Iyohaichish 99 - Ashiri Aeuitaknup Iyohaichish Yona 1897

99. Iyohaichish.

¹ EHOBA epungine korʼan, utara tusushke yan. Shinuma Kerubim tumta rok; toitoi moimoige yan.

² Zion otta Ehoba anak ne pase ruwe ne; Shinuma anak ne obitta no okai utara kashita ri ruwe ne.

³ Nei utara E koro pase newa aeoripak kuni reihei ramuyere yan: Shinuma Ashkannep ne ruwe ne.

⁴ Moshiri shikkashima guru koro kiroro anak ne aesanniyo ambe ne yakka omap; Aokai sonep ashte, Aokai Yakob otta aesanniyo ambe newa oupekap ki ruwe ne.

⁵ Chikoro Kamui ne Ehoba pasere yan, Kashiketa Shinuma koro chikiri aandep samaketa ongami: Shinuma Ashkannep ne ruwe ne.

⁶ Mose newa Aaron anak ne Shinuma koro yaishieiwangere utara tumugeta okai, Samueru anak ne Shinuma kon reihei konishuk utara tumugeta an na; Nei utara Ehoba konishuk, awa Shinuma ese itak ki nisa ruwe ne.

⁷ Shinuma anak ne nishkuru ikushpe ani nei utara otta ye nisa: Nei utara anak ne otta akoropare Shinuma koro ekambakbe newa sange itak shikkasbima nisa ruwe ne.

⁸ Aa chikoro Kamui ne Ehoba, Aokai anak ne nei utara orun ese itak ki nisa: Nei utara ikichi buri gusu Aokai ikemnu ki a yakka, Nei ap tusare Kamui E ne ruwe ne na.

⁹ Chikoro Kamui ne Ehoba pasere wa, Shinuma koro ashkanne huru otta ongami yan; Chikoro Kamui ne Ehoba anak ne Ashkannep ne ruwe ne gusu ne na.