Roukos 1 - Ashiri Aeuitaknup Iyohaichish Yona 1897

1 Ik.

¹ Iyotta oripak an Teopiros, un tumugeta auweomare an okaibe, atpake wano nukara utara, itak otta auitek utara un koropare nei no,

² inne utara nei orushpe ene ene koracki nuye kuni yainu wa kambi nuye nisa ruwe ne gusu,

³ tambe gusu, kuani ne yakka nep ne yakka okai orushpe atpake wano oheuge sak no an-hi korachi ku uwepekennu wa eramʼan gusu,

⁴ aokai aepakashnu orushpe son no ambe ne ya shomo ne ya, aeramande kuni ne, e otta kambi ku omande yak pirika ruwe ne sekoro ku yainu.

⁵ Yudea moshiri shikkashima guru Herod an ita anak ne Abicha ikiri otta Zakarias ani an reihei koro Kamui kora kenru esapane guru an: awa, koro machi anak ne Aaron sanikiri ne, Erizabet ani an reihei koro matnepo ne ruwe ne.

⁶ Nei umurek guru Kamui teksamata oupeka utara ne, oheuge sak no obitta no okai Utarapa ikashpaotte newa esanniyop otta apkash korʼan nisa ruwe ne.

⁷ Orowa, Erizabet anak po sak shiwentep ne wa gusu, santek isam ruwe ne, samata, nei tun anak ne tane pa poro utara ne ruwe ne na,

⁸ Orowa, shinuma anak ne koro ikiri uokari wa Kamui teksamata Kamui kora kenru esapane guru ki kusu ne a-i ki ita,

⁹ Kamui kora kenru esapane guru ki buru an-i korachi, shinuma Utarapa kenru otta ahun wa senko uhuika nisa ruwe ne.

¹⁰ Awa, senko uhuika pakita utara topaha anak ne obitta soita okai wa inonno-itak ki ruwe ne.

¹¹ Orowa, senko uhuika gusu an set shimon samata ash wa an Utarapa koro shine hauturumbe shinuma otta yainukare ruwe ne.

¹² Aige, Zakarias nukara chiki keutura chiukopoye wa ishitoma nisa ruwe ne.

¹³ Koroka, hauturumbe anak ne shinuma otta ene itak-hi :— Zakarias, iteki ishitoma yan, inambe gusu ne yakun, e ki inonno-itak anu wa an na, e koro machi Erizabet eani gusu okkai poho shikore kusu ne, Yoannes ani an reihei ani shinuma e reikore kusu ne;

¹⁴ aine, eani ayaikopuntektere anupetnere kusu ne na, samata, inne utara shinuma shiko gusu akopuntek kusu ne ruwe ne.

¹⁵ Orowa, shinuma anak ne Utarapa teksamata pase kusu ne, tonoto hene sikera hene iku shomoki, orosama, koro habo orowa hekatu wano Ashkanne Ramat ani aeshik kusu ne na.

¹⁶ Shinuma anak ne Israeru un inne utara koro Utarapa Kamui otta hoshippare kusu ne.

¹⁷ Samata, ona keutum poho otta kirure, itak-kashi utara oupeka utara koro wayashnu-i otta kirure kuni gusu shinuma anak ne Ericha ramat newa kiroro koro wa Utarapa ratchaot oman kusu ne; Utarapa gusu etoko-a-oiki utara skipini kusu ne gusu ne na.

¹⁸ Zakarias anak ne hauturumbe otta ene itakhi :— Nepi ani kuani tapne ambe ku eramʼan kusu ne ya? Onne guru ku ne ruwe ne, ku machi ne yakka

¹⁹ onne ruwe ne na. Orota hauturumbe ese wa ene itak-hi :— Kuani Kamui teksamata ash Gabrieru ku ne ruwe ne; orowa, e otta itak wa tap pirika shongo e nure ash gusu e otta a en omande nisa ruwe ne.

²⁰ Ingarʼan, nei paki epa chiki auweomare kusu ne ku ye itak e eishokoro shomoki nisa ruwe ne gusu tan okaibe epa toho pakno mo no e an wa itak eaikap kusu ne, ari itak.

²¹ Orowa, utara anak ne Zakarias ek kuni ehuyepa wa okai, awa, Kamui kora kenru ta shinuma ohon no an-i enushkari ruwe ne.

²² Awa, Zakarias soine ita, okai utara orota itak eaikap: tambe gusu, shinuma Kamui kora kenru ta anukarape nukara a an ruwe ne sekoro aeramʼan: samata, Zakarias utara otta shirosh iki wa shomo itak wa an ruwe ne.

²³ Awa, Kamui kora kenru ta yaishieiwangere pakihi okere chiki anak ne koro uni un hoshipi nisa ruwe ne.

²⁴ Orowa, nei toho okaketa koro machi Erizabet shinnaikat iyeunu, aige, ashikne chup yainuina, awa, ene itak-hi :—

²⁵ Utatʼtunruge wano ku aeyainikoroshmare ambe isamka gusu Utarapa en koingara ita, tapne en otta ki nisa ruwe ne, ari itak.

²⁶ Orowa, iwan ikinne an chup ta Gariraya moshirʼun

²⁷ Nazaret ani aye kotan ta an Dabid sanikiri ne Yosep ani an reihei koro guru otta akopakashnu wa an shine okkai eramushkare shiwentep otta Kamui hauturumbe ne Gabrieru Kamui orowa no aomande nisa ruwe ne; nei okkai eramushkare shiwentep reihei anak Maria ne ruwe ne.

²⁸ Hauturumbe shinuma otta ahun wa ene itak-hi :— Irangarapte, pirika irenga akore guru,

²⁹ Utarapa e tura no an ruwe ne, ari itak. Koroka, shiwentep nei itak nu koro shi no yaiossereke koro tan rangarap-itak nekon a ambe ne ya sekoro yaikoshiramse nisa ruwe ne.

³⁰ Orota nei hauturumbe ene itak-hi :— Maria, iteki ishitoma yan, Kamui irenga e koro gusu ne na.

³¹ Orowa, ingarʼan, e honi ta e honkoro wa okkai poho e hekature kusu ne, aige, Yesu ani an reihei ani e reikore kusu ne na.

³² Shinuma anak ne pase guru ne kusu ne, Iyotta Rikumbe Koho ani aye kusu ne: Utarapa Kamui anak ne koro michi Dabid araset Shinuma otta kora:

³³ aige, otusashuishiri pakno ne yakka Shinuma Yakob sanikiri epungine kusu ne, samata, nei moshiri shiokere shomoki kusu ne, ari itak.

³⁴ Hauturumbe orota Maria ene itak-hi :— Ainu eramushkare guru ku ne ruwe ne, aine, nep gusu tapne ambe an ya? ari itak.

³⁵ Tata otta nei hauturumbe ese wa shinuma otta ene itak-hi :— Ashkanne Ramat ekashi keta ek wa Iyotta Rikunrbe kiroro e kamu kusu ne; tambe gusu, eani orowa no hekatu kusu ne ap anak ne “Ashkannep” ani aye, Kamui Roho ani aye kusu ne na.

³⁶ Orowa, ingarʼan, E apaha ne Erizabet anak ne onne, koroka, shinuma ne yakka okkai poho katkon ruwe ne: tane po-sak ani aye guru iwan ikinne an chup ne ruwe ne.

³⁷ Kamui orowa no an itak anak obitta kiroro sakbe shomo ne kusu ne ruwe ne gusu ne na, ari itak.

³⁸ Orowa, Maria ene itak-hi :— Utarapa uitek mat ku ne ruwe ne gusu; e ye korachi en otta anro, sekoro itak. Orowa, nei hauturumbe shinuma orowa no oman nisa ruwe ne na.

³⁹ Orowa, nei toho ta Maria hopuni wa tunashi no hum ush kotan ta, Yuda un machiya orun oman, awa,

⁴⁰ Zakarias koro chisei otta ahun wa Erizabet erangarap nisa ruwe ne.

⁴¹ Orowa, Erizabet anak ne Maria erangarap itak nu ita, honi ta an aiai tereke nisa ruwe ne;

⁴² tata otta Erizabet Ashkanne Ramat ani aeshikte; aige, rui hawe ani hawe ashte wa, ene itak-hi :—

⁴³ Shiwentep ututta anunuke guru e ne ruwe ne, samata, e honi esanbe anunuke ne ruwe ne. Orowa no, nep gusu ku Utarapa koro habo en otta ek a?

⁴⁴ E ki rangarap hau anak ne ku kisara otta ahun ita, ku honi ta an aiai nupetne gusu tereke nisa ruwe ne gusu ne na.

⁴⁵ Orowa, eishokoro shiwentep anak ne anunuke ne, Utarapa orowa no Shinuma otta anure orushpe auweomare kusu ne gusu ne na.

⁴⁶ Tata otta Maria ene itak-hi :— Ku keutum auak ne Utarapa pasere,

⁴⁷ Ku ramat auak ne en kashiobiuki Kamui enupetne ruwe ne.

⁴⁸ Koro uitek-mat raka isambe Shinuma ko-ingara gusu ne ruwe ne: Ingara, tande oro ainu ikiri obitta kuani anunuke guru ne sekoro en ye kusu ne.

⁴⁹ Inambe gusu ne yakun, kiroro koro guru anak ne porope ki nisa ruwe ne; Shinuma reihei anak ne “Ashkanne” ne ruwe ne.

⁵⁰ Shinuma ko-ishitoma utara Ikiri ikiri otta poro rampoken an ruwe ne.

⁵¹ Koro teke ani kirorohe kan ruwe ne. Keutum ta shiokunnure yainu ki utara charichari nisa ruwe ne.

⁵² Amset orowa no sapane utara range ruwe ne wa, Utara keshi un utara rikta ande nisa ruwe ne.

⁵³ Pirikap ani ibe-rusui utara kironnure; Orowa, oteknu utara oha no omande nisa ruwe ne.

⁵⁴ Shinuma chikoro ekashi orun; Hembara pakno ne yakka okai Abraham sanikiri orun ye korachi,

⁵⁵ Koro poho ne Israeru ikashiu kuni, Rampoken eshkarun nisa ruwe ne, sekoro itak.

⁵⁶ Orowa, Maria anak ne Erizabet tura re chup pakno an, okake an chiki koro uni ta hoshipi nisa ruwe ne.

⁵⁷ Orowa, Erizabet anak ne po shikore kusu ne pakihi epa; aige, okkai poho hekatu nisa ruwe ne.

⁵⁸ Orowa, shinuma otta Utarapa anak ne rampoken porore ruwe ne sekoro koro apaha utara newa aun utara nu, awa, tura no ukonupetne nisa ruwe ne.

⁵⁹ Orowa, tupesan ikinne an toho ta nei aiai okarituye buri akire gusu uwekarapa wa okai ruwe ne; awa, koro michi reihei an korachi Zakarias ani an reihei ani reikore kuni yainu;

⁶⁰ koroka, shomo, Yoannes ani an reihei ani reikore kusu ne sekoro koro habo ese wa itak nisa ruwe ne na.

⁶¹ Orota nei utara ene itak-hi :— Nei no an reihei koro guru e koro apaha utara otta isam ruwe ne,

⁶² ari itak, orowa, aiai koro michi otta shirosh ki wa, nekon a an reihei ani areikore kusu ne yak pirika ya? ani nu.

⁶³ Shinuma anak ne nuye-ita kana, aige, nuye wa ene itak-hi :— Shinuma reihei anak ne Yoannes ne ruwe ne, ani nuye. Orowa no, utara obitta enushkari nisa ruwe ne.

⁶⁴ Orowa, Shinuma koro paroho nani amaka, koro parumbe eiwange wa itak ani Kamui nunuke ruwe ne.

⁶⁵ Orowa no, shinuma utara pishkaniketa okai oshiroma utara ishitoma nisa ruwe ne; aige, tap orushpe obitta Yuda moshiri un huru shikapneka no assuru-a-ashte nisa ruwe ne.

⁶⁶ Nei orushpe nu utara anak ne obitta tap okaibe koro keutum ta eumashnu wa ene itak-hi :— Yakun, tan aiai nekon a ambe ne kusu ne ya? Utarapa tekehe shinuma tura no an ruwe ne gusu ne na, ari an itak ani itak nisa ruwe ne na.

⁶⁷ Koro michi Zakarias anak ne Ashkanne Ramat ani aeshik wa uweingara hine ene itak-hi :—

⁶⁸ Israeru utara koro Kamui ne Utarapa anak ne anunuke ne; Koro utara ko-ingara, utara kikiraye nisa ruwe ne gusu ne na.

⁶⁹ Koro poho Dabid ikiri tumugeta Un kashiobiuki Kirau chi utara gusu hopunire uisa ruwe ne.

⁷⁰ (Moshiri heashi wano tane pakno hekatu Ashkanne uweingara utara paro ani ye korachi),

⁷¹ Un epokba utara newa un etunne utara teke orowa no un ohaitare;

⁷² Chikoro ekashi otta rampoken kore, Koro ashkanne eitakamkire itak eshkarun gusu ne;

⁷³ Chikoro ekashi Abraham orota shiyuppa itak ani ye;

⁷⁴ Chi rai pakno turu-sak wa oupeka no Shinuma tek samata okai wa

⁷⁵ Ishitoma shomoki no Shinuma otta chi utara yaieiwangere kuni ne, Un epokba utara tekehe wano un honnere ruwe ne.

⁷⁶ Ruwe un Poho, Eani anak ne koro ru etokooiki gusu Utarapa kotchaot e oman gusu, Orowa, katpak atusare kuni

⁷⁷ Kashiobiuki utara otta eramande gusu Aokai anak ne Iyotta Rikunbe koro uweingara guru ani aye kusu ne.

⁷⁸ Chikoro Kamui ramu-hauge rampoken an gusu Rik oro nisat pekere un otta hetukure wa

⁷⁹ Mo an ru otta chikoro kema aomande kuni ne, Rai kurihi otta hene, kunne-i otta hene rok wa okai chi utara gusu atte pekere ruwe ne, ari Zakarias itak.

⁸⁰ Orowa, aiai shukup wa ramat tumashnu, orosama, Israeru un utara otta yainukare pakno kimta an nisa ruwe ne na.