PELEMON 1 - NITI GONTU N.T. (BSI)

¹ Pol, Kristo Jisu paka pattiih tuñkonii, ho Timoti ngunuka anu, Pailemon ngunuka heniiñja miigo miihiñnii ahiñ mi

² ho Appia ngunuka barmii ho Arkippas ngunuka sipahi ahiñ mi, ho niika ude daka gyoliñkonii mi:

³ Aroh-aya ho ngunuka Aba ho Attoh Jisu Kristo kokii chimie dokiñcho niiko.

Pailemon ka Hensu la Henje nyi

⁴ Ngo ngiika Pinii mi kiirañ payapacho ludu ngiika kuniiñ hoka niimi hempa lyiho,

⁵ niimpalukoda ngo tapado niika heniiñmi ho henje niimi Attoh Jisu kii dalyiho hikha piniimiyu atañpa,

⁶ ho ngo hiila kudu niika henje mika luko lyiho hikha aya drih ngunuka Kristo koka giiniiñ mi aya yapa chindopa hata chagii kencho hiila.

⁷ Niimpalukoda ngo abuje hempyo ho hembyuñnii niika heniiñ hokii lariitii, ngiika anusi, niimpalukoda piniimiyu atañka ahha mi jojo dopa miitii niikii dalyi hokiila.

Onesimas Paka Yarniiñ

⁸ Lusudokoda, ngiiko khepa haro giido Kristo ko niimi hiila miitote hiila lula dopa nii mina anna donii,

⁹ hojalo hensu nii drih kiipa ngo niimi yarla ya yarna do, ngo, Pol, mohkii dalyi paka annii ho siisi Kristo Jisu paka pattiih tunkonii,

¹⁰ Ngo niimi yarlyi ke ngiika wiinga, Onesimas pa, huka aba pa ngo lyido ku ngiika patiihtunko niiho.

¹¹ (Kapyo ho mo niipa hang piigo ama ne, hojalo siisi mo piigo ahkiñ dokuke niipa ho ngiipa.)

¹² Ngo mohmi niiko kiiniñ nenku biilyi kuke, ngiika ahha jami ke kiiniñ biilyinii.

¹³ Ngo mohmi ngiiko atii biido koda ano hempyo biikiñ siido, niimpalukoda mo niika miiho saniiñ mi ngiimi miibi kendo ngiika ayapuyu paka patiihtunko tola doso;

¹⁴ hojalo ngo niimi taka mapa hang miipa hema niimpalukoda niika denki henju mi cheche pa miito lunama hiilamapa no atoh hembiidola miikiñcho hiila hendo.

¹⁵ Rongkoda siikasi sipa diike mo niiko hokii ichuchepa he impe siitiinii, niimpalukoda no mohmi ayudahepa niiko ahkur kiine dukupa hiila,

¹⁶ miira pama pa miira mi khiiniiñ yapa, heniiñja anu pa, luchila ngiipa hojalo niipa niimkane abuya, asiialyo hotiirḛ ho Attoh kotrḛ.

¹⁷ Hopa no ngiimi niika miihiñ ahiñ hendo milo, lariito mohmi ngiimika larii kachañ ho.

¹⁸ Mo matiirḛ niimi miigya siitii kujalopa, malo niiko hokii hang pagiraguñ giido jalo pa, hiimi ngiika bigo ho khiigyo liito.

¹⁹ Ngo, Pol, siika siimi ngiika alah lo kebii lyike, ngo bili talyike siimi-hang lupa mapa niika ngiipaka atohmika hempa siibi niimi lohepa.

²⁰ Ḛh, anu, ngo nolo iche hembo konado Attoh ko. Ngiika ahha mi jojo dopa miipe Kristo ko.

²¹ Niika taliisaniimi hatii biidola, ngo niimi kebii lyi, chimbii dola no ngiika siika luniiñ mitrḛ abu yapa miikiñdo hiila.

²² Siika agiñ so, ngiipa nyibo dukomi miimyo tolya, niimpalukoda ngo hentiñdo nunuka kuniiñ lo nunu kiimi talii kendo hiila.

Kamijapa Ayahelyi

²³ Ipapras, ngiika Kristo Jisu koka patiihtunko tuhiñ ahiñ ayahelyi hiila niipa ludoke,

²⁴ ho Mak, Aristarkas, Demas, ho Luk, ngiika miigo miihiñ atañ.

²⁵ Attoh Jisu Kristo ka aroh-aya hii niika yajiyallo ka agiñho dabo kencho.