Iyohaichish 96 - Ashiri Aeuitaknup Iyohaichish Yona 1897

96. Iyohaichish.

¹ ASHIRI shinotcha ani Ehoba otta ko-shinotcha-ki yan: Moshirʼebitta Ehoba orun ko-shinotcha-ki yan.

² Ehoba otta ko-shinotcha-ki yan, Shinuma kon reihei nunuke yan; Kesto Shinuma ki kashiobiuki ambe ashte yan.

³ Moshiri uirup tumugeta Shinuma koro nupeki nure, Utara tumta Shinuma ki iyokunnure ikip ashte yan.

⁴ Inambe gusu ne yakun, Ehoba anak ne pase wa poron no airamye kuni ambe ne: Obitta no okai Kamui kasu no akoishitoma kunip ne ruwe ne.

⁵ Inambe gusu ne yakun, utara koro obitta no okai Kamui anak ne isambe nep ruwe ne: Koroka, Ehoba anak kando kara Kamui ne ruwe ne na.

⁶ Shinuma tek-samata aeoripakbe newa arakuru an: Kiroro newa shiretokbe Shinuma koro ashkanne ushiketa okai ruwe ne.

⁷ Utara iriwak utara Ehoba otta kore, Nupeki newa aeoripakbe Ehoba otta kore yan.

⁸ Koro reihei gusu an kuni nupeki Ehoba orun kore: Ayangep koro wa Shinuma koro kenru orun ahup yan.

⁹ Aa, Ashkanne chitomtep koro wa Ehoba ko-ongami yan, Moshirʼebitta Shinuma tek-samata tusushke yan.

¹⁰ Moshiri uirup utara ene ye-hi:— Ehoba esapane korʼan: Moimoige eaikap kuni ne moshiri aashte wa an: Shinuma anak ne oupeka no utara koipishi kusu ne na.

¹¹ Kando yaikopuntek yan, toitoi nupetne yan; Atui newa nei eshikbe newa humi ashte yan.

¹² Nup newa otta okaibe obitta ramuritetke yan; Nitai otta obitta no okai chikuni nupetne wa shinotcha ki yan;

¹³ Shinuma ek gusu, Ehoba kotchaketa ki yan; Moshiri koipishi gusu Shinuma ek ruwe ne: Shinuma oupeka no moshiri koipishi kusu ne, Son no ambe ani uirup utara koipishi kusu ne na.