2 KORINTIA 7 - NITI GONTU N.T. (BSI)1 Ngunu ko siika hemme nii atañ hii do, ngiika ajiñ atañ, kiije ngunu atohpa harsu kusa ngunuka apo ho yajiyallo mika hikha miibḛrnii hokii, ho darii ho digoabiaya dopa miisa Pinii mi biiso biidola. Pol ka Hempyo 2 Nunuka ahha mi ngunupa miikoto; ngunu kone mitrḛ miigya bimake, ngunu kone mitrḛ diimutamu bimake, ngunu kone mitrḛ samisapu la miima. 3 Ngo nunumi halii dupa hiila siimi luma ke, niimpalukoda ngo kapyo ho luto nunu ngunuka ahha ho du hiila, shiijalo shiihiñ dupa ho turja lo tuhiñ dupa. 4 Ngo nunumi hempḛr hentiñdo; ngo nunumi hempḛr hentii nandu; ngiimi hembyuñtii. Hikha ngunuka pamyotakho bako hotiirḛ, ngo ano hempyo siido. 5 Niimpalukoda ngunuka Masedonia hoka ahlyi hotiirḛ, ngunuka apo hii dumo nyamane hojalo ngunumi pamyotakho agiila lyihii hikha khonchañ barañ hokii, pasugasu biidola ho biiso biidola. 6 Hojalo Pinii, huna khiipa konii mi aroh dunii, ngunumi hembyuñ tii Taitas mi ahke nela la, 7 ho mohka ahniiñ lo kontii mapa hojalo hembyuñ tiita niilona mo nunumi hembyuñ tiinii, mo nunuka kalyareniiñ mi ngunumi lukotii, nunuka heru niimi, nunuka ngiipa ka hembi niimi, hopa ngo uro yapa hempyodo. 8 Niimpalukoda ngo matiirḛ ngiika siiti keniiñlo nunumi heru miipa tiikoda, ngo hiimi henkur taku ma (ngo henkur siitii kujalo), niimpalukoda ngo kapa do hiika siiti hii nunumi heru miipa tii, atahepa siijalo. 9 Hiila siido jalo, ngo hempyodo, nunuka heru kopa hiilama, hojalo nunuka heruko nunu henkur nyado ku; niimpalukoda nunu pinii henju ka heru mi hendo, hopa nunuka herunii ngunupa hang alyu giima. 10 Niimpalukoda piniihenju ka heru hii henkur mi lingiido hiika hii sangopyakoho ingiidu ho hengahenkha mi ahgiima, hojalo dohadolo ka heru hii shiigo mi ahgiidu. 11 Kato niihtañ henkiñ siika piniihenju ka heru si nunuko lingiido, niihtañ nunu atohmi lupya siido pa miibiido, niihtañ hadiine, niihtañ henjune, niihtañ kalya nyane, niihtañ miinala henyane, niihtañ pamyo kenkone! Kapakohe nunu atohmi lugo giima dopa kakiñ siitii siika drih ho. 12 Hopa ngo nunumi kebii siilyi jalo, siikasi hiika koneka miikha kopa hiila make, malo hiika koneka miikha kopa ka heru henko hopa make, hojalo nunuka ngunu paka miibitalyi hiila ka heniiñmi Pinii ka kata ho kakiñ dupa hiila ke. 13 Hopa ngunumi hembyuñ kabyuñ tii. Ho ngunumika hembyuñ ko ayoh ho ngunu uro yapa hempyo do Taitas ka hempyo koho, niimpalukoda mohka henju mi nunu miilañru miidḛr bitii. 14 Niimpalukoda ngo matiirḛ mohmi luko dokoda nunu paka hentii niimi, ngo hiinyañ miipyu ma; hojalo kapane ngunuka nunumika luniiñ hii jije, hopa ngunuka Taitas ka hata hoka hentii nii hii jije hiila kakiñ tiiku. 15 Ho mohka ahha hii uro yapa nunupa henda, mo hikha nunuka luniiñ talii niimi hempa lala, ho biiso ho alye biido laka nunuka mohmika karii niimi. 16 Ngo hempyo do, niimpalukoda ngo jije nunumi hentiñdo. |
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
Bible Society of India