1 Tasaluniiki 4 - Kitaab al Vahd aj Jadid 1978

AL ḤAYAAT AT TABSIṬ ALLAAH

¹ Fi_l aaxir, yaa axwaan, itvallamtu minnana keef intu laazim taviishu wa tabsiṭu Allaah. Wa zei maa kuntu taviishu kida, hassav naṭlub leekum wa nashaddidkum fi_r Rabb Yasuuv tavmilu ziyaada wa ziyaada.

² Vashaankum bitavrifu_l awaamir al addeenaakum be_r Rabb Yasuuv.

³ Vashaan iraadat Allaah hiya gadaasatkum ’an takuunu baviidiin min az zina.

⁴ Vashaan kullu waaḥid minnakum laazim yavrif keef yaḥfaẓ zoojatu be_l gadaasa wa_l iḥtiraam,

⁵ wa maa fi shahwa sharriira zei al umam al maa yavrifu Allaah.

⁶ Vashaan waaḥid maa yaẓlim wa yaghishsh axuuhu fi_l ḥaaja di. Vashaan ar Rabb, huwa_l yantagim le kullu_l yavmilu da, zei maa gulna leekum min gabil wa ḥazzarnaakum.

⁷ Vashaan Allaah maa naadaana le_n najaasa, laakin fi_l gadaasa.

⁸ Valashaan kida, al yarfuḍ da maa yarfuḍ an naas laakin Allaah, al addaana Ruuḥu_l gudduus kamaan.

⁹ Laakin be xuṣuuṣ al maḥabba le_l axwaan, intu maa muḥtaajiin ’an aktib leekum van di. Vashaankum nufuuskum mitvallimiin min Allaah ’an taḥibbu bavḍakum bavḍ.

¹⁰ Intu bitavmilu kida kamaan le kull al axwaan al fi kullu Makiduuniyya. Wa aṭlub leekum, yaa axwaan, taziidu fi da aktar wa aktar.

¹¹ Xallu gaṣadkum yakuun ’an taviishu be_s salaam, wa taxallu baalkum le ḥaajaatkum al maxṣuuṣa, wa tashtaghilu be iideekum, zei maa amarnaakum min gabil.

¹² Vashaan taviishu be tartiib min jihat al min barra, wa maa yakuun leekum iḥtiyaaj le aiyi shi.

KEEF AR RABB BIJI

¹³ Laakin maa vaawiziinkum takuunu biduun mavrifa, yaa axwaan, van ar raagidiin, valashaan maa taḥzanu zei at taanyiin al maa vindahum rajaa.

¹⁴ Vashaan iza na’aamin ’an Yasuuv maat wa gaam, kida na’aamin ’an Allaah bijiib ar raagidiin be Yasuuv mavaahu kamaan.

¹⁵ Wa naguul da leekum be kilmat ar Rabb. Niḥna al ḥaaiyiin, al gaavidiin lighaayat maa ar Rabb biji, maa nitgaddam vala_n naayimiin.

¹⁶ Vashaan ar Rabb nafsu binzil min as sama, wa vindu kilmat al amr, wa ṣoot ra’iis malaaika, wa buug Allaah. Wa_l meyyitiin fi_l Masiiḥ biguumu fi_l awwal.

¹⁷ Bavd daak niḥna al ḥaaiyiin al gaavidiin biyaaxuduuna mavaahum fi_s saḥaab vashaan nagaabil ar Rabb fi_l hawa. Wa kida binkuun mava ar Rabb daaiman.

¹⁸ Vashaan kida vazzu bavḍakum bavḍ be_l kalaam da.