Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

TAITAS 1 - NITI GONTU N.T. (BSI)

1 Pol, Pinii ka miira ho Jisu Kristo ka kiiniñkonii kone, hiimi uro yapa hembyuñ kiine dupa Pinii ka kahe konii atañka henje mi ho mohluka jije ka chila mi niihna piniisanju jaho donii,

2 santḛrlamanii sango ka hentiñ naniiñho nii mina Pinii, huna pema gollu manii, ayu kolyuñkolo hoka hemme biniiñ

3 ho myodu aya mi kabiidola kakiñdu mohka aguñmi tonsḛrkhenyo niilo nii pana ngiimi kahe tiinii Pinii ngunuka Lyangur boka lukoho;

4 Taitas mi, jije ngiika wiinga henje hehiñ ho: Aroh-aya ho chimie Pinii Aba la Kristo Jisu ngunu mika lyangur boko hokii.


Taitas ka Kret Hoka Miigo miiniiñ

5 Siika sipa niihna ngo niimi Kret ho apa tenii, niimpalukoda niimi miilyañ kiine dupa niihna ayamanii, ho amiabañ kahe kiine dupa taun kone abi ho ngiika niimi ka luko luchañ ho,

6 hujalo matiirḛ pahañhansa giima, mihie ako ka millo, mohka wiinga atañ henje niimilo ho piigoama miinii malo luniiñ tamanii mamilo.

7 Bisop pakoda, Pinii kiimi ka kalya biniipa, pahañhansa giikiñma loda; mo hentii siikiñma malo ohepada hadii niikiñma malo ow taniikema malo pasugasu niikiñma malo paser miiliñ biidupa hiila chahi niikiñma,

8 hojalo hapumibya kendo, aya mika heminii, atoh mika miilyañ siiniiñ, lotii, darii, ho hendi-miidi niikiñdo;

9 mo alḛrpa dakiñdo jije aguñ lukonii hiilyañpa, niimpalukoda mo luko lusi ladopa jije tonsḛr tonjuho ho lukoludḛr niipa huna chekho donii hiimi.

10 Niimpalukoda abuje luniiñ tamanii miyu da, lusu ara luniiñ ho talubalonii, luchila mitupipakoniiñ atañ;

11 mohlumi adukiineyo loda, niimpalukoda mohlu hikha uru atañmi herumiipa biido paser miiliñ biidu paka tonsḛr niilo nii mina mohlu tonsḛr dopa lyila kemanii.

12 Mohluka punko hokii kone, mohluka attoh ka nyibuhenii kone, lutii, “Kret miyuatañ kiirañ golludu, diimmah achu-amyo, assuale diigatanga.”

13 Siika pyako niisi jije. Hopa mohlumi uropa gato, niimpalukoda mohlumi aya loda henje giike nendupa,

14 Jew atañka jijemanii miya biike nensa niimi malo miyu atañka luniiñmi huna jije miya khiipa doniiñ.

15 Darii atañpa hikha darii doke, hojalo lyolyichochi ho henjemanii atañpa hang kone hetrḛ darii make; mohluka henju ho henjumiiju hiitiirḛ hikha surudonyo ke.

16 Mohlu Pinii mi chindo hiila lusudo, hojalo mohlu mapado mohluka miiniiñluniiñ miijulo; mohlu kana tanañmaniiñ, luniiñtama niike, hang aya miigo miina naniiñpa piigoamanii.

Apatani New Testament - NITI GONTU 

Copyright © The Bible Society of India, 2014.

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ