I Yoannes 3 - Ashiri Aeuitaknup Iyohaichish Yona 1897

3 Ik.

¹ Chi utara anak ne Kamui Poho ne aporose kuni ne Michi un koropare omap ambe nekon a okaibe ne ya sekoro ingara yan: ene ani ka chi ne ruwe ne. Tambe gusu, moshiri anak ne un eamkiri shomoki, shomo Shinuma eamkiri nisa ruwe ne gusu ne na.

² Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.

³ Orowa, Shinuma gusu tapne no chipachipa gurʼanak ne, Shinuma ka turasak korachi yaikota yaiturusakte ruwe ne.

⁴ Nen ne yakka katpak ki gurʼanak ne ikashpaotte oterekep ne yakka ki ruwe ne: katpak anak ikashpaotte oterekep ne ruwe ne.

⁵ Orowa, Shinuma anak ne katpak sei kuni gusu anukan nisa ruwe ne sekoro echi eraman; orowa, Shinuma oshiketa katpak isam ruwe ne.

⁶ Shinuma oshiketa oshiroma gurʼanak ne shomo katpak ki ruwe ne; nen ne yakka katpak ki gurʼanak ne shomo Shinuma nukara, shomo Shinuma eamkiri nisa ruwe ne na.

⁷ Nokan utara, iteki moshima guru orowa no ayaishirende: oupekap ki gurʼanak ne, Shinuma oupeka korachi,

⁸ oupekap ne ruwe ne; katpak ki guru anak ne nitnep orowa no an ambe ne; atpake wano nitnep anak katpak ki ruwe ne gusu ne na. Tambe gusu, Kamui poho anukan ruwe ne, nitnep ki ikip isamka kuni gusu ne na.

⁹ Nen ne yakka Kamui orowa no hekatu gurʼanak ne katpak shomo ki ruwe ne. Shinuma koro piyehe nei guru onnaigeta oshiroma ruwe ne gusu ne na: nei guru anak ne katpak ki eaikap, Kamui orowa no hekatu nisa ruwe ne gusu ne na.

¹⁰ Tata otta Kamui poho utara hemhem nitnep koro poho utara hemhem anukan ruwe ne: nen ne yakka oupekap shomo ki guru hene, koro iriwak shomo omap guru hene, Kamui orowa no an ap shomo ne.

¹¹ Atpake wano echi nu okere shongo anak ne ene ani ne, chi utara utashpa uweomap ki kuni an ambe ne:

¹² nitnep orowa no an wa koro akihi kewe-uk Kain korachi shomo ne ruwe ne Orowa, nep gusu shinuma kewe-uk a? koro ki ikip wen wa, akihi ki ikip oupekap ne ruwe ne gusu ne ruwe tapan na.

¹³ Iriwak utara, moshiri anak ne echi etunne chiki, iteki enushkari yan.

¹⁴ Chi utara anak ne iriwak utara omap gusu rai-i orowa no paye wa ishu-i otta ahup ash nisa ari an ambe chi eraman ruwe ne. Shomo omap ki gurʼanak ne rai-i otta riya ruwe ne.

¹⁵ Nen ne yakka koro iriwak etunne gurʼanak ne keweuk gunʼne: orowa, nen ne yakka kewe-uk gurʼanak ne, nei oshiketa ramma okere shomoki inotu koro shomoki ruwe ne ari an ambe echi eraman.

¹⁶ Shinuma anak ne un gusu koro inotu ande-hi gusu, tambe gusu omap ambe chi eraman; chi utara ne yakka iriwak utara gusu koro inotu ande kusu ne ap ruwe ne.

¹⁷ Koroka, nen ne yakka tamʼmoshirʼun okaibe koro, aige, koro iriwak aeishiramne i nukara wa rampoken keutura seshke guru an yakun, nekon a Kamui omap-i nei guru oshiketa okai ya?

¹⁸ Nokan utara, iteki itak ani, parumbe ani, omap ki, koroka, iki-buri newa sonep ani omap yan.

¹⁹ Tata otta chi utara anak ne son-i orowa no oka-hi chi eraman, orowa, nep gusu ne yakka chikoro keutura anak un katpakte yakka,

²⁰ Shinuma tek-samata chikoro keutura ratchi wa okai ruwe ne; Kamui anak ne chikoro keutura kasu no pase wa nep ne yakka eraman ruwe ne gusu ne na.

²¹ Aomap an utara, chikoro keutura anak ne un katpakte shomoki chiki Kamui gusu chi rametokkon ruwe ne;

²² orowa, Shinuma sange ikashpaotte chi shikkashima wa Shinuma nupetnere kuni buri chi ki ruwe ne gusu, tambe gusu, nep ne yakka koramkoro yakka Shinuma un koropare ruwe ne.

²³ Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

²⁴ Orowa, shinuma sange ikashpaotte shikkashima gurʼanak ne Shinuma otta riya, orowa, Shinuma anak ne nei guru otta riya ruwe ne. Orowa, a un koropare Ramat ani gusu, chi utara anak ne shinuma un otta riya ruwe ne sekoro chi eraman.