Korosai 1 - Ashiri Aeuitaknup Iyohaichish Yona 1897

1 Ik.

¹ Kamui rengaine an gusu Kiristo Yesu koro Apostoro ne Pauros newa akoro iriwak ne Timoteos anak ne,

² Korosai kotan ta oshiroma Kiristo oshiketa okai ashkanne utara newa ikipniukesh uiriwak utara orun kambi omande na: chikoro Michi ne Kamui orowa no irenga newa itomo echi gusu anro.

³ Chi utara anak ne chikoro Utarapa ne Yesu Kiristo koro Michi ne Kamui otta koyaiiraige ki hine ramma echi utara gusu inonno-itak ki na:

⁴ eeshiri echi otta ek pirika shongo oma son no arabe an itak ani echi nu kando otta echi utara gusu eumashnu wa an aechipachipa ambe gusu,

⁵ Kiristo Yesu otta echi ki eishokor-i hene, obitta no okai ashkanne utara gusu echi ki omap ambe hene chi nu nisa ruwe ne gusu ne na:

⁶ nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

⁷ echi utara gusu Kiristo koro ikipniukesh aeyaishieiwangere guru ne chikoro omap an tura iki usshiune Epapras orowa no ka echi yaihannokkara korachi ne;

⁸ shinuma anak, shui, Ramat otta an echi omap arabe un nure nisa ruwe ne.

⁹ Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

¹⁰ samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

¹¹ Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

¹² orowa, pekere otta okai ashkanne utara tura aeikeshkoro kuni an ambe chi uina kuni ne un kopakeatte Michi otta koyaiiraige ki;

¹³ Shinuma anak ne kunne kiroro orowa no un ohaitare wa, koro omap an Toho koro moshiri orun un ahupte nisa ruwe ne;

¹⁴ samata, Shinuma ankushkerai kikiaraye arabe chi koro, aige, chikoro katpak atusare an na:

¹⁵ Shinuma anak ne anukara eaikap Kamui koro nokaha ne, obitta no okai akarabe etoko hetukup ne; inambe gusu ne yakun, kando oshiketa okai yakka,

¹⁶ moshiri kata okai yakka, anukarabe ne a yakka, anukara eaikapbe ne a yakka, araset hene, enishpane arabe hene, esapane arabe hene, nrondum korope hene ne yakka obitta Shinuma otta akan nisa ruwe ne;

¹⁷ obitta no okaibe Shinuma ankushkerai akara, Shinuma otta akan na; aige, Shinuma anak ne obitta no okaibe eto-kota an, samata, Shinuma gusu obitta no okaibe roshki ruwe ne.

¹⁸ Orowa, Shinuma anak ne nei netobake ne karisia koro sapaha ne: atpake an ap ne, rai-i orowa no hoshike hetukup ne ruwe ne; Shinuma obitta no okaibe gusu esapanep ne kuni gusu ne na.

¹⁹ Inambe gusu ne yakun, obitta no okai eupakte-i Shinuma oshiketa oshiroma kuni ambe anak Shinuma irenga ne ruwe ne gusu ne na;

²⁰ samata, koro utasap kemihi ani itomo ashte hine, Shinuma ankushkerai gusu yai otta obitta no okaibe irenga usaraye kuni gusu ne na; moshiri kata okaibe ne a yakka, kando oshiketa okaibe ne a yakka, Shinuma ankushkeraipo aratchire kuni gusu nep.

²¹ Orowa, echi utara anak ne etoko wa echi wen ikichi arabe gusu echi koro keutum oshke uwoyake an hine epokba utara echi ne a yakka,

²² Shinuma kotchaketa ashkanne newa turu-sak newa wen-buri sak no echi roshkire kuni ne, tane, Shinuma rai arabe koro kara netobake oshiketa irenga usaraye nisa ruwe ne:

²³ echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

²⁴ Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

²⁵ otusashiri wano okai uirup ikiri otta eshina wa an mukkep ne Kamui itak uweomare kuni gusu, echi utara epeka a en kore Kamui en kara ambe nei no korachi,

²⁶ nei karisia otta aeyaishieiwangerere guru ku ne ruwe ne: koroka, tane anak ne nei arabe Shinuma koro ashkanne utara otta aeramande, awa,

²⁷ Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

²⁸ chi utara anak ne pishno an ainu Kiristo oshiketa aeramushinne wa atte kuni ne, wayashnu no pishno an ainu onishnishi hene ki, pishno an ainu epakashnu hene ki hine, Kiristo eupaskuma ash ruwe ne;

²⁹ nei arabe gusu poka kuani anak, en onnaigeta kiroroashnu no iki, Shinuma kara arabe nei no kiroro yupu hine ku monraige ruwe ne.