Afasus 2 - Kitaab al Vahd aj Jadid 1978

MIN AL MOOT LE_L ḤAYAAT

¹ Wa intu kuntu meyyitiin be_z zunuub wa_l xaṭaaya.

² Wa intu masheetu fiiha min gubbaal, ḥasab ṭurug ad dunya di, ḥasab ra’iis sulṭat al hawa, ar ruuḥ al bishtaghil hassav fi_n naas al maa biṭiivu.

³ Wa kulluna vishna beenum fi_z zaman al faat fi shahwaat jisimna. Wa kunna binavmil iraadat aj jism wa_l afkaar. Wa kunna be_ṭ ṭabiiva awlaad al ghaḍab zei an naas at taanyiin kamaan.

⁴ Laakin Allaah, valashaan huwa ḥabbaana be maḥabba vaẓiima wa huwa ghani fi_r raḥma,

⁵ vamalna ḥaiyiin mava al Masiiḥ lamma kunna meyyitiin be_l xaṭaaya. Vashaan be_n nivma intu muxallaṣiin.

⁶ Wa Allaah gawwamna mava_l Masiiḥ, wa vamalna nagvud mavaahu fi_l maḥallaat al fi_s sama fi_l Masiiḥ Yasuuv.

⁷ Hu vamal da vashaan yawarri fi_z zaman aj jaai, ghina nivmatu_l akbar be raḥmatu valeena fi_l Masiiḥ Yasuuv.

⁸ Valashaan be_n nivma intu muxallaṣiin be_l iimaan. Wa daak mush minnakum. Huwa hadiyyat Allaah,

⁹ mush min avmaal, vashaan waaḥid maa yashkur nafsu.

¹⁰ Valashaan niḥna shughl Allaah, wa huwa xalagna fi_l Masiiḥ Yasuuv vashaan navmil avmaal kwaisa, aj jahhaza Allaah min gubbaal vashaan navmila.

WAAḤID FI_MASIIḤ

¹¹ Valashaan kida, itzakkaru intu kuntu min gubbaal min al umam ḥasab aj jisim. Wa_l yasammuuhum muṭahhariin be da al mavmuul fi_j jisim be_l iideen, hum yasammuukum maa muṭahhariin.

¹² Vashaan intu kuntu fi_l wakit daak biduun al Masiiḥ, ghariibiin van ahl Israa’iil, ghariibiin van ittifaagaat al wavad, biduun rajaa wa biduun Allaah fi_d dunya.

¹³ Laakin hassav fi_l Masiiḥ, intu al kuntu baviidiin bigiitu gariibiin be damm al Masiiḥ.

¹⁴ Vashaan huwa salaamna, wa huwa vamal al Yahuud wa_l umam waaḥid, wa kassar al ḥeeṭa_l fi wasiṭ, al kaanat tagassim beenana.

¹⁵ wa fi jismu baṭṭal al vadaawa, al kaan fi_l gaanuun mava awaamiru wa tartiibaatu. Wa hu vamal da valashaan yaxlug fi nafsu, min al itneen waaḥid insaan jadiid, wa kida biyavmil salaam.

¹⁶ Valashaan yavmil al itneen aṣ‐ḥaab mava Allaah fi jisim waaḥid be_ṣ ṣaliib. Wa be_ṣ ṣaliib, hu katal al vadaawa beenum.

¹⁷ Wa hu ja wa bashsharkum be salaam, leekum al baviidiin wa_l gariibiin.

¹⁸ Wa beehu, niḥna_l itneen vindana gubuul le_l Abu be Ruuḥ waaḥid.

¹⁹ Wa valashaan kida, bavd da intu mush ghariibiin wa naas min barra, laakin muraaḥ waaḥid mava al giddiisiin wa avḍaa ahl beet Allaah.

²⁰ Wa hu banaakum vala asaas ar rusul wa_l anbiya, wa Yasuuv al Masiiḥ nafsu, al ḥajar, al huwa raas ar rukn.

²¹ Wa fiihu kullu_l buna yabni sawa, wa yakbar vashaan yakuun beet magaddas fi_r Rabb.

²² Wa intu kamaan, hu yabniikum sawa fiihu vashaan takuunu maskan Allaah fi_r Ruuḥ.