MIHUKAKIÑNIIÑ 15 - NITI GONTU N.T. (BSI)

Miidopopi Atañ Kamija Doli ka Agiñ ho

¹ Ho ngo koneya kapuñ loda kagiñnanii kapato dariiganda ho, kahe ho anoaya, kanuhe miidopopi kanuhe doli ka agiñho, niihna kami jakunii, niimpalukoda mohluka agiñho Pinii ka hadii hii diime kendoku.

² Ho ngo kapato kakoho sisa ka siimie hiilyañ yamu hokii miiyo tola, ho hutiina pamiñ tiinii achu-amyo mi ho hiimika puchiniimi ho abuje hiika atañka armyañ mi, sisa ka siimie ka aruñho dami mohluka alah ho Pinii ka berañ mi jobii tola.

³ Ho mohlu biisie do Mose ka biisie mi, Pinii ka miira, ho Subuñ ka biisie mi, lubiidola, “Kahe ho anoaya niika miiniiñ hii, O Attoh Pinii Tamoja! Denki ho jije niika lembo atañhii, O santuñ atañ radde!

⁴ Hu biiso kema ho niika armyañ mi assañ kema, O Attoh? Niimpalukoda no kontiisii darii. Hikha ganda atañ ahbiila ho niimi herii kendo, niimpalukoda niika ayakacho kaniiñmi kakiñ tiiku.”

⁵ Siika hiibaho ngo kadi biikele, ho piniiude ka haki ka tabyo mi dariiganda ho miiko biine,

⁶ ho piniiude hokii kanuhe miidopopi kanuhe doli ka agiñho ahlyi mi, darii hudakhada giiju giitola, ho mohluka habyañho ayyiñ hokii tiigii tola.

⁷ Ho piilye achu-amyo hokii kone, kanuhe miidopopi mi kanuhe ayyiñ paka bibiido poteje Pinii ka hadii ka agiñho huna ayu dahepa sankiñ donii;

⁸ ho piniiude ho muku poteje sudo Pinii ka tatukatu hokii ho mohka harchichike hokii, ho kone hetrḛ piniiude ho ahla mane nii dahepa kanuhe miidopopi ka kanuhe doli hii ahja tama.