1 Tasaluniiki 5 - Kitaab al Vahd aj Jadid 1978

¹ Wa laakin van al wakit wa_l fuṣuul, yaa axwaan, intu maa muḥtaajiin ’an aktib leekum.

² Vashaankum intu tavrifu be_t ta’kiid ’innu yoom ar Rabb biji zei al ḥaraami be_l leel.

³ Lamma_n naas yaguulu, “Fih salaam wa maa fih xaṭar,” fi_l wakit daak xaraab bijiikum vala ghafla zei al wajav ash shadiid le_l ḥaamil. Wa hum maa bigdaru yahrabu.

⁴ Laakin intu, yaa axwaan, maa fi_ḍ ḍulumma, wa_l yoom daak maa biji valeekum zei al ḥaraami.

⁵ Fishaan kullukum awlaad an nuur wa awlaad an nahaar. Niḥna mush min al leel walla_ḍ ḍulumma.

⁶ Valashaan kida, maa nanuum zei at taanyiin, laakin xalluuna naḥras wa nakuun vaagiliin.

⁷ Vashaan al binuumu, be_l leel binuumu, wa_l bikuunu sakraaniin, be_l leel bikuunu sakraaniin.

⁸ Laakin vashaan niḥna min an nahaar, xalluuna nakuun vaagiliin, wa nalbas diriv al iimaan wa_l maḥabba, wa barneeṭa, al hiya rajaa al xalaaṣ.

⁹ Vashaan Allaah maa ixtaarna le_l ghaḍab, laakin vashaan naḥaṣṣil vala al xalaaṣ be Rabbana Yasuuv al Masiiḥ.

¹⁰ Huwa maat fishaanna vashaan iza naḥras walla nanuum, nagdar naviish mavaahu.

¹¹ Vashaan kida, vazzu bavḍakum bavḍ, wa saavidu kullu waaḥid at taani, zei maa bitavmilu kamaan.

AT TAVLIIM AL AXIIR

¹² Laakin naṭlub leekum, yaa axwaan, ’an tavrifu_l yatvabu beenkum, wa yaguuduukum fi_r Rabb, wa yaḥazziruukum.

¹³ Wa nas’alkum ’an taḥtarimuuhum katiir xalaaṣ fi_l maḥabba valashaan vamalum. Viishu be_s salaam bavḍakum bavḍ.

¹⁴ Wa naṭlub leekum, yaa axwaan, ḥazziru_n naas al kaslaaniin, wa shaddidu_l xaayifiin, saavidu_ḍ ḍaviifiin, w_aṣburu vala_l kull.

¹⁵ Shuufu vashaan waaḥid maa yarajjiv le_t taani ash sharr be_sh sharr. Laakin kullu wakit atbavu_l xeer bavḍakum mava bavḍ wa mava_l kull.

¹⁶ Afraḥu kullu wakit.

¹⁷ Ṣallu wa maa tagiifu.

¹⁸ Ashkuru fi kullu shi, valashaan di iraadat Allaah fishaankum fi_l Masiiḥ Yasuuv.

¹⁹ Maa tawaggifu vamal ar Ruuḥ.

²⁰ Maa taguulu an nubuwwaat maa muhimma.

²¹ Imtaḥinu kullu ḥaaja. W_amsiku be_l kwaiyis.

²² Kuunu baviidiin min kullu nuuv ash sharr.

²³ Wa Ilaah as salaam nafsu yagaddiskum be_t tamaam, wa yaḥfaẓ ruuḥkum wa nafsakum wa jisimkum kaamila wa biduun loom lamma Rabbana Yasuuv al Masiiḥ biji.

²⁴ Al binaadiikum, huwa amiin, wa hu biyavmil da kamaan.

²⁵ Yaa axwaan, ṣallu vashaanna.

²⁶ Sallimu vala kull al axwaan be salaam magaddasa.

²⁷ Aamurkum be_r Rabb Yasuuv al Masiiḥ ’an tagru_j jawaab da le kullu_l axwaan.

²⁸ Nivmat Rabbana Yasuuv al Masiiḥ mavaakum. Aamiin.