Jaceuq 1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

JACEUQ-EU SANQBOF YAWBAE PAV: Jaceuq-eu 1-41 Guiqlanq Huiq-eu Tsawrhaq

¹ Guiqlanq huiq-eu tsawrhaq-aq, Tsawrcawv nae maeqbawq bif-euq lof-aer maqcan-aer, Iqbaxzaq-euq garma-anr maqyawf-eu uqtaf, Aqjaf jaf-eu tsawrhaq-euq nuirduq-anr maqnuir-a.

² Aerkhawf, aqyawf, Ya’we Miqyaer -euq zanrdawq-anr laqkhaq caer-awr, Uqcif nan’ghanr maq tsaevlerni, aqyawf-euq zanrdawq-anr dzardziv dziv-eu mae.

³ Aqyawf-aq, lawrgawv gawvtaw kataq-euq arbawr lof-aer dur-awr, Aryamq tsaqlar ngae arsiq siqle-awr, Arpaf khawf kov-ir-eu maqbaw-a. Aqyawf kharmr kharshar-eu jeq muiqlar sanrlar-eu mae.

⁴ Tsawrcawv-aq, khoerlof-aer maqghae-aer, Jaqlaer nae yabi bawdzae ghae-eu khaqpuiq-anr dur-eu mae.

⁵ Khoermirnae, tsawrcawv-aq, yarkhaqdar ngae maq yawfzif nya-aer, Iqbaxzaq khawf tsaq-awr dawr-eu tsawrhaq uiqler duq-anr maq jawrnya-a.

⁶ Ya’we Miqyaer-aq, tsaq-awr dawr-eu tsawrhaq-euq garma-anr siqnya-eu mae. Aerkhawf, tsawrcawv-euq garma-aq, yacawv-ir taef-a.