I Korintos 8 - Ashiri Aeuitaknup Iyohaichish Yona 1897

8 Ik.

¹ Tane potoki otta ayangep gusu, chi utara obitta eramush ruwe ne ari chi eraman.

² Eramushbe anak ne pittarannere, koroka, omap ambe anak ne ashte ruwe ne. Nenka nepka eraman ari yainu guru an chiki shinuma anak ne eraman kuni kusu ne ap korachi naa erampeutek ruwe ne;

³ koroka nenka Kamui ko-omap chiki, Shinuma orowa no aeamkire ruwe ne.

⁴ Tambe gusu, potoki otta ayangep ibe ambe gusu, potoki anak ne moshirʼotta nep ne ka aramu shomoki kuni ambe ne, orowa, Shine Kamui moshima Kamui isama ari chi eraman ruwe ne.

⁵ Orowa, kando otta ne yakka moshirʼotta ne yakka Kamui ari an reihei ani areikorep inne ne a yakka,

⁶ Kamui inne Utarapa inne ne korachi; yakka, chi utara gusu anak, Shine Kamui an, Shinuma Michi ne, Shinuma gusu obitta no okaibe okai, orowa chi utara anak ne Shinuma oshiketa okai ruwe ne; samata, Shine Utarapa an, Yesu Kiristo ne ruwe ne, Shinuma ankushkerai nep ne yakka okai, orowa chi utara anak ne Shinuma ankushkerai okai ruwe ne.

⁷ Yakka obitta no okai utara otta nei no an eramush-i isam: koroka, arage okai utara anak ne tane pakno potoki koro gusu, potoki otta ayange ambe nei no ibe; aige, koro keutum katchakbe ne gusu turu-aushte ruwe ne.

⁸ Koroka, kam gusu chi utara anak ne Kamui tek-samata shomo roshki ash: shui, shomo ibe yakka aewende shomoki: shui, ibe yakka aepirikare shomoki ruwe ne na.

⁹ Koroka, tapan echi koro rengaine an mondum anak ne iteki katchak wa okai utara gusu ae ureepetchiurep ne akara kuni ne yaitubare yan.

¹⁰ Inambe gusu ne yakun, eramushbe e koro wa potoki chisei ta a hine ibe korʼan ambe nenka nukara guru an chiki, shinuma katchakbe ne yakun, koro keutum arametokte wa potoki otta ayange ambe ibe shomoki kusu ne ruwe he an?

¹¹ E ki eramushbe gusu nei a katchak guru, gusu Kiristo rai akoro iriwak ne guru, aisamka ruwe ne.

¹² Orowa, tambe nei no iriwak ne utara epeka katpak echi ki wa katchak wa an rapoketa nei utara koro keutum echi piriore gusu Kiristo epeka katpak echi ki ruwe ne.

¹³ Tambe gusu, aep anak ne ku iriwak ureepetchiure yakun, iteki ku iriwak ku epetchiure kuni ne, ramma pakno kam shomo ku ibe kusu ne na.