Luuga 13 - Kitaab al Vahd aj Jadid 1978

AT TOOBA MUHIMMA

¹ Wa fi_l wakit da, bavḍ an naas al kaanu fih, xabbaru Yasuuv van aj Jaliiliyyiin al Biilaaṭus katalum wakit maa gaddamu ḍabaayiḥum.

² Wa radda wa gaal leehum, “Taftakiru aj Jaliiliyyiin deel kaanu xaaṭyiin aktar min kull aj Jaliiliyyiin at taanyiin vashaan tivibu kida?

³ Aguul leekum, Laa. Wa illa intu tatuubu, kullukum bitmuutu zeiyahum.

⁴ Walla_t tamanṭaashar deel al wagav valeehum al bina al vaali fi Silwaam wa katalum. Taftakiru hum kaanu xaaṭyiin aktar min kull an naas al gaavidiin fi Uurushaliim?

⁵ Aguul leekum, Laa. Wa illa tatuubu, kullukum bitmuutu zeiyahum.”

⁶ Wa vallamum be_l masal da wa gaal, “Zool kaan vindu shajarat tiin mazruuva fi jineentu, wa ja bifattish tamar fi_sh shajara di. Wa maa liga shi.

⁷ Wa gaal le_r raajil al bishtaghil fi_j jineena, Shuuf! At talaata siniin di aji afattish tamar fi_sh shajara di, wa maa ligiit shi. Agṭava. Le shinu bitaaxud maḥall fi_l arḍ?

⁸ Wa radda wa gaal leehu, Yaa siidi, xalliiha as sana di kamaan lighaayat maa aḥfar ḥawaleeha wa axuṭṭ zibla.

⁹ Iza kaan tajiib tamar as sana aj jaaiya, kwaiyis. Iza maa tajiib tamar, tagṭava.”

SHIFA AL MARA_L MAKASSAḤA FI_S SABIT

¹⁰ Wa kaan bivallim fi waaḥid min biyuut ar Rabb fi_s sabit.

¹¹ Wa shuuf! Mara kaanat vindaha ruuḥ vamala ḍaviifa jiddan muddat tamanṭaashar sana. Ḍahara mavwuuj wa maa kaanat tagdar tagiif vadiil abadan.

¹² Wa lamma Yasuuv shaafa, naadaaha wa gaal leeha, “Yaa sitt, inti mafkuuka min maraḍik.”

¹³ Wa hu xaṭṭa iideehu valeeha, wa ṭawwaali wagafat vadiil wa majjadat Allaah.

¹⁴ Wa ra’iis beet ar Rabb radda, wa huwa zavlaan vashaan Yasuuv shafaaha fi_s sabit. Wa gaal le_n naas, “Fih sittat aiyaam an naas laazim yashtaghilu fiihum. Wa vala kida, tavaalu fiihum le_sh shifa, wa mush fi yoom as sabit.”

¹⁵ Laakin ar Rabb radda valeehu wa gaal, “Yaa manaafigiin, (?) maa kullu waaḥid minnakum fi_s sabit bifikk tooru walla ḥumaaru min az zariiba, wa yasuugu le_l mooya vashaan yashrab?

¹⁶ Wa_l mara, hiya bint Ibraahiim, wa_sh Sheeṭaan rabaṭa tamanṭaashar sana. (?) Hiya maa laazim takuun mafkuuka min ar rubaaṭ da fi yoom as sabit?”

¹⁷ Wa lamma gaal kida, kull vudwaanu bigu xajlaaniin. Wa kull an naas kaanu mabsuuṭiin min kullu_l avmaal al vaẓiima al hu vamala.

¹⁸ Bavd da, Yasuuv gaal, “Malakuut Allaah zei shinu? Wa be shinu ashabbihu?

¹⁹ Hu zei teeraab xardal, zool axada wa ramaaha fi ziraavtu. Wa ṭalav, wa biga shajara. Wa ṭeer as sama gavad fi furuuva.”

²⁰ Wa gaal kamaan, “Malakuut Allaah zei shinu?

²¹ Huwa zei xamiira axadata mara, wa dassata fi talaata keelaat dagiig, lighaayat maa itxammaru kullu.”

AL BAAB AḌ ḌAIYIG

²² Wa kaan bimurr fi bilaad wa ḥilal yavallim, wa huwa maashi le Uurushaliim.

²³ Wa waaḥid gaal leehu, “Yaa Rabb, hum al biyaxlaṣu galiiliin?”

²⁴ Wa gaal leehum, “Ishtaghilu shadiid, vashaan tadxulu min al baab aḍ ḍaiyig. Vashaan aguul leekum, naas kutaar daayiriin yadxulu, wa laakin maa yagdaru.

²⁵ Wa lamma siid al beet yaguum wa yagfil al baab, intu bitgiifu barra wa bitduggu_l baab wa bitguulu, Yaa Rabb, aftaḥ leena. Wa birudd wa biguul leekum, Maa bavrifkum, intu jiitu min ween?

²⁶ Bavdeen bitguulu, Akalna wa shiribna mavaak, wa inta vallamta fi baladna.

²⁷ Wa huwa biguul leekum, Maa bavrifkum jiitu min ween. Amshu baviid minni, kullukum al vaamiliin al xaṭiyya.

²⁸ Hinaak bikuun al bika wa vaḍḍ as sinuun, lamma tashuufu Ibraahiim wa Is‐ḥaag wa Yavkuub wa kullu_l anbiya fi malakuut Allaah, wa intu maṭruudiin barra.

²⁹ Wa naas biju min ash sharg wa min al gharb, wa min ash shimaal wa min aj januub, wa yagvudu vashaan yaaklu fi malakuut Allaah.

³⁰ Wa shuuf, fih aaxiriin al bikuunu awwaliin, wa fih awwaliin al bikuunu aaxiriin.”

³¹ Wa fi_l wakit daak, bavḍ al Farriisiyyiin jo le Yasuuv wa gaalu leehu, “Amrug, w_amshi min hina, vashaan Hiiruudus vaawiz yaktulak.”

³² Wa gaal leehum, “Amshu wa guulu le_t tavlab da, Shuuf, baṭalliv ash sheyaaṭiin, wa ashfi_n naas al leela wa bukra, wa_l yoom at taalit bakammil shughli.

³³ Wa laakin laazim amshi al leela wa bukra wa bavd bukra, vashaan maa mumkin an nabi yamuut barra min Uurushaliim.

³⁴ Yaa Uurushaliim, yaa Uurushaliim, al bitaktul al anbiya wa bitaḍrub be ḥujaar al marassaliin leeki. Kam marra kunta vaawiz alimm awlaadik, zei maa aj jidaada talimm al katakiit tiḥit jinḥeeha, wa inti maa vaawza.

³⁵ Shuufu beetkum yabga leekum xarbaan. Be_l ḥagg intu maa bitshuufuuni taani marra lighaayat maa taguulu, Mubaarak aj jaai b_ism ar Rabb.”