I Tessaronike 3 - Ashiri Aeuitaknup Iyohaichish Yona 1897

3 Ik.

¹ Tambe gusu naa yaishiporore eaikap chiki chi utara puine no Atens kotan ta ahoppa yak pirika sekoro yainu;

² aige, echi roshkire hemhem ki, echi iki eishokor-i gusu aomaoma hemhem ki gusu, Kiristo koro pirika shongo gusu Kamui otta yaishieiwangere guru chikoro iriwak ne Timoteos echi orun arapare nisa ruwe ne;

³ tambe anak, inan guru ne yakka tapan aeramchuptekbe gusu shomo amoimoigere kuni gusu an ap ne; inambe gusu ne yakun, chi utara anak ne tambe gusu aatte utara chi ne sekoro echi yaikota eraman ruwe ne gusu ne na.

⁴ Son no newa, echi tura no okai ash ita anak ne echi utara aeramchutekte kusu ne a arabe irammakaka echi nure ash nisa; iki korachi nep, echi eraman korachi ne ruwe ne gusu ne na.

⁵ Tan ikkewehe an gusu kuani poka, naa yaishiporore eaikap chiki, echi iki eishokor-i eraman kuni ne ku teshkan nisa ruwe ne, nekon a poka ika nei a ikoranmukarape echi koramnukara, aige, chi utara iki monraige iteki raka-sak kuni gusu ne na.

⁶ Koroka, Timoteos anak ne tane echi orowa no un orun ek ita echi iki eishokor-i newa omap ambe gusu an pirika shongo hemhem chi utara echi nukan rusui korachi echi un nukan rusui wa ramma-kane pirika no un eshkarun arabe hemhem un nure nisa ruwe ne;

⁷ tapan ikkewehe an gusu, iriwak utara, obitta no okai chi iki kunip newa eramchuptekbe an ita echi iki eishokor-i ankushkeraipo aomaoma nisa ruwe ne;

⁸ inambe gusu ne yakun, Utarapa oshiketa pirika no echi roshki chiki,

⁹ chi utara ishu ruwe ne gusu ne na. Kamui tek-samata echi ankushkerai, ani chi eyaikopuntek nupetne ambe gusu, shui Kamui otta echi utara gusu nekon a yaiiraige an arabe chi yange eashkai ruwe he an?

¹⁰ echi kon nanuhu chi nukara hine echi eishokor-i ta eikohaye ambe eramushinnere kuni ne kunne to ta ne yakka tokap to ta ne yakka shiarikiki no inonno-itak ruwe ne na.

¹¹ Tane, chikoro Kamui newa Michihi yaikota, orowa, chikoro Utarapa ne Yesu anak ne echi orun araki ash gusu un epakashnu kuni ne akoramkoro, aige, echi

¹² epeka chi utara ne yakka iki nei no Utarapa anak ne uweutashpa echi omap wa nuye an no echi kire kuni akoramkon na;

¹³ tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.