Iyohaichish 97 - Ashiri Aeuitaknup Iyohaichish Yona 1897

97. Iyohaichish.

¹ EHOBA epungine korʼan; toitoi nupetne yan; Inne no okai repun shiri yainuchattek yan.

² Nishkuru newa kunne-i Shinuma okari an: Oupeka ambe newa aesanniyo ambe anak ne Shinuma koro amset asamaha ne ruwe ne.

³ Shinuma kotchaketa abe paye wa Shikapneka no okai Shinuma epokba utara uhuyeka ruwe ne.

⁴ Shinuma koro imeru moshiri pekereka: Toitoi nukara wa tusushke nisa ruwe ne.

⁵ Ehoba an gusu huru anak ne ro korachi ru, Utarapa an gusu moshirʼebitta ru nisa ruwe ne na.

⁶ Kando anak ne Shinuma koro oupeka ambe assuru ashte, Utara obitta Shinuma koro arakuru nukan nisa ruwe ne.

⁷ Notakup ari akara nokaha otta yaishieiwangere utara newa, Potoki gusu yaiomonnure utara kane ayainikorosh-mare na: Obitta no okai Kamui, Shinuma ko ongami yan.

⁸ Zion nu wa yainuchattek nisa, Orowa Yuda matnepo utara nupetne nisa ruwe ne; Aa Ehoba, E ki esanniyo ambe ne gusu ne na.

⁹ Inambe gusu ne yakun, Aa Ehoba, Aokai anak ne toitoi ehitta kashiketa iyotta Rikunbe E ne: Obitta no okai Kamui kasu no Aokai anak ne apaserep E ne ruwe ne gusu ne na.

¹⁰ Aa Ehoba ko-omap echi utara obitta wenbe etunne yan: Shinuma anak ne koro Ashkanne utara kon ramat koshiratki; Wen utara koro teke wano nei utara ohaitare ruwe ne.

¹¹ Pekere anak ne oupeka utara gusu aetoita wa an, Orowa, yainuchattek ambe anak ne keutum oupeka utara gusu aande wa an ruwe ne.

¹² Oupeka wa okai echi utara, Ehoba gusu yainuchattek yan; Aige, Shinuma koro Ashkanne reihei orun koyaiiraige yan.