Avmaal 7 - Kitaab al Vahd aj Jadid 1978

ISTIFAANUUS GIDDAAM AL MAJLIS

¹ Wa ra’iis al gusus gaal, “Kalaam al mushtakiin huwa_l ḥagg?”

² Wa gaal, “Yaa axwaan wa abahaat, asmavu! Ilaah al majd ẓahar le abuuna Ibraahiim, wa huwa fi Viraak gubbaal maa sakan fi Ḥaaraan.

³ Wa gaal leehu, Amrug min baladak wa min ahlak, w_amshi le_l balad al ana bawarriik.

⁴ Wa kida, marag min balad al Kaldaaniyyiin wa sakan fi Ḥaaraan. Wa min hinaak bavd moot abuuhu, Allaah rassalu le_l balad di al intu hassav saakniin fiiha.

⁵ Wa maa addaahu fiiha miiraat walla ḥittat arḍ vashaan yaxuṭṭ rijlu fooga. Laakin Allaah gaal be_l ḥagg huwa yaddiihu leehu mulk wa le awlaadu bavdu. Wa fi_l wakit daak Ibraahiim maa kaan vindu walad.

⁶ Wa Allaah itkallam kida wa gaal, Awlaadak bikuunu zei naas min balad taanya fi balad ghariiba, wa hinaak bikuunu vabiid wa biẓlimuuhum urbuvmiyyat sana.

⁷ Wa ana baḥkum vala_l umma al bitavmilum vabiid, yaguul ar Rabb. Wa bavd da, biyamrugu wa biyavbuduuni fi_l maḥall da.

⁸ Wa hu adda Ibraahiim ittifaag aṭ ṭahuur. Wa kida Ibraahiim walad Iṣ‐ḥaag, wa ṭahharu al yoom at taamin. Wa Iṣ‐ḥaag walad Yavkuub wa Yavkuub walad ru’asaa al abahaat al iṭnaashar.

⁹ Wa ru’asaa_l abahaat ḥasadu Yuusif wa baavoohu le Maṣir. Wa laakin Allaah kaan mavaahu,

¹⁰ wa xallaṣu min kullu atvaabu, w_addaahu nivma wa ḥikma giddaam Firvoon malik Maṣir. Wa Firvoon vamalu ra’iis vala Maṣir wa vala kullu ahl beetu.

¹¹ Bavdeen ja juuv fi kullu Maṣir wa Kanvaan, wa tavb shadiid. Wa abahaatna maa gidru yalgu akil.

¹² Wa lamma Yavkuub simiv fih dura fi Maṣir, hu rassal abahaatna awwal marra.

¹³ Wa fi_l marra_t taanya, Yuusif kallam axwaanu van nafsu huwa minu. Wa Yuusif warra ahlu le Firvoon.

¹⁴ Wa bavd da Yuusif rassal wa naada Yavkuub abuuhu wa kullu ahlu, xamsa wa sabviin zool vashaan yaju leehu.

¹⁵ Wa Yavkuub nazal le Maṣir wa maat hinaak, huwa wa abahaatna.

¹⁶ Wa shaaloohum le Shakiim, wa dafanoohum fi_l gabur al Ibraahiim ishtaraahu be taman fiḍḍa min awlaad Ḥamuur fi balad Shakiim.

¹⁷ Wa lamma al wakit garrab vashaan Allaah yatimm kalaamu le Ibraahiim, vadad an naas kaan biziid, wa hum bigu katiiriin jiddan fi Maṣir,

¹⁸ lighaayat maa gaam malik taani al maa virif Yuusif.

¹⁹ Al malik da ghashsha jinsana, wa ẓalam abahaatna, ḥatta ramu aṭfaalum barra valashaan yamuutu.

²⁰ Wa fi_l wakit daak, Muusa itwalad, wa kaan jamiil jiddan, wa ḥafaẓoohu talaata shuhuur fi beet abuuhu.

²¹ Wa lamma xalloohu, bint Firvoon malik Maṣir axadatu, wa rabbatu le nafsa zei walada.

²² Wa Muusa itvallam kullu ḥikmat al Maṣriyyiin, wa kaan vindu gudra fi kalaamu wa avmaalu.

²³ Wa wakit vumr Muusa biga arbaviin sana, daxal fi galbu yazuur axwaanu bani Israa’iil.

²⁴ Wa shaaf waaḥid minnahum kaan maẓluum, wa gaam saavadu wa intagam le_l maẓluum, wa ḍarab al Maṣri.

²⁵ Wa Muusa iftakar axwaanu biyafhamu ’an Allaah biddiihum al xalaaṣ be iidu. Laakin hum maa fihmu.

²⁶ Wa fi_l yoom at taani ja leehum, wa hum yashaaklu bavḍahum mava bavḍ. Wa jarrab yawarriihum ṭariig as salaam wa gaal, Yaa rujaal, intu axwaan, le shinu tashaaklu bavḍakum mava bavḍ?

²⁷ Laakin al kaan bishaakil jaaru lazza Muusa wa gaal, Minu sawweetak ra’iis wa gaaḍi valeena?

²⁸ Inta vaawiz taktulni mitil maa katalta_l Maṣri umbaariḥ?

²⁹ Wa Muusa harab be sabab al kalaam da, wa biga zool ghariib fi balad Madyaan. Wa hinaak walad waladeen.

³⁰ Wa lamma tammat leehu arbaviin sana, malaak ar Rabb ẓahar le Muusa fi xala Jabal Siina fi naar fi shajara.

³¹ Wa lamma Muusa shaaf da, itvajjab min al manẓar. Wa wakit maa hu garrab vashaan yavaayin fiiha, ja leehu ṣoot ar Rabb.

³² Ana Ilaah abahaatak, Ilaah Ibraahiim wa Is‐ḥaag wa Yavkuub. Wa Muusa rajaf wa xaaf yavaayin.

³³ Wa_r Rabb gaal leehu, Aglav jizamak min rijleek, vashaan al maḥall al inta waagif foogu, di arḍ magaddasa.

³⁴ Ana be_l ḥagg shufta ẓulm an naas bitaavi fi Maṣir, wa simivta ṣoot as shakwa, wa nazalta vashaan axalliṣum. Tavaal hassav. Ana barassilak le Maṣir.

³⁵ Da Muusa al hum kaanu nakaroohu lamma gaalu, Minu vamalak ra’iis wa gaaḍi leena? Huwa_l insaan ar rassalu Allaah vashaan yakuun ra’iis wa muxalliṣ be musaavdat al malaak aẓ ẓahar leehu fi_sh shajara.

³⁶ Huwa ṭallavum min Maṣir, wa vamal vajaayib wa valaamaat fi balad Maṣir, wa fi_l Baḥar al Aḥmar, wa fi_l xala muddat arbaviin sana.

³⁷ Da Muusa al gaal le bani Israa’iil, Allaah bigawwim leekum nabi zeiya min axwaankum.

³⁸ Wa da huwa al kaan mava al kaniisa fi_l xala, wa mava_l malaak al kallamu fi Jabal Siina, wa mava abahaatna. Wa axad kilmaat ḥaiya vashaan yaddiiha leena.

³⁹ Laakin abahaatna abu Yasmavuuhu wa rafaḍoohu nafsu, wa ibtadu yafakkiru fi_l ḥaajaat al fi Maṣir.

⁴⁰ Wa gaalu le Haruun, Avmil leena aṣnaam al bimshu giddaamna. Wa Muusa da aṭ ṭallavna min balad Maṣir, maa binavrif ḥaṣal leehu shinu!

⁴¹ Wa hum vamalu vijil fi_l aiyaam deelaak, wa gaddamu ḍabiiḥa le _ṣ ṣanam, wa kaanu mabsuuṭiin be avmaal iideenum.

⁴² Laakin Allaah dawwar minnahum wa xallaahum yavbudu nujuum as sama, zei maa hu maktuub fi Kitaab al Anbiya, (?) Intu gaddamtu leiya ḍabaayiḥ wa tagdimaat arbaviin sana fi_l xala, yaa beet Israa’iil?

⁴³ Laa, laakin shiltu xeemat Muulak, wa najmat aṣ ṣanam bitaavkum Ramfaan, al aṣnaam as sawweetuuha vashaan tavbuduuha. Valashaan kida, barassilkum baviid le ghaadi balad Baabil.

⁴⁴ Wa abahaatna kaanu vindahum xeemat ash shahaad fi_l xala. Wa zei maa Allaah adda amr le Muusa, hu vamalu zei al warraahu Allaah.

⁴⁵ Wa bavdeen abahaatna lamma axadu_l xeema, jaabooha mavaahum lamma daxalu_l arḍ mava Yashuuv. Wa axadu_l arḍ min al umam, wa Allaah ṭaradum giddaamum. Wa_l xeema istannat hinaak lighaayat aiyaam Daawuud,

⁴⁶ al liga nivma giddaam Allaah, wa ṭalab izin vashaan yalga beet le Ilaah Yavkuub.

⁴⁷ Laakin Suleemaan bana leehu beet.

⁴⁸ Laakin Allaah al Vaali maa biskun fi heyaakil as sawwata_l iideen. Zei maa yaguul an nabi,

⁴⁹ As sama kursi leiya, wa_l arḍ bambar le rijleiya. Nuuv al beet al bitabnu leiya bikuun shinu? yaguul ar Rabb, wa maḥall raaḥati bikuun ween?

⁵⁰ Iidi maa vamalat al ḥaajaat di kullu?

⁵¹ Yaa naas ru’uuskum gawwiyyiin wa guluubkum baṭṭaaliin wa iḍneekum maa bismavu kalaam al ḥagg! Intu bitgaawimu_r Ruuḥ al Gudus daaiman. Zei maa abahaatkum kaanu biyavmilu, intu kamaan bitavmilu.

⁵² Yaatu nabi min al anbiya, abahaatkum maa ṭaradoohu? Wa hum katalu_n naas al itnabbu min gubbaal be_l Baarr aj jaai. Wa hassav intu nakartuuhu wa kataltuuhu.

⁵³ Intu_l axadtu_l gaanuun be iid al malaaika wa maa ḥafaẓtuuhu.”

MOOT ISTIFAANUUS

⁵⁴ Wa lamma simivu da, kaanu zavlaaniin katiir xalaaṣ, wa vaḍḍu be sinuunum valeehu.

⁵⁵ Laakin Istifaanuus kaan malyaan be_r Ruuḥ al Gudus, wa vaayan le_s sama, wa shaaf majd Allaah wa Yasuuv waagif van yamiin Allaah.

⁵⁶ Wa gaal, “Shuufu, ana bashuuf as sama maftuuḥa, wa Ibn al insaan waagif van yamiin Allaah.”

⁵⁷ Wa hum kooraku be ṣoot vaali, wa gafalu iḍneehum, wa hajamu valeehu be fikr waaḥid.

⁵⁸ Wa ramoohu barra min al madiina w_ibtadu yarmuuhu be ḥujaar. Wa_sh shaahidiin xaṭṭu hiduumum fi rijleen shaabb ismu Shaawuul.

⁵⁹ Wa wakit maa kaanu birmu Istifaanuus be ḥujaar, hu kaan biṣalli wa yaguul, “Yaa Rabb Yasuuv, agbal ruuḥi.”

⁶⁰ Wa bavd da, wagav vala rukbateehu wa koorak be ṣoot vaali, “Yaa Rabb, maa taxuṭṭ al xaṭiyya di le ḥisaabum.” Wa lamma gaal kida, hu naam.