Avmaal 3 - Kitaab al Vahd aj Jadid 1978

BUṬRUS YASHFI AR RAAJIL AL AVRAJ

¹ Wa Buṭrus wa Yuuḥanna kaanu yaṭlavu le_l heekal le ṣala as saava talaata bavd aḍ ḍuhr.

² Wa naas kaanu yashiilu raajil avraj min baṭun ummu. Wa kullu yoom kaanu bixuṭṭuuhu vind baab al heekal al ismu_j Jamiil, valashaan yas’al ṣadaga min ad daaxliin al heekal.

³ Wa lamma shaaf Buṭrus wa Yuuḥanna daayriin yadxulu_l heekal, hu ṭalab minnahum ṣadaga.

⁴ Wa Buṭrus wa Yuuḥanna vaayanu leehu, wa Buṭrus gaal leehu, “Vaayin leena.”

⁵ Wa_r raajil xaṭṭ baalu leehum wa iftakar biyaaxud minnahum ḥaaja.

⁶ Wa Buṭrus gaal, “Maa vindi fiḍḍa walla dahab, laakin al vindi baddiihu leek. B_ism Yasuuv an Naaṣiri, guum w_amshi.”

⁷ Wa masaku be iidu_l yamiin, wa rafavu. Wa ṭawwaali rijleehu wa kavbeenu itshaddadu.

⁸ Wa hu naṭṭa wa gaam wa bada yamshi, wa daxal mavaahum le_l heekal, wa huwa yamshi wa yanuṭṭ wa yaḥmad Allaah.

⁹ Wa kullu_n naas shaafoohu wa hu maashi wa yaḥmad Allaah.

¹⁰ Wa virfoohu zaat ar raajil da al kaan bigvud fi_l Baab aj Jamiil bitaavat al heekal, wa biṭlub aṣ ṣadaga. Wa hum istaghrabu wa itvajjabu valashaan al ḥaaja_l ḥaṣalat leehu.

¹¹ Wakit hu kaan bimsik Buṭrus wa Yuuḥanna, kullu_n naas jaru leehum le_l baraanda al isima baraandat Suleemaan, wa hum mustaghrabiin.

¹² Wa lamma Buṭrus shaaf da, gaal le_n naas, “Yaa rujaal Israa’iil, maalkum tistaghrabu min da? Wa le shinu tavaayinu leena zei niḥna vamalna_r raajil da yamshi be guwwatna walla vashaan niḥna giddiisiin?

¹³ Vashaan Allaah bitaav Ibraahiim wa Is‐ḥaag wa Yavkuub, Allaah abahaatna majjad Ibnu Yasuuv. Intu sallamtuuhu wa nakartuuhu giddaam Biilaaṭus lamma hu kaan daayir yafikku.

¹⁴ Wa laakin intu nakartu_l Gudduus al Baarr, wa ṭalabtu min Biilaaṭus ’an yaddiikum raajil kaatil an naas.

¹⁵ Wa kataltu Ra’iis al ḥayaat al gawwamu Allaah min been al meyyitiin. Wa niḥna shaahidiin le daak.

¹⁶ Wa_r raajil da biga shadiid be_l iimaan b_ism Yasuuv. Wa intu bitshuufuuhu wa bitavrifuuhu. Wa_l iimaan be Yasuuv adda_r raajil da al vaafiya at taamma giddaam kullukum.

¹⁷ Wa hassav, yaa axwaan, ana bavrif intu vamaltu da biduun fahm zei ru’uuskum sawwu kamaan.

¹⁸ Wa kida Allaah vamal al huwa kallamna beehu min gubbaal be xashm kullu_l anbiya ’innu Masiiḥu laazim yatvab.

¹⁹ Valashaan kida, tuubu w_arjavu le Allaah, fishaan Allaah yashiil xaṭaayaakum minnakum, wa valashaan wakit ar raaḥa biji min giddaam ar Rabb.

²⁰ Wa hu yarassil al Masiiḥ Yasuuv al muvayyan leekum min gubbaal.

²¹ Wa hu laazim yistanna fi_s sama lighaayat al wakit biji, lamma Allaah yarajjiv kullu shi. Wa hu itkallam van da be xashm kullu anbiyaahu min zamaan.

²² Vashaan Muusa gaal, Allaah Rabbkum bigawwim leekum min axwaankum nabi mitli. Laazim tasmavu leehu fi kullu_l bikallimkum beehu.

²³ Wa kullu waaḥid maa yasmav le_n nabi daak, yaktuluuhu.

²⁴ Wa kida kullu_l anbiya min Ṣamuu’iil wa_n naas al itkallamu bavdu, itnabbu be_l aiyaam di.

²⁵ W_intu awlaad al anbiya wa awlaad al ittifaag. Wa Allaah adda abahaatna al ittifaag da. Hu gaal le Ibraahiim, Be awlaadak kullu gabaayil al arḍ bikuunu mubaarakiin.

²⁶ Vashaan Allaah bavd maa gawwam xaddaamu, rassalu leekum fi_l awwal, fishaan yabaarikum wa yarajjiv kullu waaḥid minnakum min xaṭaayaahu.”