Matyu 1 - Aria New Testament

Yesus ila osua angainsak

¹ Pelengon ane wai ke Yesus Krais ila osua osua. Yesus Krais polou ke Devit ila osua e Devit polou ke Abraham ila osua.

² E Abraham divir otno arang Aisak. E Aisak divir otno arang Jekop. E Jekop divir otno arang Juda gosok ina saiver.

³ E Juda divir titno arang orwo Peres e Sera. E tnarak angaine Tamar. E Peres divir otno arang Hesron. E Hesron divir otno arang Ram.

⁴ E Ram divir otno arang Aminadap. E Aminadap divir otno arang Nason. E Nason divir otno arang Salmon.

⁵ E Salmon divir otno arang Boas. E Boas tna angaine Rahap. E Boas divir otno arang Obet. E Obet tna angaine Rut. E Obet divir otno arang Jesi.

⁶ E Jesi divir otno arang Devit ka iye vri mgo ke osep Israel ina. E Devit divir otno arang Solomon. E Solomon tna iye apmang ka oglou gute Uria ila asap.

⁷ E Solomon divir otno arang Rehoboam. E Rehoboam divir otno arang Abiya. E Abiya divir otno arang Asa.

⁸ E Asa divir otno arang Jehosafat. E Jehosafat divir otno arang Jehoram. E Jehoram divir otno arang Usia.

⁹ E Usia divir otno arang Jotam. E Jotam divir otno arang Ahas. E Ahas divir otno arang Hesekia.

¹⁰ E Hesekia divir otno arang Manase. E Manase divir otno arang Emom. E Emom divir otno arang Josaia.

¹¹ E Josaia divir otno arang Jehoiakin gosok ina saiver. Ke alo ari osep Israel ina kla kalabus ke omur Babilon.

¹² Osep Babilon ina tipaur osep Israel ina kla ke urok omur kodong. E mase Jehoiakin divir otno arang Sealtiel. E Sealtiel divir otno arang Serubabel.

¹³ E Serubabel divir otno arang Abiut. E Abiut divir otno arang Eliakim. E Eliakim divir otno arang Asor.

¹⁴ E Asor divir otno arang Sadok. E Sadok divir otno arang Akim. E Akim divir otno arang Eliut.

¹⁵ E Eliut divir otno arang Eleasar. E Eleasar divir otno arang Matan. E Matan divir otno arang Jekop.

¹⁶ E Jekop divir otno arang Josep. E Josep iye apmang Maria ila boget. E Maria somugu e divir Yesus ka ina sirngen Krais. Iye gute ka Ida Tapolngon rere ma iye lua osep ke urok elio epmes ina.

¹⁷ E langane. Nogrum ke Abraham la iding ke Devit osua 14 tidong. E nogrum ke Devit la iding ke alo ka osep Israel ina isak kla ke kalabus ke omur Babilon osua 14 tidong. E nogrum ke alo ka osep Israel ina tidong ke omur Babilon la iding ke alo ka Krais polou osua 14 tidong.

Maria divir Yesus Krais

¹⁸ Yesus Krais ina divirngen ina basikngen langane. Osep tiwai ma tna Maria e Josep tigi. Tigi dau kovok e osep tiklingen Maria somugu kodong. E Ano Itau due Maria somugu.

¹⁹ Deka alo ka Josep ka iye gute itau klingen ine iye waiki due Maria mnak iye ke elio tonari kovok. Aurou. Iye waiki dar urok gingen ma osep tiklingen ine kovok.

²⁰ E Josep aitno dau mter ine e iye munu kudung ano e Ida Tapolngon ila ensel polou ke iye e wai langane. “Josep wom ka Devit ila napakngan omulou ma emgi Maria kovok. Aurou. Kesua iye somugu batne ke Ano Itau.

²¹ Ma iye divir mimi arang e ma ambaski angaine Yesus. Kesua ma iye polou gute ka lua osep ke urok elio epmes ina.”

²² Elio ane polou ma wan ka oglou gute napaprangan ina ka Ida Puda due aitno deka iye wai ine polou lokono.

²³ Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

²⁴ Josep munu kudung ano deka iye tipa e didi ensel ila pelengon e gi Maria.

²⁵ Iye gi Maria e dau due elio kap iye kovok la lama Maria divir otno arang. Iye divir iye deka Josep baski angaine Yesus.