Iyohaichish 95 - Ashiri Aeuitaknup Iyohaichish Yona 1897

95. Iyohaichish.

¹ HETAK, araki wa Ehoba otta shinotcha ki: Un Kashiobiuki Watara otta nupetne hau ashtero.

² Yaiiraige koro Shinuma tek-samata araki, Iyohaichish ani Shinuma otta nupetne hau ashtero.

³ Ehoba anak ne pase Kamui ne, Obitta no okai Kamui kasu no poro esapanep ne gusu ne na.

⁴ Moshiri ooho-i Shinuma parateke otta an; Nupuri ri-hi ne yakka Shinuma korobe ne.

⁵ Atui anak ne Shinuma korobe ne, Shinuma karabe ne; Shinuma teke anak ne sat toi kan nisa ruwe ne.

⁶ Hetak, araki wa ongami hine hepokiki Un kara Ehoba kotchaketa kokkaerok yanro:

⁷ Shinuma anak ne chikoro Kamui ne, Chi utara anak Shinuma koro areshpa utara chi ne, koro teke un hitsuji chi ne ruwe ne gusu ne na.

⁸ Aa, tanto Shinuma koro hau echi nu chiki humi! Meriba ta hene, nup ta okai Massa toho ta hene korachi,

⁹ Iteki echi keutum nishtere yan: Nei ita echi shinrit utara En koramnukan nisa;

¹⁰ En koramnukara wa Ku ki ikip nukan nisa ruwe ne. Tu hotne pa uturuta nei ainu ikiri gusu ku eyaisambepokash hine,

¹¹ Ene itak-hi:— Keutum ta ohaitap ki utara ne, Ku kan ruhu erampeutek utara ne ruwe ne:

¹² Tambe gusu, nei utara Ku shini-i otta ahup shomoki, Sekoro, Ku irushka wa shiyuppa no Ku ye nisa ruwe ne na.