Avmaal 16 - Kitaab al Vahd aj Jadid 1978

RU’YA BUULUS FI TARUUWAAS

¹ Wa Buulus ja le Darba wa Listra. Wa kaan hinaak tilmiiz ismu Timutaawus, walad mara Yahuudiyya, mi’aamina, wa laakin abuuhu kaan Griigi.

² Wa_l axwaan al fi Listra wa Iiguuniya kaanu yaguulu Timutaawus shaabb ṭaiyib.

³ Wa Buulus kaan daayir yaaxudu mavaahu fi_s safar. Wa fishaan kida, ṭahharu valashaan al Yahuud al fi_l maḥallaat diik, vashaan kulluhum kaanu bivrifu abuuhu Griigi.

⁴ Wa hum kaanu bisaafiru min balad le balad. Wa kaanu bisallimuuhum al awaamir aj jahhazooha_r rusul wa_sh shuyuux al fi Uurushaliim vashaan yaḥfaẓuuha.

⁵ Wa_l kanaayis kaanu bishaddidu fi_l iimaan, wa biziidu fi_l vadad kullu yoom.

⁶ Wa bavd maa marru be Firigiyya wa maḥallaat Ghalaaṭiyya, ar Ruuḥ al Gudus maa xallaahum yitkallamu be_l kilma fi Aasiya.

⁷ Wa lamma jo le Miisiyya, jarrabu yamshu le Bisiniyya. Wa_r Ruuḥ maa xallaahum.

⁸ Valashaan kadi, faatu vala Miisiyya, wa nazalu le Taruuwaas.

⁹ Wa fi_l leel, ẓaharat le Buulus ru’ya. Kaan fih raajil min Makiduuniyya waagif, yaṭlub leehu wa yaguul.

¹⁰ “Tavaal le Makiduuniyya wa saavidna.” Wa ṭawwaali lamma Buulus shaaf ar ru’ya, ṭalabna namshi le Makiduuniyya vashaan it’akkadna ’an ar Rabb naadaana le nabashshirum.

¹¹ Wa saafarna fi_l baḥar min Taruuwaas, wa masheena fi sikka vadiila le Samuutraaki, wa_l yoom al bavdu le Niyabulus.

¹² Wa min hinaak le Fiilibbi, wa hiya awwal madiina fi mudiiriyyat Makiduuniyya wa kuuluuniyya Ruumaaniyya. Wa istanneena fi_l madiina di aiyaam galiila.

¹³ Wa fi yoom as sabit, maragna barra min baab al madiina le_l baḥar, le makaan iftakarna fiihu maḥall le _ṣ ṣala. Wa gavadna wa kallamna_n niswaan al itlammu hinaak.

¹⁴ Wa kaanat fih mara bitasmavna isima Liidiyya al bitbiiv gumaash banafsaji, min madiina Tiyatiira, wa bitxaaf Allaah. Wa_r Rabb fataḥ galba vashaan taxalli baala le_l biguulu Buulus.

¹⁵ Wa lamma itvammadat, hiya wa naas beeta, sa’alatna wa gaalat, “Iza ḥakamtu ana mi’aamina be_r Rabb, adxulu beeti wa agvudu fiihu.” Wa sa’alatna katiir, wa gavadna mavaaha.

BUULUS WA SIILA FI_S SIJIN FI FILIBBI

¹⁶ Wa ḥaṣal wakit maa niḥna kunna maashiin le makaan aṣ ṣala, gaabalatna xaddaama bitavmil ḥaajaat be_s siḥir. Wa kaanat bitjiib le asyaada guruush katiira be_s siḥir bitaava.

¹⁷ Wa hiya mashat wara Buulus wa_l kaanu mavaahu, wa koorakat wa gaalat, “Ar rujaal deel, hum xaddaamiin Allaah al Vaali, wa yabashshiruukum be ṭariig al xalaaṣ.”

¹⁸ Wa hiya vamalat kida aiyaam katiira, ḥatta Buulus tivib katiir min da, wa itlafat wa gaal le_r ruuḥ, “Ana aamurak b_ism Yasuuv al Masiiḥ, amrug minnaha.” Wa marag fi_d dagiiga diik.

¹⁹ Wa wakit asyaada shaafu maa gidru yaksibu guruush minnaha bavd da, gabaḍu vala Buulus wa Siila, wa jarroohum le_s suug giddaam al ḥukkaam.

²⁰ Wa jaaboohum le_l guḍaat wa gaalu, “Ar raajleen deel min naas al Yahuud. Wa hum yalaxbiṭu baladna.

²¹ Wa yavallimu be vaadaat maa be_l gaanuun vashaan nagbala wa navmila, vashaan niḥna naas Ruumaani.”

²² Wa_n naas gaamu valeehum. Wa_l guḍaat amaru vashaan yaglavu minnahum hiduumum, wa yaḍrubuuhum be_l vaṣaayaat.

²³ Wa lamma ḍaraboohum ḍarabaat katiira, ramoohum fi_s sijin. Wa amaru_s sajjaan yaḥrasum be_t tamaam.

²⁴ Wa huwa, vashaan gibil amr zei da, xaṭṭaahum fi_s sijin al fi juwwa, wa rabaṭ kirveenum be xashab magduud.

²⁵ Wa fi nuṣṣ al leel tagriiban, Buulus wa Siila kaanu yaṣallu wa yarattilu le Allaah, wa_l maḥbuusiin yasmavuuhum.

²⁶ Wa ḥaṣalat vala ghafla zalzala shadiida, ḥatta asaasaat as sijin hazzu. Wa ṭawwaali kullu abwaab as sijin infataḥu, wa janaaziir kulluhum itfakku.

²⁷ Wa lamma as sajjaan gaam min an noom, wa shaaf abwaab as sijin maftuuḥa, hu ṭallav seefu wa kaan vaawiz yaktul nafsu, fishaan iftakar kullu_l maḥbuusiin harabu.

²⁸ Laakin Buulus naadaahu be ṣoot vaali wa gaal, “Maa tavmil le nafsak ḥaaja baṭṭaala. Kulluna fih hina.”

²⁹ Wa ṭalab faanuus, wa jara le juwwa, wa wagav giddaam Buulus wa Siila wa huwa yarjif min al xoof.

³⁰ Wa bavd da, marragum wa gaal, “Yaa asyaadi, asawwi shinu vashaan akuun muxallaṣ?”

³¹ Wa gaalu, “Aamin be_r Rabb Yasuuv, wa bitaxlaṣ, inta wa ahl beetak.”

³² Wa kallamoohu wa kullu_l fi beetu be kilmat ar Rabb.

³³ Wa axadum fi_s saava diik min al leel, wa ghassal juruuḥum. Wa itvammad ṭawwaali, hu wa kullu ahl beetu.

³⁴ Wa axadum le beetu wa jaab leehum akl. Wa inbasaṭ mava kullu ahl beetu vashaan kaanu aamanu be Allaah.

³⁵ Wa lamman ja an nahaar, al guḍaat rassalu _ḍ ḍubbaaṭ yaguulu le_s sajjaan, “Fikk ar raajleen deel.”

³⁶ Wa_s sajjaan xabbar Buulus be_l kalaam da, “Al guḍaat rassalu vashaan yafikkuukum. Hassav amrugu w_amshu be salaam.”

³⁷ Wa Buulus gaal leehum, “Ḍaraboona giddaam an naas biduun muḥaakama, wa niḥna raajleen Ruumaaniyyiin. Wa ramoona fi_s sijin. Wa hassav yafikkuuna be_s sirr? Laa! Laakin xalluuhum nufuusum yaju wa yaaxuduuna barra.”

³⁸ Wa _ḍ ḍubbaaṭ xabbaru_l guḍaat be_l kalaam da. Wa hum xaafu lamma simivu hum naas Ruumaani.

³⁹ Wa jo leehum wa gaalu, “Niḥna mit’assifiin.” Wa jaaboohum barra min as sijin, wa sa’aloohum yamrugu min al madiina.

⁴⁰ Wa lamma maragu min as sijin, mashu le beet Liidiyya. Wa shaafu_l axwaan wa shajjavoohum. Wa bavd da maragu.