1 Timutaawus 3 - Kitaab al Vahd aj Jadid 1978

MULAAḤIZIIN WA XADDAAMIIN AL KANIISA

¹ Al kilma di amiina: Iza aiyi waaḥid yaṭlub yakuun mulaaḥiẓ, huwa vaawiz vamal kwaiyis.

² Wa_l mulaaḥiẓ laazim yakuun biduun veeb, raajil vindu mara waaḥda, maasik nafsu, vaagil, muḥtaram, biftaḥ beetu le_l ghariibiin, bigdar yavallim.

³ Hu maa bikuun sakraan, maa biḍrub laakin bikuun laṭiif, mush shaakaal walla yaḥibb al guruush.

⁴ Hu laazim yarattib beetu kwaiyis, wa yavmil awlaadu yaṭiivuuhu be kullu iḥtiraam.

⁵ Valashaan iza waaḥid maa biyavrif keef yarattib beetu keef bigdar yahtamm be kaniisat Allaah?

⁶ Wa laakin hu maa laazim yakuun jadiid fi_l iimaan, vashaan yimkin yashkur nafsu wa yagav fi ḥukm Ibliis.

⁷ Wa kamaan huwa yakuun vindu shahaada kwaisa min an naas al fi barra, valashaan maa yagav fi loom wa faxx Ibliis.

⁸ Wa zei da kamaan, xaddaamiin al kaniisa laazim yakuunu rujaal muḥtarmiin, biduun kiḍib fi kalaamun, maa bikuunu sakraaniin, maa ṭammaaviin fi guruush wasxaana.

⁹ Wa hum gaavidiin yamsiku sirr al iimaan be ḍamiir naḍiif.

¹⁰ Wa laazim yajarribuuhum fi_l awwal. Wa bavd da, yaxalluuhum yaxdimu iza ligoohum biduun loom.

¹¹ Wa zei da kamaan, xalli niswaanum yakuunu muḥtarmaat, maa bishtimu, yamsiku nufuusum, wa amiinaat fi kullu ḥaaja.

¹² Xaddaam al kaniisa laazim yakuun raajil vindu mara waaḥda, wa bigdar yarattib awlaadu wa beetu kwaiyis.

¹³ Vashaan xaddaamiin al kaniisa_l yaxdimu kwaiyis, yaaxdu le nufuusum maḥall ṭaiyib wa ta’kiid katiir fi_l iimaan fi_l Masiiḥ Yasuuv.

¹⁴ Ana baktib leek al ḥaajaat di, wa law vindi rajaa baji leek bavd shwaiya.

¹⁵ Laakin iza it’axxarta, inta bitavrif keef an naas laazim yaviishu been ahl beet Allaah, al huwa kaniisat Allaah al ḥai, vamuud wa asaas al ḥagg.

¹⁶ Wa nash‐had ’an sirr ad diin bitaavna muhimm: Huwa ẓahar fi_j jism, wa itbarrar fi_r Ruuḥ, wa_l malaaika shaafoohu, wa bashsharu beehu been al umam, wa aamanu beehu fi_d dunya, wa rafavoohu fi_l majd.