Luuga 12 - Kitaab al Vahd aj Jadid 1978

YASUUV YAḤAZZIR WA YASHAJJIV

¹ Wa wakit maa alaaf min an naas itlammu lighaayat maa kaanu yaduusu bavḍahum vala bavḍ, ibtada yakallim talaamiizu fi_l awwal, “Xallu baalkum min xamiirat al Farriisiyyiin al huwa an nifaag.

² Vashaan maa fih shi mughaṭṭa al maa bikuun maftuuḥ, wa laa madsuus al maa bikuun mavruuf.

³ Wa vashaan kida, kullu_l kallamtu fi ḍulumma bismavuuhu fi_n nuur. Wa_l bititkallamu fi_l iḍneen fi_s sirr binaadu beehu min foog al biyuut.

⁴ Wa aguul leekum, yaa aṣ‐ḥaabi, maa taxaafu min al biktulu_j jism, wa bavd kida maa vindahum ḥaaja ziyaada yagdaru yavmilu.

⁵ Laakin bawarriikum min minu intu laazim taxaafu. Xaafu min huwa al bavd maa yaktul, vindu gudra yarmi fi jahannam. Aiwa, aguul leekum, xaafu minnu.

⁶ (?) Maa bibiivu xamsa vaṣaafiir be girsheen? Wa Allaah maa binsa wa laa waaḥid minnahum.

⁷ Lighaayat kullu shavr ruseenkum kamaan mavduud. Maa taxaafu. Intu aḥsan min vaṣaafiir katiira.

⁸ Wa aguul leekum, al bivtarif beiya giddaam an naas, ana kamaan bavtarif beehu giddaam malaaikat Allaah.

⁹ Wa_l binkirni giddaam an naas, ana kamaan bankiru giddaam malaaikat Allaah.

¹⁰ Wa kull al biguul kilma ḍidd Ibn al insaan, bitkuun maghfuura leehu. Laakin al bijaddif vala_r Ruuḥ al Gudus, maa bikuun maghfuura leehu.

¹¹ Wa lamma yajiibuukum le biyuut ar Rabb wa_r ru’asaa wa_s salaaṭiin, maa tafakkiru keef walla be shinu bitrudddu valeehum walla be shinu bititkallamu.

¹² Vashaan ar Ruuḥ al Gudus bivallimkum fi nafs as saava al kalaam al laazim titkallamu beehu.”

MASAL AZ ZOOL AL GHANI WA_L GHASHIIM

¹³ Wa waaḥid min aj jamav gaal leehu, “Yaa Muvallim, kallim axuui vashaan yagassim al miiraat beenana.”

¹⁴ Wa gaal leehu, “Yaa raajil, minu vamalni gaaḍi valeekum vashaan agassim leekum?”

¹⁵ Wa gaal leehum, “Shuufu wa aḥrasu nufuuskum min kullu ṭamav. Vashaan ḥayaat az zool maa bitaji min katrat al ḥaajaat al vindu.”

¹⁶ Wa kallamum be masal wa gaal, “Kaan fih zool ghani ziraavtu jaabat dura katiira.

¹⁷ Wa fakkar fi nafsu wa gaal, Avmil shinu? vashaan maa vindi maḥall alimm fiihu durati.

¹⁸ Wa gaal, Ana bavmil kida. Ana baxarrib maxaazini wa babni akbar minnaha, wa hinaak balimm durati wa amwaali.

¹⁹ Wa aguul le nafsi, Yaa nafsi, vindik ḥaajaat kwaisa katiira maḥfuuẓa le siniin katiira. Istariiḥi, wa ukli w_ashrabi wa kuuni mabsuuṭa.

²⁰ Wa laakin Allaah gaal leehu, Yaa ghashiim, al leela di biṭlub minnak nafsak, wa_j jahhaztu da yakuun le minu?

²¹ Wa bikuun kida leehu al bilimm kanz le nafsu, wa maa vindu ghina le Allaah.”

²² Wa hu gaal le talaamiizu, “Vashaan kida ana baguul leekum, maa tafakkiru katiir le ḥayaatkum bitaaklu shinu, wa laa fi jisimkum bitalbasu shinu.

²³ Vashaan al ḥayaat aḥsan min al akil, wa_j jisim aḥsan min al hiduum.

²⁴ Fakkiru fi_ṭ ṭuyuur, al maa bizravu wa laa bijmavu_d dura, wa maa vindahum beet wa laa maxzan, wa Allaah biddiihum akil. Wa intu aḥsan min aṭ ṭuyuur be katiir!

²⁵ Wa minu minnakum iza kaan bifakkir katiir yagdar yaziid vala ṭuulu ḍuraav waaḥid?

²⁶ Wa vala kida, iza maa bitagdaru vala_sh shi al aṣghar, le shinu tafakkiru fi_l ḥaajaat at taanya?

²⁷ Fakkiru fi_ẓ ẓuhuur, keef biyakbiru. Wa maa yatvabu wa maa yaxayyiṭu. Wa laakin aguul leekum, wa laa Suleemaan fi kullu majdu kaan bilbas zei waaḥda minnaha.

²⁸ Wa iza kaan Allaah yalabbis kida al geshsh al fi_z ziraava an nahaar da, wa bukra birmuuhu fi_l furn, kam be_l aktar yalabbiskum, yaa galiiliin al iimaan.

²⁹ Wa maa taṭlubu bitaaklu shinu wa bitashrabu shinu. Wa maa titḥayyaru.

³⁰ Vashaan al ḥaajaat di, kullu umam ad dunya yaṭlubuuha, wa laakin Abuukum biyavrif intu taḥtaaju leeha.

³¹ Laakin aṭlubu malakuut Allaah, wa_l ḥaajaat di kulluha biziidu leekum.

³² Maa taxaafu, yaa_l muraaḥ aṣ ṣaghiir, vashaan Abuukum raḍyaan yaddiikum al malakuut.

³³ Biivu_l ḥaajaat al vindakum, wa addu le_l masaakiin. Wa avmilu leekum akyaas al maa bitsharraṭu, wa kanz fi_s sama al maa bitaxlaṣ, wa_l ḥaraami maa yagdar yagarribu leehu, wa_s suus maa yaaklu.

³⁴ Vashaan al bakaan al fiihu kanzakum, hinaak kamaan galbakum bikuun fih.

AL XADDAAM AL AMIIN WA_L MUAH AMIIN

³⁵ Arbuṭu ḥizaamkum wa xallu lambaatkum bitkuun mawallava.

³⁶ Wa kuunu zei naas munṭaẓiriin siidum lamma yarjav min al viris, valashaan lamma yaji wa yadugg al baab, yaftaḥu leehu ṭawwaali.

³⁷ Mubaarakiin al xaddaamiin deel iza siidum yaji wa yalgaahum ḥaarisiin. Be_l ḥagg aguul leekum, huwa birbuṭ ḥizaamu, wa yagavvidum fi_ṭ ṭarabeeza wa yagaddim leehum akil.

³⁸ Wa ’in kaan huwa ja fi nuṣṣ al leel walla bavdu be shwaiya wa ligaahum ḥaarisiin, baraka le_l xaddaamiin deel.

³⁹ Wa laakin afhamu, iza siid al beet virif as saava al yaji fiiha_l ḥaraami, maa kaan xalla_l ḥaraami yasrig beetu.

⁴⁰ Vala kida xalliikum jaahiziin, vashaan fi_s saava al maa munṭaẓiriinu, fiiha Ibn al insaan yaji.”

⁴¹ Wa Buṭrus gaal, “Yaa Rabb, (?) bitguul leena al masal da walla le kull an naas kamaan?”

⁴² Wa Yasuuv gaal leehu, “Minu huwa al wakiil al amiin wa_l vaagil, as siidu biyavmilu mas’uul van xaddaamiinu? Wa huwa_l mas’uul vashaan yaddiihum al akl fi waktu.

⁴³ Mubaarak al xaddaam da, iza siidu yaji, yilgaahu yavmil kida.

⁴⁴ Be_l ḥagg aguul leekum, siidu yavmilu mas’uul van kullu amwaalu.

⁴⁵ Laakin iza_l xaddaam da gaal fi galbu, Siidi maa biji gariib, wa bavdeen ibtada yaḍrub al xaddaamiin wa_l xaddaamaat, wa yaakul wa yashrab wa yakuun sakraan,

⁴⁶ bavdeen siid al xaddaam da biji fi yoom maa yantaẓiru, wa fi saava maa yavrifa. Wa yajlidu shadiid wa yaxuṭṭu mava_l maa miṣaddigiin.

⁴⁷ Wa_l xaddaam al virif iraadat siidu, wa maa jahhaz nafsu, wa maa vamal iraadat siidu, bijlidu katiir.

⁴⁸ Wa_l maa virif wa vamal ḥaajaat tistaḥigg aj jalda, bijliduuhu shwaiya. Wa kullu_l addoohu katiir yaṭlubu minnu katiir, wa_l vindu sulṭa katiir yaṭlubu minnu aktar.

⁴⁹ Ana jiit vashaan armi naar vala_l arḍ. Wa hassav ana vaawiz an naar bitkuun mawallava.

⁵⁰ Vindi mavmuudiyya atvammad beeha. Ad dunya ḍaaiga giddaami lighaayat maa tatimm.

⁵¹ Fikrakum ana jiit vashaan addi salaam vala_l arḍ? Aguul leekum, Laa. Laakin jiit vashaan agassim.

⁵² Vashaan min hassav bikuunu xamsa fi beet waaḥid, mingasmiin talaata vala itneen walla itneen vala talaata.

⁵³ Yingasim al abu vala_l walad, wa_l walad vala_l abu, wa_l umm vala_l bint, wa_l bint vala_l umm, wa_n nasiiba vala marat walada, wa marat walada vala nasiibata.”

⁵⁴ Wa gaal le_j jamav kamaan, “Wakit shuftu saḥaab ṭaaliv min al gharb, ṭawwaali taguulu, Al maṭar biji. Wa bikuun kida.

⁵⁵ Wa iza shuftu habuub taji min aj januub, taguulu, Al waaṭa bitkuun ḥaarra. Wa bitkuun kida.

⁵⁶ Yaa manaafigiin, intu tagdaru tavrifu kullu van al arḍ wa_s sama, wa taguulu shinu al biḥṣal, wa keef maa tavrifu mavna az zaman da?

⁵⁷ Wa le shinu intu nufuuskum maa bitagdaru taḥkumu be_l ḥagg?

⁵⁸ Wakit inta maashi mava vaduwwak le_l gaaḍi, jarrib katiir tavmil as salaam mavaahu lamma intu fi_s sikka, vashaan maa yajurrak le_l gaaḍi, wa_l gaaḍi yasallimak le_ḍ ḍaabiṭ, wa_ḍ ḍaabiṭ yarmiik fi_s sijin.

⁵⁹ Aguul leek, maa bitaṭlav lighaayat maa tadfav aaxir milliim.”