaah zei walad ṣaghaiyir, maa bidxulu abadan.”

AR RA’IIS AL GHANI

¹⁸ Wa ra’iis sa’alu wa gaal, “Yaa_l Muvallim aṭ ṭaiyib, avmil shinu vashaan alga al ḥayaat al abadiyya?”

¹⁹ Wa Yasuuv gaal leehu, “Le shinu taguul leiya ṭaiyib? Maa fih waaḥid ṭaiyib illa Allaah bass.

²⁰ Inta bitavrif al awaamir, Maa tazni, Maa taktul, Maa tasrig, Maa tash‐had be_l kiḍib, Iḥtarim abuuk wa ummak.”

²¹ Wa gaal, “Kullu da ḥafaẓta min maa kunta walad.”

²² Wa lamma Yasuuv simiv da, gaal leehu, “Lissav naagiṣ leek ḥaaja waaḥda. Biiv kull al vindak, wa gassimu been al masaakiin, wa bikuun vindak kanz fi_s sama. Wa tavaal, atbavni.”

²³ Wa lamma hu simiv da, biga ḥaznaan, vashaan kaan ghani jiddan.

²⁴ Wa lamma Yasuuv shaaf ’innu biga ḥaznaan, gaal, “Keef yakuun ṣavb le ghaniyyiin ’an yadxulu malakuut Allaah.

²⁵ Bikuun as‐hal le jamal yadxul fi veen ibra, min raajil ghani yadxul malakuut Allaah.”

²⁶ Wa_n naas as simivu da gaalu, “Minu yagdar yaxlaṣ?”

²⁷ Laakin huwa gaal, “Al maa mumkin le_n naas, mumkin le Allaah.”

²⁸ Wa Buṭrus gaal, “Shuuf! Xalleena kullu shi wa tibivnaak.”

²⁹ Wa gaal leehum, “Al ḥagg aguul leekum, maa fih zool al xalla beet walla mara walla axwaan walla waalideen walla awlaad fishaan malakuut Allaah,

³⁰ al maa yaaxud aktar be katiir hassav di, wa fi_z zaman aj jaai, al ḥayaat al abadiyya.”

YASUUV YAVALLIM VAN MOOTU

³¹ Wa axad al iṭnaashar wa gaal leehum, “Shuufu, niḥna maashiin le Uurushaliim, wa kullu_l maktuub be_l anbiya van Ibn al insaan bitimm.

³² Vashaan yasallimuuhu le_l umam, wa yaḍḥaku valeehu, wa yashtimuuhu, wa yabzagu valeehu.

³³ Wa yajliduuhu wa yaktuluuhu, wa fi_l yoom at taalit biguum.”

³⁴ Laakin hum maa fihmu aiyi shi min da. Al kalaam da kaan madsuus minnahum, wa hum maa fihmu al gaal leehum.

³⁵ Wa lamma Yasuuv garrab le Ariiḥa, waaḥid vamyaan kaan gaavid jamb as sikka biṭlub ḥaaja.

³⁶ Wa lamma simiv aj jamaava maashiin jambu, sa’alum, “Da yavni shinu?”

³⁷ Wa gaalu leehu, “Yasuuv an Naaṣiri bifuut.”

³⁸ Wa huwa koorak wa gaal, “Yaa Yasuuv, Ibn Daawuud, arḥamni.”

³⁹ Wa_l kaanu maashiin giddaam, kallamoohu shadiid vashaan yaskut. Laakin huwa koorak aktar wa aktar, “Yaa Ibn Daawuud, arḥamni.”

⁴⁰ Wa Yasuuv wagaf wa amarum yajiibuuhu leehu. Wa lamma garrab, Yasuuv sa’alu,

⁴¹ “Inta vaawizni avmil leek shinu?” Wa hu gaal, “Yaa Rabb, xalliini ashuuf marra taanya.”

⁴² Wa Yasuuv gaal leehu, “Shuuf! Iimaanak shafaak.”

⁴³ Wa ṭawwaali vuyuunu infataḥu, wa hu tibivu, wa kaan yaḥmad Allaah. Wa kull an naas lamma shaafu kida, ḥamadu Allaah.