Luuga 16 - Kitaab al Vahd aj Jadid 1978

MASAL AL WAKIIL ASH SHAAṬIR

¹ Wa Yasuuv gaal le talaamiizu kamaan, “Kaan fih raajil ghani vindu wakiil. Wa waaḥid ishtakaahu ’innu biwaddir amwaal siidu.

² Wa naadaahu wa gaal leehu, Da shinu al basmav vannak? Gaddim ḥisaab shughlak, vashaan inta maa tagdar takuun wakiil bavd kida.

³ Wa_l wakiil gaal le nafsu, Ana bavmil shinu? Vashaan siidi biyaaxud minni shughli. Maa bagdar vala shughl az ziraava, wa ana xajlaan as’al ḥaajaat min an naas.

⁴ Ana vaarif al ana basawwi, valashaan lamma yaṭrudni min ash shughl, bigbaluuni fi biyuutum.

⁵ Wa hu naada kullu waaḥid al vindu deen le siidu, wa gaal le_l awwal, Deenak le siidi kam?

⁶ Gaal, Miyyat barmiil zeet. Wa gaal leehu, Uxud ḥisaabak wa agvud be surva w_aktib xamsiin.

⁷ Wa bavdeen gaal le_t taani, Wa inta kam valeek? Wa gaal leehu, Miyyat ardab dura. Wa gaal leehu, Uxud ḥisaabak w_aktib tamaaniin.

⁸ Wa_s saiyid ḥamad al wakiil aẓ ẓaalim vashaan vamal be_l vagl. Vashaan awlaad ad dunya fi waktum, shaaṭriin min awlaad an nuur.

⁹ Wa aguul leekum, Sawwu leekum aṣ‐ḥaab be maal aẓ ẓulm, valashaan iza maa najaḥtu, yagbaluukum fi_l xiyaam al abadiyya.

¹⁰ Al amiin fi_l galiil, huwa amiin fi_l katiir kamaan. Wa_l maa amiin fi_l galiil, huwa maa amiin fi_l katiir kamaan.

¹¹ Iza maa kuntu ṣaadigiin be maal aẓ ẓulm, minu biyavmilkum mas’uuliin fi_l ghina al ḥagiigi?

¹² Iza intu maa kuntu ṣaadigiin fi maal naas taanyiin, minu biddiikum ḥaggakum?

¹³ Maa fih xaddaam yagdar yaxdim saiyideen, vashaan bikrah al waaḥid wa biḥibb at taani, walla bimsik al waaḥid wa biyaaba at taani. Maa tagdaru taxdimu Allaah wa_l maal.”

¹⁴ Wa_l Farriisiyyiin simivu da kullu, wa hum kaanu biḥibbu_l maal, wa ḍiḥiku valeehu.

¹⁵ Wa gaal leehum, “Intu tabarriru nufuuskum giddaam an naas. Laakin Allaah vaarif guluubkum. Vashaan al bikuun marfuuv giddaam an naas, Allaah biyakrahu.

¹⁶ Al gaanuun wa_l anbiya kaanu lighaayat wakit Yuuḥanna. Wa min al wakit daak bibashshiru be malakuut Allaah. Wa kullu waaḥid al bidxul fiihu, bidxul be guwwa.

¹⁷ Wa as‐hal le_s sama wa_l arḍ ’an yafuutu, min ’an tagav nugṭa waaḥda min al gaanuun.

¹⁸ Kullu waaḥid al biṭallig maratu wa yitzawwaj taanya yazni, wa kullu waaḥid al bitzawwaj be waaḥda muṭallaga min raajila, huwa yazni.

AR RAAJIL AL GHANI WA LAVAAZAR

¹⁹ Kaan fih raajil ghani, wa kaan bilbas ḥariir wa tiil. Wa kaan biyaakul akil kwaiyis jiddan kullu yoom.

²⁰ Wa kaan fih raajil miskiin ismu Lavaazar, maxṭuuṭ vind baabu. Wa jismu malyaan dabar.

²¹ Wa huwa vaawiz yakuun shabvaan min al fatafiit al wagavu min ṭarabeezat al ghani. Wa mava kullu da, al kilaab jo wa laḥasu dabaru.

²² Wa bavdeen al miskiin maat, wa_l malaaika shaaloohu, wa xaṭṭoohu gariib le Ibraahiim. Wa_l ghani kamaan maat, wa dafanoohu.

²³ Wa fi_l Haawiya wa huwa fi_l vazaab, rafav veeneehu wa shaaf Ibraahiim min baviid, wa Lavaazar gariib leehu.

²⁴ Wa koorak wa gaal, Yaa abuui Ibraahiim, arḥamni, wa rassil Lavaazar vashaan yaxuṭṭ aṣbavu fi mooya wa yabarrid lisaani, vashaan ana tavbaan jiddan fi_n naar di.

²⁵ Laakin Ibraahiim gaal, Yaa waladi, itzakkar inta fi ḥayaatak axadta ḥaajaat kwaisa, wa kida kamaan Lavaazar ḥaajaat baṭṭaala. Wa laakin hassav huwa hina murtaaḥ, wa inta mitvazzib.

²⁶ Wa mava kullu da, fih ḥufra kabiira masabbata beenana wa beenkum. Valashaan kida, al vaawziin yamshu min hina leekum maa bigdaru, wa maa fih waaḥid yagdar yamshi min hinaak leena.

²⁷ Wa hu gaal, Vashaan kida baṭlub minnak, yaa abuui, tarassil Lavaazar le beet abuui.

²⁸ Vashaan vindi xamsat axwaan. Xalliihu yash‐had leehum, valashaanum maa biju kamaan le maḥall al vazaab da.

²⁹ Laakin Ibraahiim gaal leehu, Vindahum Muusa wa_l Anbiya. Xalliihum yasmavu leehum.

³⁰ Wa hu gaal leehu, Laa, yaa abuui Ibraahiim, iza kaan waaḥid min al meyyitiin masha leehum, hum bituubu.

³¹ Wa hu gaal leehu, Iza maa yasmavu min Muusa wa_l Anbiya, maa biṣaddigu iza waaḥid gaam min been al meyyitiin.”