Avmaal 5 - Kitaab al Vahd aj Jadid 1978

ḤANAANIYYA WA SAFFIIRA

¹ Wa raajil ismu Ḥanaaniyya wa maratu Saffiira baavu juz min amwaalum.

² Wa hu axad juz min at taman le nafsu, wa maratu virfat daak. Laakin hu jaab al baagi, wa xaṭṭaahu fi rijleen ar rusul.

³ Wa Buṭrus gaal, “Yaa Ḥanaaniyya, le shinu ash Sheeṭaan mala galbak ḥatta takaḍḍib vala_r Ruuḥ al Gudus, wa taaxud juz min taman az ziraava le nafsak?

⁴ Gubbaal maa bivta, maa kaan ḥaggatak? Wa bavd maa bivta, al guruush maa kaanat ḥaggatak? Maalak fakkarta fi galbak tasawwi ḥaaja zei di? Inta maa kaḍḍabta vala_n naas laakin vala Allaah.”

⁵ Wa wakit Ḥanaaniyya simiv al kalaam da, wagav wa maat. Wa xoof vaẓiim wagav vala kullu_s simivu be daak.

⁶ Wa_sh shabaab gaamu wa laffu jismu wa shaaloohu barra wa dafanoohu.

⁷ Wa bavd da be talaata saavaat tagriiban, maratu daxalat, wa hiya maa kaanat bitavrif al ḥaṣal.

⁸ Wa Buṭrus gaal leeha, “Guuli leiya, inti wa raajlik bivtu_z ziraava be_t taman da?” Hiya gaalat, “Aiwa, be_t taman da.”

⁹ Wa Buṭrus gaal leeha, “Maalkum? Keef ittafagtu vala tajribat Ruuḥ ar Rabb? Shuufi! Ar rujaal ad dafanu raajlik vala_l baab, wa hum bishiiluuki barra.”

¹⁰ Wa ṭawwaali wagavat fi rijleehu wa maatat. Wa wakit ash shabaab daxalu, ligooha meyyita, wa shaalooha barra wa dafanooha jamb raajila.

¹¹ Wa xoof vaẓiim wagav vala kullu_l kaniisa wa vala kullu_s simivu be daak.

¹² Wa_r rusul vamalu valaamaat wa vajaayib katiira been an naas. Wa kulluhum kaanu be nafs waaḥda fi baraandat Suleemaan.

¹³ Wa maa fih waaḥid min at taanyiin vindu shujaava ḥatta yooṣal beehum. Laakin an naas kaanu biḥtarimuuhum.

¹⁴ Laakin al mi’aaminiin kaanu bitlammu le_r Rabb aktar wa aktar, vadad kabiir min ar rujaal wa_n niswaan.

¹⁵ Wa_n naas kaanu bijiibu_l vaiyaaniin le_s sikak, wa bixuṭṭuuhum vala vanaagriib wa buruush, valashaan iza mumkin ḍull Buṭrus yagav vala bavḍ minnahum.

¹⁶ Wa vadad kabiir min an naas ijtamavu fi Uurushaliim min kull al bilaad aj jambu, wa hum yashiilu_l vaiyaaniin wa_n naas at tavbaaniin vashaan fiihum ash sheyaaṭiin. Wa kulluhum kaanu bilgu_l vaafiya.

ṬARAD WA GAḌIYYAT AR RUSUL

¹⁷ Wa gaamu ra’iis al gusus wa kullu_l mavaahu, wa hum al ḥizb aṣ Ṣadduugiyyiin, wa itmalu min al ḥasad.

¹⁸ Wa gabaḍu vala_r rusul, wa xaṭṭoohum fi_s sijin al bikuun le kullu_n naas.

¹⁹ Laakin malaak ar Rabb fataḥ abwaab as sijin fi_l leel, wa marragum, wa gaal leehum,

²⁰ “Amshu, wa agiifu fi_l heekal, wa kallimu_n naas be kullu kilmaat al ḥayaat di.”

²¹ Wa lamma simivu da, daxalu_l heekal fi_s ṣabaaḥ badri wa ibtadu yavallimu. Wa lamma ra’iis al gusus wa_l mavaahu jo, jamavu_l majlis wa kullu shuyuux Israa’iil. Wa rassalu le_s sijin vashaan yajiibu_r rusul.

²² Wa laakin lamma aḍ ḍubbaaṭ jo, maa ligoohum fi_s sijin. Wa valashaan kida, rajavu wa xabbaru.

²³ Wa gaalu, “Ligiina_s sijin magfuul shadiid wa_l ḥaarisiin waagfiin giddaam al abwaab, wa laakin lamma fataḥnaaha, maa ligiina waaḥid juwwa.”

²⁴ Wa wakit ra’iis al heekal wa_l gusus al kubaar simivu_l kalaam da, kaanu bitḥayyaru van al biyaḥṣal bavd da.

²⁵ Fi_l wakit daak, waaḥid ja wa xabbarum wa gaal, “Shuufu! Ar rujaal al intu xaṭṭeetuuhum fi_s sijin, hum waagfiin fi_l heekal yavallimu_n naas.”

²⁶ Valashaan kida, ar ra’iis marag mava ad ḍubbaaṭ wa jaab ar rusul biduun shidda, vashaan kaanu bixaafu min an naas yimkin yaḍrubuuhum be ḥujaar.

²⁷ Wa lamma jaaboohum, waggafoohum giddaam al majlis wa ra’iis al gusus sa’alum.

²⁸ Wa gaal, “Addeenaakum amr maa tavallimu be_l ism da. Laakin shuufu, intu maleetu Uurushaliim be tavliimkum, wa vaawziin taxuṭṭu valeena damm al insaan da.”

²⁹ Wa Buṭrus wa_r rusul at taanyiin raddu wa gaalu leehum, “Niḥna laazim nasmav Allaah aktar min an naas.

³⁰ Allaah abahaatna gawwam Yasuuv min been al meyyitiin, al intu kataltuuhu lamma vallagtuuhu vala_l xashab.

³¹ Wa Allaah rafavu be yamiinu yakuun Ra’iis wa Muxalliṣ, vashaan yaddi le Israa’iil at tooba wa ghufraan al xaṭaaya.

³² Wa niḥna shaahidiin leehu be_l ḥaajaat di, wa niḥna wa_r Ruuḥ al Gudus al addaahu Allaah le_l biṭiivuuhu.”

³³ Wa lamma simivu da, zivilu shadiid, wa daaru yaktuluuhum.

³⁴ Laakin kaan fih raajil Farriisi, ismu Ghamaalaa’iil. Wa huwa muvallim le_l gaanuun, wa muḥtaram giddaam kullu_n naas. Wa gaam wa amarum yaaxdu_r rujaal barra le wakit galiil.

³⁵ Fi_l wakit da gaal leehum, “Yaa rujaal Israa’iil, xallu baalkum be_l intu daayiriin tavmilu be_r rujaal deel.

³⁶ Vashaan gubbaal al aiyaam di, gaam Tuudaas, al gaal van nafsu, hu kabiir. Wa bavḍ min ar rujaal itlammu leehu urbuvmiyya tagriiban. Laakin hu kaan maktuul, wa kullu_l mashu waraahu itfartaku, wa kullu bigu kalaam faaḍi.

³⁷ Wa bavd da gaam Yahuuza, aj Jaliili, fi aiyaam kitaabat al usuum, wa jarra bavḍ an naas waraahu. Hu kamaan kaan maktuul wa kullu_l mashu waraahu itshattatu.

³⁸ Wa hassav, baguul leekum, kuunu baviid min ar rujaal deel wa xalluuhum! Vashaan iza kaan al fikr da walla_l vamal da min an naas, hu bibga wa laa ḥaaja.

³⁹ Wa iza hu min Allaah, maa bitagdaru tawaggifu_r rujaal deel, laakin bitḥaaribu Allaah kamaan!”

⁴⁰ Wa hum ittafagu mavaahu wa naadu_r rusul wa jaladoohum. Wa amarum maa yitkallamu be ism Yasuuv. Wa bavd da xalloohum yamshu.

⁴¹ Wa valashaan kida, hum mashu min al majlis mabsuuṭiin valashaan ḥasaboohum mustaḥiggiin ’an yakuunu maa muḥtarmiin vashaan ismu.

⁴² Wa kaanu kullu yoom fi_l heekal wa fi_l buyuut, wa maa baṭṭalu abadan bivallimu wa bibashshiru be Yasuuv al Masiiḥ.