Luuga 10 - Kitaab al Vahd aj Jadid 1978

YASUUV YARASSIL AS SABVINN

¹ Wa bavd kida, ar Rabb ixtaar sabviin taanyiin wa rassalum itneen itneen giddaamu le kullu balad wa maḥall huwa vaawiz yamshi leehu.

² Wa gaal leehum, “Dura katiira jaahza, laakin ash shaghghaaliin galiiliin. Valashaan kida, aṭlubu min Rabb al ḥaṣaad vashaan yarassil shaghghaaliin le ziraavtu.

³ Amshu! Shuufu! Ana arassilkum zei xirfaan fi wasṭ marfaviin.

⁴ Maa tashiilu kiis wa laa juzlaan wa laa jizam. Wa maa tasallimu vala zool fi_s sikka.

⁵ Wa aiyi beet tadxuluuhu, guulu fi_l awwal, Salaam le_l beet da.

⁶ Wa iza kaan hinaak insaan as salaam, salaamkum bikuun valeehu. Wa iza maa fih, salaamkum birjav leekum.

⁷ W_agvudu fi zaat al beet, wa uklu w_ashrabu al yadduuhu leekum, vashaan ash shaghghaal mustaḥigg ujratu. Wa maa tamshu min beet le beet.

⁸ Wa aiya madiina tadxuluuha wa hum yagbaluukum, uklu min al yagaddimuuhu leekum.

⁹ W_ashfu_l marḍaaniin al fi_l beet, wa guulu leehum, Malakuut Allaah garrab minnakum.

¹⁰ Wa aiya madiina ṭadxuluuha wa hum maa yagbaluukum, aṭlavu fi shawaariva wa guulu,

¹¹ Ḥatta turaab baladkum al liṣig fi rijleena nahizzu valeekum. Wa laakin avrifu ’innu malakuut Allaah garrab.

¹² Aguul leekum, ḥaalat Saduum bitkuun aḥsan fi_l yoom daak min al ḥaala al bitkuun le_l balad diik.

¹³ Muṣiiba leeki, yaa Kuuraziin! Muṣiiba leeki, yaa Beetṣaida! Iza kaan al guwwaat al vamalooha fi Ṣuur wa Ṣeedaa vamalooha fiikum, kaanu taabu zamaan laabsiin ash shawaal wa yaxuṭṭu_r ramaad foog raasum.

¹⁴ Laakin fi yoom al ḥukm, ḥaalat Ṣuur wa Ṣeedaa bitkuun aḥsan min al ḥaala al bitkuun leekum.

¹⁵ Wa inti, yaa Kafranaaḥuum, bitkuuni marfuuva le_s sama? Bitanzili inti le_l Haawiya.

¹⁶ Al yasmavkum yasmavni, wa_l yarfuḍkum yarfuḍni, wa_l yarfuḍni yarfuḍ ar rassalni.”

¹⁷ Wa_s sabviin rajavu be faraḥ wa gaalu, “Ḥatta_sh sheyaaṭiin yaṭiivuuna be ismak.”

¹⁸ Wa gaal leehum, “Ana kunta ashuuf ash Sheeṭaan yagav mitil al barg min as sama.

¹⁹ Shuuf! Ana addeetkum as sulṭa taduusu_d dabaayib wa_l vagaarib, wa vala kullu gudrat al vadu. Wa maa fih shi yajraḥkum.

²⁰ Wa laakin maa tafraḥu vashaan al arwaaḥ yasmavu leekum, laakin afraḥu vashaan usuumkum maktuuba fi_s sama.”

²¹ Wa fi_s saava di, hu firiḥ katiir be_r Ruuḥ al Gudus wa gaal, “Aḥmadak, yaa Abuui, yaa Rabb as sama wa_l arḍ, vashaan dasseet al ḥaajaat di min al mitvallimiin wa_l faahmiin, wa warreeta le_l awlaad aṣ ṣughaar. Aiwa, yaa Abuui, vashaan kaan min iraadatak ’an yakuun kida.

²² Abuui addaani kullu shi. Wa maa fih zool yavrif al Ibn huwa minu, illa al Abu, Wa_l Abu huwa minu illa al Ibn, wa kull al Ibn vaawiz yawarri nafsu leehu.”

²³ W_itlafat le talaamiizu wa gaal leehum baraahum, “Mubaarakiin al vuyuun al bishuufu_l intu bitshuufuuhu.

²⁴ Vashaan aguul leekum, anbiya kutaar wa muluuk daaru yashuufu_l ḥaajaat al intu bitshuufuuha, wa maa shaafooha. Wa daaru yasmavu_l intu bitasmavuuha, wa maa simivooha.”

MASAL AS SAAMIRI AṬ ṬAIYIB

²⁵ Wa shuuf! Raajil virif al gaanuun gaam yajarribu wa gaal, “Yaa Muvallim, avmil shinu vashaan alga al ḥayaat al abadiyya?”

²⁶ Wa gaal leehu, “Shinu al maktuub fi_l gaanuun? Bitagraahu keef?”

²⁷ Wa radda wa gaal, “Taḥibb ar Rabb Ilaahak min kullu galbak wa min kullu nafsak wa min kullu gudratak wa min kullu vaglak, wa kamaan jaarak zei nafsak.”

²⁸ Wa gaal leehu, “Jaawabta be_l ḥagg. Avmil kida wa taḥya.”

²⁹ Laakin huwa kaan vaawiz yabarrir nafsu, wa gaal le Yasuuv, “Wa minu huwa jaari?”

³⁰ Wa Yasuuv radda wa gaal, “Kaan fih raajil naazil min Uurushaliim le Ariiḥa, wa wagav fi wasiṭ al ḥaraamiyya. Wa galavu minnu hiduumu, wa jaraḥoohu, wa mashu. Wa xalloohu been ḥai wa meyyit.

³¹ Wa be_ṣ ṣudfa, gassiis nazal be_ṭ ṭariig daak. Wa lamma shaafu, faat min aj jamb at taani.

³² Wa waaḥid Laawi kamaan zeiyu, lamma wiṣil al maḥall wa shaafu, faat min aj jamb at taani.

³³ Wa laakin waaḥid Saamiri misaafir ja leehu. Wa lamma shaafu, raḥamu.

³⁴ Wa garrab minnu wa rabaṭ juruuḥu, wa kabb valeeha zeet wa xamar, wa rakkabu vala ḥumaaru, wa jaabu le lukanda, wa shaafu kwaiyis.

³⁵ Wa_l yoom al bavdu, ṭallav diinaareen wa addaahum le siid al lukanda wa gaal leehu, Shuufu kwaiyis, wa kull at taṣrufu ziyaada, lamma arjav, badfavu leek.

³⁶ Fikrak shinu, yaatu min at talaata deel biga jaar le_l wagav fi wasiṭ al ḥaraamiyya?”

³⁷ Wa gaal, “Huwa_l vamal leehu_r raḥma.” Wa Yasuuv gaal leehu, “Amshi inta kamaan w_avmil kida.”

FI BEET MARYAM WA MARTA

³⁸ Wa wakit hum maashiin, huwa daxal ḥilla. Wa mara isima Marta giblatu fi beeta.

³⁹ Wa kaanat leeha uxut isima Maryam, al kamaan gavadat vind gadameen Yasuuv wa kaanat tasmav kalaamu.

⁴⁰ Wa laakin Marta kaanat mashghuula fi xidma katiira. Wa jaat leehu wa gaalat, “Yaa Rabb, maa bihimmak ’innu uxti xallatni ashtaghil baraai? Guul leeha ’an tasaavidni.”

⁴¹ Wa_r Rabb radda wa gaal leeha, “Yaa Marta, yaa Marta, inti mashghuula wa bitfakkiri fi ḥaajaat katiira.

⁴² Laakin aḍ ḍaruuri, ḥaaja waaḥda. Wa Maryam ixtaarat aj juz as samiḥ al maa yaaxuduuhu minnaha.”