2 Buṭrus 2 - Kitaab al Vahd aj Jadid 1978

MUVALLIMIIN KAḌḌAABIIN WA XARAABUM

¹ Wa kaanu been an naas anbiya kaaḍibiin kamaan, zei maa bikuunu beenkum muvallimiin kaaḍibiin kamaan. Wa hum bijiibu be_s sirr afkaar xaraabiyya, ḥatta yankuru_r Rabb al ishtaraahum. Wa yajiibu vala nufuusum xaraab sariiv.

² Wa katiiriin maashiin yatbavu ṭurugum al bixarribu. Wa be_s sabab da an naas yajaddifu vala ṭariig al ḥagg.

³ Wa fi ṭamavum al muvallimiin deel biyaaxdu ribiḥ minnakum be kilmaatum al kaaḍiba. Wa_l ḥukm bitaavum maa yit’axxar, wa xaraabum maa naayim.

⁴ Vashaan Allaah maa raḥam vala_l malaaika al vamalu xaṭiyya, laakin ramaahum fi jahannam. Wa hu sallamum le sujuun aḍ ḍulumma vashaan yaḥfaẓum le_d deenuuna.

⁵ Wa Allaah maa raḥam vala_d dunya al gadiima lamma hu jaab at tawafaan vala naas ad dunya al maa xaafu Allaah. Laakin Allaah ḥafaẓ Nuuḥ, mubashshir le_l birr, wa sabva taanyiin.

⁶ Wa Allaah ḥakam be_l xaraab vala_l madiinateen, Saduum wa Vamuura. Wa ḥaragum ḥatta bigu ramaad, wa vamalum masal le_n naas al biviishu ḥayaat biduun maa yaxaafu Allaah.

⁷ Wa hu xallaṣ Luuṭ al baarr, al itḥayyar min al ḥayaat al wasxaana bitaavat an naas al biduun gaanuun.

⁸ Vashaan ar raajil al baarr daak kaan saakin beenum yoom bavd yoom. Wa kaan tavbaan fi nafsu_l baarr min al ḥayaat ash sharriira al huwa shaafa wa simiv beeha.

⁹ Wa kida ar Rabb biyavrif keef yaxalliṣ al bixaafuuhu min at tajriba, wa yaḥfaẓ ash sharriiriin le yoom ad deenuuna vashaan yavaagibum.

¹⁰ Wa bikuun kida xuṣuuṣan le deel al yamshu fi shahwa wasxaana bitaavat aj jisim, wa yaḥtagiru_s sulṭa. An naas deel biduun xoof wa mitkabbiriin, wa maa bixaafu yajaddifu vala_l vindahum majd.

¹¹ Ḥatta_l malaaika wa hum vindahum guwwa wa gudra aktar, maa yaḥkumu valeehum giddaam ar Rabb be ḥukm fiihu shatiima.

¹² Laakin an naas deel yajaddifu vala ḥaajaat maa yafhamuuha. Hum zei al ḥayawaanaat al maa vindahum vagl, al yamshu be_ṭ ṭabiiva, mawluudiin vashaan yamsikuuhum wa yaktuluuhum, wa zei al ḥayawaanaat, kamaan biyaxrabuuhum fi_l xaraab bitaavum.

¹³ Wa bidfavu leehum tavb zei ujrat at tavb al hum vamaloohu. Hum yaḥsibuuhu suruur ’an yaviishu ḥayaat naavima be_n nahaar. Wa hum nugaṭ wasxaana wa vuyuub, wa vindahum faraḥ shadiid fi ghishshum lamma yaakulu fi_l vazuuma mavaakum.

¹⁴ Wa hum bivaayinu le_z zaaniyiin, wa maa bikuunu tavbaaniin min al xaṭiyya abadan, wa yaghishshu_n naas al maa saabitiin. Wa hum bigu shaaṭriin fi_ṭ ṭamav, awlaad al lavna!

¹⁵ An naas deel saabu_ṭ ṭariig al vadiil wa ḍallu, vashaan yamshu wara ṭariig Balvaam walad Baṣuur al ḥabba ujrat al xaṭiyya.

¹⁶ Laakinnu kaan mawabbax vala xaṭiyyatu lamma ḥumaar maa vindu ṣoot itkallam be ṣoot insaan wa manav balaadat an nabi.

¹⁷ An naas deel abyaar biduun mooya, ghamaam tasuuguuhu_l habuub. Wa_ḍ ḍulumma al ghariiga maḥfuuẓa leehum.

¹⁸ Vashaan hum yitkallamu be kilmaat mitkabbira wa faaḍya. Wa yaghishshu be shahwaat aj jisim wa_l xaraab, an naas al garrabu yanju min deel al biviishu fi_l ghalṭa.

¹⁹ Hum yadduuhum wavd al ḥurriyya, wa hum nufuusum vabiid al xaraab. Vashaan az zool yakuun vabd le_l ḥaaja al ghalabatu.

²⁰ Vashaan iza hum naju min xaraabaat ad dunya be mavrifat ar Rabb wa_l Muxalliṣ Yasuuv al Masiiḥ, wa bavd da rajavu wa itghalabu, ḥaalum fi_l aaxir bikuun akvab min al awwal.

²¹ Vashaan kaan aḥsan leehum iza maa virifu ṭariig al birr, min maa bavd maa virifoohu yarajjivu van al amr al magaddas al kaan masallam leehum.

²² Wa ḥaṣal leehum zei al masal al ḥagiigi, “Al kalib yarjav le gadfu wa_l kadruuk al maghsuul yarjav wa yadardig fi_ṭ ṭiin.”