Roma 8 - Ashiri Aeuitaknup Iyohaichish Yona 1897

8 Ik.

¹ Tambe gusu, Kiristo Yesu oshiketa okai utara gusu tane katpak akore-i isam ruwe ne.

² Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

³ Nei tuitak kam ankushkerai gusu katchak wa ki eaikapbe anak ne, Kamui, katpak rengap gusu katpak oma kam nokaha nepkoro yaikota koro Poho omande wa kam oshiketa katpak kokatpakte nisa ruwe ne:

⁴ nei ambe anak ne, kam nei no apkash shomoki, koroka, ramat nei no apkash korʼan un oshiketa nei tuitak aesanniyop auweomare kuni gusu an ambe ne.

⁵ Kam nei no okai utara anak ne kam gusu an okaibe esanniyo; koroka, ramat nei no okai utara anak ne ramat gusu an okaibe esanniyo ruwe ne.

⁶ Inambe gusu ne yakun, kam nei no an keutum anak ne rai ambe ne; ramat nei no an keutum anak ne inotu ne, itomo ne ruwe ne gusu ne na:

⁷ aige, kam nei no an keutum anak ne Kamui epokba ruwe ne, Kamui tuitak koitaknu shomoki ruwe ne gusu ne na, shui,

⁸ otta koitaknu eaikap ruwe ne: orowa, kam otta okai utara anak ne Kamui nupetnere eaikap.

⁹ Echi onnaigeta Kamui Ramat anak uni ne koro yak anak ne kam onnaigeta shomo echi okai, koroka, ramat onnaigeta echi okai ruwe ne. Koroka, nen ne yakka Kiristo kon Ramat shomo koro guru an chiki; nei guru anak Shinuma otta ko-an guru shomo ne ruwe ne.

¹⁰ Orowa, Kiristo anak ne echi onnaigeta an chiki, katpak gusu netobake anak rai wa, okere; koroka, oupekap gusu ramat ishu ruwe ne.

¹¹ Koroka, rai-i orowa no Yesu hetopo-shiknurep kon Ramat echi onnaigeta uni koro yakun, rai-i orowa no Kiristo Yesu hetopo-shiknurep anak ne echi onnaigeta uni koro Shinuma kon Ramat ankushkerai gusu echi koro rai kuni netobake shiknure kusu ne na.

¹² Tambe gusu, iriwak utara, chi utara anak ne kam gusu shiknu wa, kam otta ishu kuni ambe shomo chi ne ruwe ne:

¹³ inambe gusu ne yakun, kam gusu echi shiknu chiki, echi rai kusu ne ap; koroka, netobake iki ikip ramat ani echi raige yakne echi shiknu kusu ne.

¹⁴ Inambe gusu ne yakun, Kamui Ramat ani atura utara, obitta nei utara anak Kamui poho utara ne ruwe ne gusu ne na.

¹⁵ Echi utara ishitoma gusu kanna-shui ausshiune utara ne kuni gusu ramat akore shomoki, koroka, nei ambe ani Abba, Michihi, ari an itak ani ye kuni poho ne akara kuni gusu an ramat echi kore nisa ruwe ne na.

¹⁶ Ramat yaikota chikon ramat tura chi utara anak ne Kamui poho ne sekorʼan paweteshu ambe ki ruwe ne: orowa, poho ne chiki,

¹⁷ eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

¹⁸ Tane okai ayairamshitnere ambe anak ne un otta anukare kusu ne a arakuru otta aukopa gusu uweepeka shomo ne kuni ku esanniyo.

¹⁹ Akara okaibe earikinne echipachipap anak ne Kamui poho utara anukara-hi etere ruwe ne.

²⁰ Akarabe anak ne rakaisambe otta itaknure wa okai, yaikota rengaine shomo ne, koroka, nei okaibe itaknure guru gusu ne ruwe ne;

²¹ tambe anak ne akara okaibe yaikota ne yakka munin kuni ausshiune ambe orowa no ahonnere wa Kamui poho utara mondum koro nupeki akore kuni chipachipa ruwe ne.

²² Obitta no okai akarabe anak ne tane pakno utura nuwap hemhem ki, yaiekimatek hemhem ki sekoro chi eraman ruwe ne gusu ne na.

²³ Tambe patek shomo ne, koroka, chi utara ne yakka. Ramat hetukure aro-ibehe koro chi utara ne yakka, yaioshiketa nuwap wa poho ne akara-hi chi tere: netobake kikiaraye kuni-hi chi tere koro okai ruwe ne.

²⁴ Inambe gusu ne yakun, chipachipa ash gusu chi utara kashiobiuki nisa; koroka, anukara wa aechipachipa ambe anak ne chipachipa ambe shomo ne: inambe gusu ne yakun, nukara okaibe gusu chipachipa guru anak ne inan guru ne ruwe?

²⁵ Koroka, shomo nukarabe gusu chi utara chipachipa ash yakun yaiyupupu wa nei ambe koro kuni etere ruwe ne.

²⁶ Orowa, nei no korachi Ramat anak ne chikoro katchakbe ikashiu ruwe ne: inambe gusu ne yakun, nekon a inonno-itak ki kuni kusu ne a-i chi erampeutek; koroka, nei Ramat yaikota aye eaikap pakno an oromande wa un gusu yaikurukata koramkon ruwe ne;

²⁷ orowa, sambe chimchimi guru anak ne Ramat koro keutum eraman, Kamui irenga nei no ashkanne utara gusu yaikurukata koramkon ruwe ne gusu ne na.

²⁸ Orowa, Kamui ko-omap utara gusu obitta no okaibe anak ne utura no iki wa pirikap ne ruwe ne sekoro chi eraman; aesanniyo nei no anishuk utara gusu poka ene ani ne ruwe ne.

²⁹ Inambe gusu ne yakun, Kamui anak ne etoko wano eraman utara, inne no okai uiriwak tumugeta iyotta kiyanne guru ne kuni gusu, koro Poho nokaha nei no akatkore kuni etoko wano esanniyo poka ki nisa ruwe ne:

³⁰ orowa, Shinuma etoko wano esanniyo utara, shui, Shinuma nei utara nishuk: orowa, Shinuma nishuk utara, shui, Shinuma oupekare: orowa, Shinuma oupekare utara, shui, Shinuma nupeki kore nisa ruwe ne.

³¹ Yakun, tap okaibe gusu hemanda chi ye kusu ne ya? Kamui un gusu an yakun, un epokba guru inan guru ne ya?

³² Yaikota koro Poho shihopinupka shomoki, koroka, un gusu Shinuma ekoshi gurʼanak ne, nekon a iki wa Shinuma tura oro-isam no obitta no okaibe un koropare ne yakka shomoki ruwe he an?

³³ Kamui anumge utara eiyonnuppa guru inan guru ne ya?

³⁴ Nei utara oupekare Kamui ne ruwe he an? Katpak kore guru nen ne ruwe? Rai, shui, makangane hetopo-shiknu wa Kamui shimon-tek samata an hine un eikotchanne ne yakka ki Kiristo ne ruwe he an?

³⁵ Kiristo koro omap-hi wano un oyakta ande guru inan guru ne ya? Aeramchuptekbe hene ya? Yairamkoiki ambe hene ya? Aepokbap hene ya? Kem-an hene ya? Atusa ambe hene ya?

³⁶ Ayaikikipbe hene ya? Rangetam hene ya? Chieshinnuye wa an korachi poka ne :— Aokai rengap gusu to ebitta a uu ronnu wa okai, Araige kuni gusu an hitsuji chikoikip nepkoro a esanniyo an ruwe ne.

³⁷ Son no un, obitta tap okaibe gusu un omap guru ankushkeraipo annokara kashpa ki utara chi ne ruwe ne.

³⁸ Inambe gusu ne yakun, rai ambe hene, inotu hene, hauturumbe hene, esapanep hene, tane an okaibe hene,

³⁹ ek kusu ne ambe hene, kiroro unbe hene, ri-ambe hene, ooho-i hene, nep ne yakka moshima an okaibe hene, chikoro Utarapa ne Kiristo Yesu oshiketa an Kamui omap-hi wano un oyakta ande eaikap ruwe ne, sekoro ku esanniyo koro an ruwe ne na.