Yakob 2 - Ashiri Aeuitaknup Iyohaichish Yona 1897

2 Ik.

¹ Ku iriwak utara, ainu yaikoramu ki wa gusu iteki chikoro Utarapa ne nupeki koro Yesu Kiristo gusu an eishokor-i shikkashima yan.

² Inambe gusu ne yakun, kongani tek-orunbe aunu, sarambe anrip yaimire guru echi koro nwekari ta ahun chiki, samata, shui, wen

³ amip ami otek-sak guru ne yakka ahun yakun, aige, nei sarambe amip yaitomchiure guru orun nukara wa hetak tan pirika ushike ta a wa en kore ani ye, aine, toada ash hene, teda an ku goro chikiri set samta a hene otek-sak guru otta e ye chiki;

⁴ keutum ta utara ushinnai are wa wen yainu-lri gusu koipishi ki utara shomo echi ne ruwe he an?

⁵ Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

⁶ Koroka, echi utara anak ne nei irapokkari guru epeka shomo yaikatanu ki nisa ruwe ne na, oteknu utara anak ne echi ramunishte wa kore hine akoipishi set otta echi nimba shomoki ruwe he an?

⁷ Ari echi reikore an aeoripak an reihei nei utara koatcha shomoki ruwe he an?

⁸ Yakka, echi utara anak ne Kamui kambi kata chieshinnuye wa an — Eani yaikota yai-omap korachi aota un guru omap yan, — ari an sapane an tuitak uweomare chiki, pirikap echi iki na;

⁹ koroka, echi utara ainu yaikoramu iki yakun, katpak echi ki na, aige, akatpakte an utara korachi tuitak gusu katpak an sekoro aesanniyo ruwe ne na.

¹⁰ Inambe gusu ne yakun, nen ne yakka tuitak ebitta ki wa shinep gusu ureepetchiu chiki, nei guru anak obitta ehaita ruwe ne.

¹¹ Iteki omoinu koro yan, sekoro ye Kamui anak ne, shui, iteki keuk yan ne yakka ye nisa ruwe ne gusu ne na. Orowa, eani anak ne omoinu shomoki yakka, koroka, keuk chiki, tuitak ehaita guru e ne ruwe ne.

¹² Rengaine mondum an tuitak ani akoipishi kusu ne utara nei no korachi ye yan, iki yan.

¹³ Inambe gusu ne yakun, erampokiwen wa kore shomoki guru anak ne shomo aerampokiwen wa akoipishi kusu ne na: koipishi ambe anak ne rampoken gusu anrapoki akari kusu ne ruwe tapan na.

¹⁴ Ku iriwak utara, ainu anak ne eishokor-i an sekoro ye wa ki ikip isam chiki nep yaiepirikarep an a? Nei eishokor-i anak ne nei guru kashiobiuki eashkai ruwe he an?

¹⁵ Okkai ainu iriwak hene mat ainu iriwak hene atusa hene ki, kesto e kuni aep sak hene ki,

¹⁶ aige, orota mo an no paye wa yaipopkere hene ki, ibe yaieramushinnere hene ki yan, sekoro echi tumugeta nenka ye chiki; yakka, netobake gusu nei aeishiramnep koropare shomoki yakun, nep epirikarep an ya?

¹⁷ Tap korachi eishokor-i anak ne ki ikip sak no an chiki, yaikota gusu rai wa an ruwe ne.

¹⁸ Ruwe un, Eani anak ne eishokor-i koro, orowa, kuani anak ki ikip an, sekoro ye kusu ne guru an: ki ikip sak no an e koro eishokor-i en nukare yan, yakun, kuani anak ku ki ikip ani ku goro eishokor-i e nukare ash na.

¹⁹ Kamui shinep ne sekoro eani eishokoro ki; nei ambe pirika ne: nitnep ne yakka eishokoro wa tusushke ruwe ne.

²⁰ Aa haita guru, ki ikip sak no an eishokor-i anak ne toirenbe ne sekoro onnere shomoki ya?

²¹ Yange set kashiketa koro poho Isaak yange gusu, chikoro michi ne Abraham anak ne nei ki ikip gusu aoupekare shomoki nisa ruwe he an?

²² Shinuma koro ki ikip tura eishokor-i ki, samata, ki ikip gusu eishokor-i anak aeramushinnere nisa ruwe ne sekoro eani nukara; awa,

²³ Abraham anak ne Kamui eishokoro, aige, tambe anak shinuma gusu oupeka ambe ne sekoro aesanniyo nisa ruwe ne sekorobe ye Kamui kambi auweomare nisa ruwe ne; orowa, shinuma anak ne Kamui koro ikatairotke guru ne ani aye nisa ruwe ne na.

²⁴ Ainu anak ne ki ikip gusu aoupekare wa ouse eishokor-i gusu shomo ne ruwe ne sekoro echi nukan ruwe ne.

²⁵ Tambe nei no yaiupshoro chari gunʼne Rahab ne yakka nei ateshkara utara ahupte, orowa, oya ru kari payere-hi gusu seenne aoupekare shomoki ruwe he an?

²⁶ Inambe gusu ne yakun, ramat sak no an netobake anak ne rai korachi, tambe nei no ki ikip sak no an eishokor-i anak ne rai wa an ap ne ruwe ne na.