Roma 14 - Ashiri Aeuitaknup Iyohaichish Yona 1897

14 Ik.

¹ Eishokor-i tum-sak guru uk yan, koroka, utumashire kuni upaore gusu shomo ne.

² Shinen anak ne eishokor-i atte gusu nep ne yakka ibe: koroka, tum-sak guru anak ne kina-ratashtep ibe ruwe ne.

³ Ibe gurʼanak ne iteki shomo ibe guru pange yan; orowa, shomo ibe gurʼanak ne iteki ibe guru koipishi yan: Kamui anak ne shinuma uk nisa ruwe ne gusu ne na.

⁴ Moshima guru koro uitekbe koipishi aokai anak ne hunna? Nei gurʼanak ne yaikota kon nishpa gusu ash hene ki hachiri hene ki ruwe ne. Ruwe un, shinuma anak ne aashte kusu ne; Utarapa anak ne shinuma ashte kuni eashkai ruwe ne gusu ne na.

⁵ Shinen anak ne shine to kasu no moshima toho ainukoro kunip ne sekoro esanniyo: koroka, moshima gurʼanak ne obitta no okai toho ukorachi nep kuni esanniyo ruwe ne. Ainu pishno yaikota koro keutum ta aeramushinne no oshitchiu yan.

⁶ Nei toho esanniyo gurʼanak ne Utarapa gusu esanniyo ruwe ne: orowa, ibe gurʼanak ne Utarapa gusu ibe, Kamui koyaiiraige ruwe ne gusu ne na: shui, shomo ibe gurʼanak ne Utarapa gusu shomo ibe, aige, Kamui koyaiiraige ruwe ne na.

⁷ Yaikota gusu shiknu guru isam, orowa, yaikota gusu rai guru isama.

⁸ Inambe gusu ne yakun, shiknu ash yakka, Utarapa gusu shiknu; rai yakka, Utarapa gusu rai ruwe ne: tambe gusu shiknu yakka, rai yakka, Utarapa korope chi ne ruwe ne.

⁹ Tap an ikkewehe gusu Kiristo rai wa shiknu ruwe ne, rai guru hene shiknu guru hene enishpane kuni gusu ne na.

¹⁰ Koroka, aokai gusu, hemanda gusu eani e koro iriwak koipishi ruwe he an? Shui, aokai gusu, hemanda gusu eani e koro iriwak pange ruwe he an? Chi utara obitta Kamui koro koipishi kuni amset kotchaketa roshki kusu ne na.

¹¹ Inambe gusu ne yakun, ene chieshinnuye wa an na :— Utarapa ene itak-hi :— Ku ishu gusu Eu orun obitta no okai kokkasap anak ne komo kusu ne, Orowa, obitta no okai parumbe anak Kamui orun eyaipushi kusu ne.

¹² Tambe gusu chi utara pishno yaikota gusu an orushpe Kamui orun ye kusu ne na.

¹³ Tambe gusu, tewa no poka, iteki utashpa ukokoipishi yanro: koroka, koro iriwak kotchaot iteki ureepetchiure kunip iteki hachire kuni ika aande kuni ne makangane esanniyo yan.

¹⁴ Yaikota gusu nep ne yakka turu-ush shomo ne sekoro Utarapa ne Yesu ankushkerai ku eraman wa ku esanniyo ruwe ne: ouse nepka turu-ushbe ne sekoro nenka esanniyo chiki, shinuma gusu turu-ushbe ne ruwe ne.

¹⁵ Inambe gusu ne yakun, aep gusu e koro iriwak aoknatare chiki, tane omap ki no shomo e apkash ruwe ne. E koro aep ani,

¹⁶ gusu Kiristo rai guru iteki isamka yan. E koro pirikap iteki wen no ayere yan:

¹⁷ Kamui moshiri anak ne ibe hene ki iku hene ki ambe shomo ne, koroka, oupekap newa itomo irenga newa Ashkanne Ramat gusu akopuntekbe ne ruwe ne gusu ne na.

¹⁸ Aine, tap okaibe ani Kiristo otta yaishieiwangere guru anak ne Kamui nupetnerep ne, orowa, utara orowa no aeramuoshmap ne ruwe ne.

¹⁹ Yakun, itomo irenga epeka kuni ambe hemhem, utashpa uashte kuni ambe hemhem keseamba yanro.

²⁰ Aep gusu iteki Kamui karape isamka yan. Nep okaibe ne yakka sone turu-sakbe ne; yakka, epetchiure no ibe guru gusu wen ruwe ne na.

²¹ Kam shomo ibe hemhem ki, tonoto shomo iku hemhem ki, samata, gusu nep ne yakka e iriwak aepetchiure hemhem shomo ki ambe anak ne pirikap ne ruwe ne.

²² E atte eishokor-i gusu anak Kamui tek-samata yaikota gusu koro yan. Aeuwandep gusu yaikota akoipishi kunip shomo anukara guru anak ne anunuke ne.

²³ Koroka, utumashi shiriki no an wa ibe gurʼanak ne katpak an sekoro aesanniyo ruwe ne, eishokon no ibe shomoki ruwe ne gusu ne na; orowa, nep ne yakka eishokor-i gusu shomo ne ambe anak katpak ne ruwe ne.